السلام عليكم,
من اسبوعين, وديت تيلفون الاهل بلاكبيري للتصليح لانه تشلل كليا مع اني ماخذنه من فتره قصيره.
رجعت التيلفون وقالولي بيصلحونه. المفروض ياخذله كحد اقصى 4 ايام <<< لازم تعرفون هذي النقطة لكل من يصلح تيلفونه.
خذالهم عشرة ايام. وطرشولي رساله, تيلفونك خلص, تعال استلمه.
استلمنا البلاكبيري واول ما شغلناه وصلت لنا عشرات الرسايل من طلب اضافه ورسايل نصية!!!
الحمد لله متاكدين الف بالمية انا مب مصورين فيه احد غير الصغارية. ونحن حريصين من هذي الناحية لان اولا التيلفون يخزن الصور ولو مسحتهم وثانيا الصور تتخزن في السيرفر شأنا ام ابينا.
قلت اكيد حد عابث بالتيلفون وماخذ البن نمبر وموزعنه على خلق الله <<< شوف سوء الظن. قلت لا الليله ما بتعدي على خير. قلت برفع عليهم قضيه.
الحرمه لاحظت ان الكيبورد شكله قديم لان الصبغ على كلمة space ممسوح تقريبا. والماوس ( الكره ) مصفر.
زين ان PIN # مال تيلفونا الاصلي موجود عندي وجيكت على البن هذا طلع مختلف. اتصلت على 101 قالوا مب من حق شركة التصليح يغيرون التيلفون من دون علمك ولو غيروا لازم يخبروك قبل ولازم يكون يديد لان يتلفون في الضمان وبعده يديد.
الحين يا اما التغير صار بعمد او بغير عمد.
بس بغيتكم تنتبهون من هذي الناحية وانا بعدني الحين اتريا اتصال يوضحون شو صار وايبولي تيلفون بديل.
ملاحظة, بس ارجوا منكم ان لا تخرجوا الموضوع عن مساره وهدفه. هي ملاحظه حبيت اخبركم اياه بقصة صارت لي.
والله ما ادري شو صار وما فيني على عوار الراس وياهم.
بس الحمد لله المهم حصلوا تيلفوني وقالوا ان كان في لبس وخلط. ما شاء الله يالس يطلع لي بطايق يانصيب مب تيلفون مسجل بفاتوره.
تحملوا يا جماعة الخير قبل لا تودون تيلفوناتك سجلوا البن نمبر عن يطلع عليكم لبس وبشت.
كل تلفون له سيريال نمبر لكن البلاك بيري يختلف عنهم كليا..البن كود مسجل باسمك وعنوانك بالمسنجر..يعني من الغباء انهم يعطونك تلفون ثاني الا وهم قاصدين يستغفلونك…المفروض تشتكي عليهم..
شكراً ع التنبيه
أنا حالف ماأشتريه ، يارالله 95