تحذير مهم للجميع بخصوص سيارات الوارد أمريكا

128 thoughts on “تحذير مهم للجميع بخصوص سيارات الوارد أمريكا”

1. على مااعتقد ان كل شيء وااضح ..

   والموضوووع المفرووض ماله حااجه..

   كل براسه يعرف خلاااصه بلا تجريح او حتى تنفر كلمه بلا دااعي ..

2. صح كلامك يابوزايد ممكن يضع موضوع مستقل حتي يتسني لسعود الرد علي الاتهام الموجه له ؟؟؟

3. شو رد سعود البكر على هذا الاخ الذي يقول انك سرقته وكذبت عليه ؟ ممكن الرد باسرع وقت .

   عفوا اخوي مع احترامي لردك بس موضوعي هذا ما يخص سعود البكر ولا اي انسان بالمنتدى

   تقدر تحط ردك هذا في الموضوع المطروح بالمجلس

   الموضوع هذا مب مقصود فيه لا سعود البكر ولا غيره

   والسموحه منك

4. معاناتي مع البكر للسيارات

   انا راح اتكلم عن الموضوع باختصار لكن من دون اهمال الحقائق و الله يشهد علي اني ما كذبت ولا اني اتبلى عالشخص المذكور..
   بداية و في صيف 2006 و بعد ما قريت عن مواضيع سعود البكر وكيفية توفير السيارات و بسعر رخيص وانا كنت ابحث عن سيارة بوقتها بسعر مناسب . رحت بحثت في اكثر من موقع عن السيارة اللي كنت ارغب في اقتنائها و اخيرا لقيت ضالتي في موقع الكل يعرفه وهو الايبي وفعلا سجلت في الموقع ودخلت في المزاد وكانت اول مرة ادخل فيها مزاد و حتى ما تفوتني السيارة و تروح علي و بعد ان رسى المزاد علي ارسلت ايميل لسعود البكر و شريكه سليمان شروف بنفس المحتوى و خبرتهم بانه المزاد رسى علي و انه الشخص صاحب السيارة كاتب في المزاد انه راح يتكفل بتوصيل السيارة لمسافة 200 ميل على ما اذكر….وطلبت منهم انهم يشيكون على السيارة و يردون علي خبر بحيث انه اذا ما كان فيها شي راح اشتري السيارة….
   بعدها طلب مني سعود اني اتصل به و فعلا اتصلت به وقالي انه سياسة الموقع تقول انه اذا رسى المزاد علي و ما دفعت للشخص مهما كان راح يتسكر حسابي في الايبي فخبرته انه الحساب ما يهمني خله يتسكر الاهم انه السيارة تكون صاحية وما فيها اي عيب مثل ما صاحبها ذاكر في الموقع . و فعلا اتفقنا و طلب مني اضيف مبلغ 1200 دولار مصاريف التشيك على السيارة كما هو مذكور في المنتدى و اظن الكل يعرف بالشي هذا قلت ان شاء الله …وفعلا حولت له المبلغ….وبعد فترة اتصل بي سليمان شروف و قالي انه الشخص اللي ارسلوه يفحص السيارة خبرهم بانه السيارة سليمة وما فيها اي شي اللهم مجرد كلب بسيط في سقف السيارة….وسألته شو رايه بسعر السيارة و قالي السعر وايد ممتاز وخصوصا انه السيارة نظيفة وما فيها مشاكل او خلل..لا بودي ولا ميكانيكيا….فقلتله توكل على الله و فعلا تم شراء السيارة بعد ما قالي انه مافيها اي شي…
   وبعد انتظار لمدة 6 شهور تقريبا لوجود مشاكل مع شركة الشحن مثل ما خبرني سليمان وكل هالمدة السيارة كانت واقفة في المينا….ولما و صلت السيارة للميناء تبين انه داخلها ماي و ماكانت تشتغل فتم شحنها للكراج وتنظيف المكينة و تجفيف الماي حتى انه الماي كان داخل للقير و الكراسي الامامية يعني من حالتها الواحد يقدر يقول انها غرقانه و الله أعلم…بس الحمدلله اشتغلت السيارة . ولما خبرت سليمان بالموضوع قالي والله ما ادري يمكن انه شركة الشحن ناسين الجامات الامامية و ما سكروها…طيب شو عن الماي اللي داخل القير و جاي صوب المكينة هل نسوا البونيت مفتوح بعد؟؟!!…قلت مو مشكلة…وبعد الانتهاء من تنظيف السيارة وصبغ البمبر بسبب الضربات و عمل ميزانية للبونيت و الباب الخلفي لانه ما كان يتسكر عدل وتبديل الليتات و الشبك طبعا الليتات الاولية كانت شغاله…تم رفع السيارة وهنيه كانت الطامه….تبين انه السيارة متعرضة لحادث قوي الجهة اليسرى بالكامل يعني الشاصي رايح اتصدقون انه حتى الشاصي حاطين عليه سيليكون… وايضا الجهة الخلفية الشاصي مضروب و السيارة طبعا ما راح تتسجل فعلا كانت صدمة قوية.. اخ يالقهر و الله حرام عليكم…اتصلت بسعود و خبرته بالسالفة فقالي اتصل بسليمان و اتصلت به فقالي اني ما طلبت منهم يشيكون عالسيارة!!!!! وانه شيك عالسيارة بالتلفون من صاحبها فقط…!!!الحين شو هالكلام…معقولة ياجماعة والله حرام عليهم و اخرتها يطلعوني كذاب بعد والله حسرة….حاولت اتفاهم و ياهم لكن سعود ما قام يرد عالتلفون او انه يرسلي مسج و يقولي اتصل بسليمان….وتميت ايام وانا احاول اني اتفاهم ويا سليمان…يعني انكروا اني طلبت منهم انهم يشيكون عالسيارة…فارسلت لهم فاكس بنسخة من الايميل اللي طلبت منهم فيه انهم يشيكون عالسيارة و يردون علي خبر وبعدين ياجماعة مثل ما تعرفون من المواضيع اللي كان حاطنها سعود في البداية انه ال1200 دولار الواحد يدفعها قيمة التذكرة و السفر لمكان السيارة لفحصها و التاكد من انها سليمة 100% . و انا دفعت لهم 1200 دولار والوصل لازال عندي من البنك الى الان…. و لما كلمت سليمان بالموضوع قالي انه موضوعي يعتبره منتهي و انه ما يبغيني اتصل به مرة ثانية و انه ما راح يغير رايه…واتصدقون انه حتى سكر السماعة فويهي وانا اتكلم وياه…والله انها منتهى اللااخلاقية و عدم حس بالمسئولية…تخيلوا هالموقف و بعد كل التعب يصير بكم جيه….ورديت اتصلت على سعود اللي ما قام يرد عالتيلفون و في المرة الاولى سكره وهو يرن و بعدها قام يحوله عالبريد الصوتي….والله مذلة كاني انا يالس اطر منهم….و لين يومكم هذا صار اكثر من 3 شهور و السيارة واصلة وهي من كراج لين كراج و كلفتني صيانتها و تبديل الشاصي 18-19 الف درهم تقريبا طبعا هذا غير مشكلة القير و اشياء كثيرة لازم تتبدل مثل الايرباج سنسر و الabs سنسر وغير وغيره واللي راح تكلفني 7000 درهم اضافية يعني المجموع بحدود ال26 الف درهم …..يعني كانوا على الاقل يحسون بالمسئولية و يدفعون قيمة التصليح مب انهم يتعاملون بهاالاسلوب ال……بس ماراح اقول اكثر لانه الصراحة الكلمات ما راح تعبر عن اللي مريت فيه…ما اقول الا حسبي الله و نعم الوكيل…ووينهم من رب العباد و حقي راح اخذه منهم ولوما كان في الدنيا بيكون في يوم الحساب ان شاء الله… و الله يشهد على كلامي…

   شو رد سعود البكر على هذا الاخ الذي يقول انك سرقته وكذبت عليه ؟ ممكن الرد باسرع وقت .

5. اخوي هالموضوع ماكنت اقصد فيه اي انسان

   لا سعود ولا غيره

   موضوعي كان يتكلم عن السيارات اللي غرقت في اعصار كاترينا وكيف كانت الشركات تنصب على الناس وتبيعها لهم

   تخيل تشتري سيارة ولا سمح الله تسوي فيها حادث والإيرباج ما فتح وياك

   شو بتكون ردة فعلك ؟

   او انك تضرب بريك والبريك ما يشتغل

   هاي كانت مشاكل السيارات وخطرها على الناس

   فحبيت احذرهم بس

   موضوعي ما اقصد فيه سعود ولا اقصد فيه اي شخص

   وماعرف ليش البعض اعتقد اني اقصده

   سعود مب اول واحد ولا آخر واحد يصدر سيارات من امريكا

   وجزاه الله خير كان يفحص السياره قبل لا يرسلها

   واذا انا فكرت اني اشتري سيارة مستورده من امريكا اكيد راح الجأ له

   والله يوفق الجميع ان شاء الله

   كلامك صحيح %100

Comments are closed.