السلام عليكم ورحمة الله وبركاته

اخواني .. حبيت احذركم من وكالة الفوكس ويجن ابوظبي التابعة الى شركة على واولادة , والقصة كالاتي

اشتريت اسبوع الي طاف جولف جي تي اي 2011 زيرو .. ومن اول يوم ظهر عندي اشكالية بسيطة وهي ان الجامة الخلفية فيها مساحات .. يعني في نقطة للماي .. وهالنقطة تليك ماي دائما من فتره وفتره .. السيارة ماشية 300 كيلو فقط .. المهم

سرت الوكالة السبت وخبرتهم على المشكلة قالولي عطنا السيارة 10 دقايق .. وردوها عقب ساعة وقالوا ان نقطة الماي كانت شوي مب في مكانها والحين كل شىء اوكي ..

اول ما خذت السيارة .. قامت تليك ماي اكثر من اول .. فرديت عندهم وخبرتهم بالمشكلة .. قالولي خل الموتر وبنشوفه .. عقب ساعتين من الانتظار .. قالولي هذا عيب مصنعي + في الديزاين وما نعرف الحل .. وشركة vw الاهم مسكره اليوم .. بنكلم شركة الشرق الاوسط ما ادري شو .. المهم شل الموتر وتوكل على الله .. قلتلهم ما بأخذ الموتر الا وهو مصلح .. قالولي اوكي خل الموتر عندنا وبنكلمك باجر ..

اليوم كلموني .. وماشي فايدة ما يعرفون الخلل .. وما يابولي سيارة بديلة .. ولا سويلي شىء !!

حسبي الله ونعم الوكيل ..

اتمنى حد عنده جولف يخبرنا هل عنده نفس الشىء ؟

حد يعرف كيف اوصل لمدير شركة على واولاده ؟

شو الحل .؟

بالفعل .. لا تعليق

9 thoughts on “تحذير من وكالة ال vw أبوظبي”

  1. انا نفسك , خذت لكزس ستشن من البهوان و الخياطة متبطلة في السكان , رديت عليهم الموتر و هو ماشي 70 كيلو بس , و ما قصروا طلبولي سكان يديد من اليابان ,

    في الامارات الوكالات يلعبون في العميل لعبه ,, سير برع و بتشوف الفرق ,

  2. الله يعينك على الوكالات بس الظاهر لازم تدخل عليهم جااااااامد عشان تااخذ حقك ….. وبالتوفيج ان شاء

Comments are closed.