السلام عليكم ورحمه

خواني خواتي انا صار لي موقف وحبيت اقوله لكم عشان الي بيسافر ياخذ الحذر لانه احنا ياين من بلاد امان ولا حسينا بهاي النعمه الا يوم طلعنا من البلاد

انا في فرنسا وبتحديد في باريس في محطة القطار الي صار لي يوم كنت ابغي اركب القطار طبعا ايزاحمونك الناس الي بيركبون وهنيييييييييييييييييييييييي اتصير السرقه بكل سهوله
كان من ضمن الناس الي بيركبون بنات هنتين زاحمون وحده على يميني وحده على يساري وحده فتحت شنطتي وانا مب حاسه لانه وايد زحمه ودخلت ايديها داخل الشنطه والحمدلله انه شنطتي كانت كبيره وكان فيها وايد اشياء واخر شي كانت المحفظه وسبحان الله كان ربي نبهني اني الشنطه بدت تثجل ومن شفت شنطتي ايدها كانت عالقه داخلها وهي تطاعني انصـــــــــــــعقت والله ما عرفت شو اسوي ومن شافتني شفتها بسرعه نزلت هي وربيعتها من القطار قبل ما يتحرك …يعني هذا الي ايصير كله في ثواني وانت ما تحس

طريقتهم انهم ايزاحمونك وقت دخول القطار يسرقونك بسرعه وينزلون بسرعه والقطار ايسكر الابواب وانت اتم اتصارخ داخل وهم يشردون برع
بس الحمدلله الي الله نبهني والله كان مبلغ كبير عندي في الشنطه ..
بس انا الي ابغي من اي شخص بيسافر

1- يقرا الادعيه ويدعي انه الله يحفظه من كل شر
2- ايخلي المحفظه او الشنطه تحت عينه وخاصه في الزحمه

………………………………………….. ………………

حيـــــــــــــاكم في موقعي
www.uaqshop.net

8 thoughts on “تحذير للي بيسافر اوربا ..وتوها صارت لي”

  1. يزاج الله خير على التنبيه
    وفعلآ هاذيلا ناس متمرسين في السرقه
    والواحد ما يشل معاه مبلغ كبير

Comments are closed.