السلام عليكم و رحمة الله وبركاته
اليوم صار شيء و قلت لازم اخبركم عليه …
كنت نايم بأمان الله
يت أختي الكبيرة تقولي قوم الباص حق اختي الصغيرة آخر العنقود خطف من البيت وما وقف، قمت بسرعة و خذيت أختي و لحقنا الباص، طبعا الدنيا غرقانة والمطر غزيز، هالكلام الساعة 6 وربع الصبح تقريبا، والحمدلله لحقت ع الباص وانا رديت البيت، صليت الفير و قلت برد انام، ما ياني نوم، نشيت و فتحت اللابتوب وقلت بدش المنتدى و بخلص بعض واجبات الكلية ….
فجأة
انفصلت الكهرباء
نزلت الدور الأرضي، لقيت أخوي يشيك على اليونت مال الكهرباء، وقلنا يمكن صار إلتماس بسبب المطر
وانا طالع فوق لقيت ماي يصب داخل البيت من السطح، رحت وفتحت الباب ويا ساتر، السطح غرقان والماي واصل مستوى مو عادي، رحت اشوف تصريف الماي لقيته مسدود، و سرت صوب التصريف الثاني ولقيته نفس الشيء، متراكم عليه أوراق يابسة و شغلات غريبة، المهم انا و أخوي فتحنا التصريف والحمدلله الماي بدأ ينزل طبيعي…
تخيلوا اخواني لو ماحد نش
رجاءاً شيكوا على تصريف الماي اللي عندكم في السطوح، يمكن مسدود
ترى احتمال تستمر الأمطار هالاسبوع كله والله يحفظ الجميع
احوكم : مصمم أزياء إماراتي
بسم الله الرحمن الرحيم
شكرا اخي على حرصك على اخوانك جعله الله في ميزان حسناتك
انا العنتل مال التلفزيون أفتر عني .. والحين التلفزيون بكبره تشويش ,,
الحمد لله انا كل سنه اشيك على تصريف المياة خاصه بالسطح …………….
مهم جدا ………
والي عنده سرداب لازم يشيك على ماكينه السحب لاتكون عطلانه ويرتفع منسوب الماء ويغرغ السرداب ويتلف العفش .
بقية نصيحه اخواني اي تسرب ماء بجانب بلاك كهرباء لابد من فصل التيار الكهربائي عنه حتى يجف الماء ويتم فصله
من المحول الرئيسي
والله خير حافظ
الله يجعلها نعمة بااادة ..
ومبارك عليكم الرحمة
شكرا ع التبيه ،، وحتى دينمات البيت ترى صار عندي نفس الشيء اليوم الصبح ،،
احذرو
والله يحفظ الجميع