السلام عليكم ورحمة الله وبركاته
مرحبا صبايا و شباب
اليوم سلمكم الله سرت ارابيان موول << خير ان شاء الله لووول
ترا لازم ابتدي من البدايه و الا شقا بتستوي سالفه ..الموهيم سرت تحوطت و تشريت لين ما انهد حيلي << شوبنج حتى النخاع
اني ويز و انا ظاهره و عاد مشلشله يميع الاكياس و ريجي ناشف ..مريت على ستاربكس و يا في خاطري فرابتشينو جافا تشب جوكليت و عليه كريم و كراميل و جوكليت سوووس …و انطبع في مخيلتي شكله و حسيت باللعاب يسيل و مارمت اسوي كنترول على عمري و يلا هجووووم درقن درقن درقن انا و اكياسي…
الموهيم طلبت ذلك الفرابتشينو اللي يسرسح على الجبد و دورتلي اكبر قنفه و انخش فيها و لا شاف و لا من درى ..و احتسي الفرابتشينو اللذيذ بكل هدوووء و استرخاااء ..
و اتفرج على الاوادم اللي طايفين و كان وقت الظهر يعني مال 12 شي جي و المول شبه خالي ..فما كانت وايد اشياء تنشاف لوووول ..و اندمجت في البي بي شويه و الا اسمع صوت من الطاوله اللي ورايه يقوول شوف شوف ها ها ها ها ها << 2 شباب يالسين هناك…و انا سيده اتصدد << رزه اقوى نوع لووول..هيه ابا اشوف لله شو هم يشوفون و انا لا..اشوف بنيه طايفه ..زينه محترمه مافيها شي ..نافخه راسها بأكبر شباصه في العالم شرات اغلب البنات<< انه تعودنا يعني!.. قلت في خاطري بلاهم الشباب..ما اشوف شي ملفت لهالدرجه انه يزاعج و يقول شوف شوف بصوت عالي ..الا اذا هم مستقطعين و من شهور ما شافو بنات هذا كلام ثاني ..<< طبعا هذا الكلام كله في مخي خلال ثواني معدوده…
و الا اسمع صاحب الصوت يقول .. يا ريال هالبنات يحطون قوطي ريمبو خالي تحت شيلهم..و الثاني يقول لا يا ريال يحطون قوطي روب..و يرد الاول يقول لا اظن انه دلاغ و يرد الثاني يقول لا يحطون قحفية عمانيين ..ربع ساعه يتعاشون شو البنات يحطون تحت الشيله..و الربع ساعه الثانيه يشبهونهم بالمخلوقات الفضائيه و الحبايب ماخذين راحتهم من الخاطر و شووووو قالو! مصخرو البنات تمصخير على هذا البف اللي يسونه في شعرهم << ما يدروبي لاني منخشه في القنفه و صاخه يالسه اتصوخ و اضحك…
طبعا ما روحت الا عقب ما سمعت النقاش كامل..عقب يوم قامو يرمسون عن السيارات و سوالف سخيفه قمت شليت اكياسي و روحت ..ولا صديت صوبهم اظن انصدمو يوم شافوني ناشه و هم يقطعون البنات من ساعه 
العبره في هالموضوع هي للبنات…خفو على عماركم شويه من هالبالونات اللي تحت شيلكم..جبتولنا الكلام البطال ..و لا تتحرون الناس يقولون واااااو حلو…والله الوحده شكلها نكته جنها مركبه راس فوق راسها..اخ لاه شو هالشكل …مره طلبت قباضات من النت ..و طبعا الحجم ما يبين و يوم وصلت كان بييني انهيار عصبي من حجمها!! خافو ربكم شو ها؟ و احيد كانت ريش و اقبض المقص و اقصص نصها تقريبا..و كان موديلها صدق في خاطري..و يوم صغرت لبستها..ظهرت ويا ربيعاتي و قالولي اخ شو ها؟؟ ما نحيدج !! تميت قافطه لين ما ردينا ..مع اني مصغرتنها بس ماشي فايده !
بس هاي السالفه يطولي بعماركم شو رايكم انتوووووو؟
هااااااااااااااااه تحسمت اشوووفك
شنطه عوده ياخي الموضه شو نسوي … و صراحه ماشي عقب الشنطه العوده اروم احط فيها كل شي ..صدق راحه..بس تقص الجتف
اما فسفووري …يعيبني ياخي بس مب حق المولات …لكن عندي شنطه صفرا فسفوريه هاي وايد احبها و اشلها كل مكان و لا عليه من حد ..لكن ما توصل لدرجة اطقم ويا النعال و اتمشى شو ياهل لووول
مخليه اغلب الفسفوري حق السفر و لا عليه من حد هناك
هههههههههههه تخيلت شكلي << بسرعه اندمج لوول
يسلمووووووووو حبيبة البي
وعليكم السلام ورحمة الله وبركاته
يزاك الله خير اخووووي .. الله يهديهم و يهدي الجميع ان شاء الله
ما قصرت على هالرد الفنان و بدال ما الناس يقطعونهم يدعولهم بيكون وايد احسن
هيه والله بسهن مصخوها..من كبر النفخه الشيله طايره و علباها من ورا كله ظاهر!! شو ها
محد قالهم يرمسون بصوت عالي واهاهاهاي