السلام عليكم ورحمة الله وبركاته
مرحبا صبايا و شباب
اليوم سلمكم الله سرت ارابيان موول << خير ان شاء الله لووول
ترا لازم ابتدي من البدايه و الا شقا بتستوي سالفه ..الموهيم سرت تحوطت و تشريت لين ما انهد حيلي << شوبنج حتى النخاع
اني ويز و انا ظاهره و عاد مشلشله يميع الاكياس و ريجي ناشف ..مريت على ستاربكس و يا في خاطري فرابتشينو جافا تشب جوكليت و عليه كريم و كراميل و جوكليت سوووس …و انطبع في مخيلتي شكله و حسيت باللعاب يسيل و مارمت اسوي كنترول على عمري و يلا هجووووم درقن درقن درقن انا و اكياسي…
الموهيم طلبت ذلك الفرابتشينو اللي يسرسح على الجبد و دورتلي اكبر قنفه و انخش فيها و لا شاف و لا من درى ..و احتسي الفرابتشينو اللذيذ بكل هدوووء و استرخاااء ..
و اتفرج على الاوادم اللي طايفين و كان وقت الظهر يعني مال 12 شي جي و المول شبه خالي ..فما كانت وايد اشياء تنشاف لوووول ..و اندمجت في البي بي شويه و الا اسمع صوت من الطاوله اللي ورايه يقوول شوف شوف ها ها ها ها ها << 2 شباب يالسين هناك…و انا سيده اتصدد << رزه اقوى نوع لووول..هيه ابا اشوف لله شو هم يشوفون و انا لا..اشوف بنيه طايفه ..زينه محترمه مافيها شي ..نافخه راسها بأكبر شباصه في العالم شرات اغلب البنات<< انه تعودنا يعني!.. قلت في خاطري بلاهم الشباب..ما اشوف شي ملفت لهالدرجه انه يزاعج و يقول شوف شوف بصوت عالي ..الا اذا هم مستقطعين و من شهور ما شافو بنات هذا كلام ثاني ..<< طبعا هذا الكلام كله في مخي خلال ثواني معدوده…
و الا اسمع صاحب الصوت يقول .. يا ريال هالبنات يحطون قوطي ريمبو خالي تحت شيلهم..و الثاني يقول لا يا ريال يحطون قوطي روب..و يرد الاول يقول لا اظن انه دلاغ و يرد الثاني يقول لا يحطون قحفية عمانيين ..ربع ساعه يتعاشون شو البنات يحطون تحت الشيله..و الربع ساعه الثانيه يشبهونهم بالمخلوقات الفضائيه و الحبايب ماخذين راحتهم من الخاطر و شووووو قالو! مصخرو البنات تمصخير على هذا البف اللي يسونه في شعرهم << ما يدروبي لاني منخشه في القنفه و صاخه يالسه اتصوخ و اضحك…
طبعا ما روحت الا عقب ما سمعت النقاش كامل..عقب يوم قامو يرمسون عن السيارات و سوالف سخيفه قمت شليت اكياسي و روحت ..ولا صديت صوبهم اظن انصدمو يوم شافوني ناشه و هم يقطعون البنات من ساعه 
العبره في هالموضوع هي للبنات…خفو على عماركم شويه من هالبالونات اللي تحت شيلكم..جبتولنا الكلام البطال ..و لا تتحرون الناس يقولون واااااو حلو…والله الوحده شكلها نكته جنها مركبه راس فوق راسها..اخ لاه شو هالشكل …مره طلبت قباضات من النت ..و طبعا الحجم ما يبين و يوم وصلت كان بييني انهيار عصبي من حجمها!! خافو ربكم شو ها؟ و احيد كانت ريش و اقبض المقص و اقصص نصها تقريبا..و كان موديلها صدق في خاطري..و يوم صغرت لبستها..ظهرت ويا ربيعاتي و قالولي اخ شو ها؟؟ ما نحيدج !! تميت قافطه لين ما ردينا ..مع اني مصغرتنها بس ماشي فايده !
بس هاي السالفه يطولي بعماركم شو رايكم انتوووووو؟
لوووول يعني انت اللي مقطع البنات من قبل على موضوع قوطي النيدو
كشفتك
صدقتي الغاليه …و لكن و للاسف
وايد منهم بنات البلاد و نحن كبنات نعرفهم ..يا درسنا وياهم و الا اشتغلنا وياهم و الا من هلنا
للاسف انجرفو في هالموجه …و عقب تي الوحده اونها بتنصح و تقولي..بلاج انتي جي ستايلج مال اول!!
اقول لا استريحي خلج انتي ستايلج مال احين..انا ما احب استوي كوبي من كل البنات اللي يتمشن في المول ..و صدق كلهم نفس الشي و نفس الاستايل ..لين ما يابولنا الارف من اشكالهم << عصبت ههههههههههههههههههاي
خخخخخخخخ قطعتووووني ترا بالصدفه مب اني منخشه بالعماله عسب اسمع
اما عن انواع الرمسه الثانيه اوهوووو متعودين عندي خمس اخوان ماشاء الله و اذا يلسو يرمسون ذا سكاي از ذا لمت..يعني ما يتم شي ما يرمسون عنه .. فعادي عندي ..مناعه قويه
اما البنات و هلهم ياخي و الله احيانا تكون ام مسويه هالحركه و تتمشى هي و عيالها..شو نقول غير الله يهديهم !
يا ريال انا يالسه في امان الله الا هم شكلهم ما شافوني و كانو يرمسون بصوت عالي ..شو اسوي يعني اقص ذنيه لوووول بس استمتعت بالحديث المشوق بصراحه
هم دامنهم في مكان عام المفروض ما يزاعجون و ياخذون راحتهم على الاخر
ما يدرون منو يالس مني و الا مناك
شو نقووووول غير الله يهديهم..المشكله هم يتحرووون حلو و غاوي و الشباب يقولووون واااااااااو
و اذا بننصح وحده تقول خلوني اكشخ يمكن يخطبوني!!!
يخطبووونج؟ اي دونت ثنك سو! يرقمونج يمكن ههههههههههههههاي