بصراحه انتشر الغش في المنتديات بكثره هالفتره وصار الواحد يدور بالنت عن سلعه واذا لقاها يكون العارض يا اما انه بعيد عن المنطقه(الدوله) او انه يشترط تحويل اموال او مبلغ قبل التسليم
والواحد ما بيغي يشتري سمك في البحر
.
من هالمنطلق جات في بالي هالفكره
عندي فكره وهي عباره عن منح الادراه مصطلح
تاجر معتمد( فضي , ذهبي, ماسي) من قبل إدارة المنتدى
يعني في اعضاء بارزين جدا وهم دائما يعرضون مجموعه من منتجات متوفره عندهم
اذا حب هالعضو انه يحصل على هاللقب
تاجر معتمد( فضي , ذهبي, ماسي) من قبل إدارة المنتدى
عليه انه يلتزم بنوع من الشفافيه خل نقول بعد بيع اي سلعه الشخص اللي اشترى البضاعه يكتب تم التوصيل بعد بيع 25 سلعه او منتج يصنف ضمن تاجر معتمد برونزي وبعد 50 منتج يكون تاجر معتمد فضي وبعد 100 بيعه يكون تاجر معتمد ذهبي وفوق 100 بيعه يكون تاجر معتمد ماسي
الفائده مب لمجرد الاعضاء داخل المنتدى للزوار ايضا يعني مثلا فلان من الناس لقي ساعه تنباع بالخارج 3000 درهم ولقاها بالمنتدى لدى تاجر معتمد ب 1900 وعرف شو يعني ( يعني تاجر حقيقي , عنده بضاعه حقيقيه للبيع مب مجرد شخص يبغي يسرق الناس عن طريق التحويل والنصب)اكيد بحس بنوع من الثقه وبيتواصل مع البائع المعتمد وبيخبر اصدقائه حتى لو ما يحبون المنتديات ان في منتدى عنده سلطه تشرف على المبيعات وبيكون المنتدى اشهر من نار على علم هو الحمد لله سمعته فوق ما شاء الله بس صدقوني بيزيدون الاعضاء وبتزيد مصداقية المنتدى وبتنتشر الفكره وبيكون هالمنتدى هو الاصل
بالنسبه للأحكام والقوانين وطريقة منح اللقب كلها بسيطه اهم شي رأيكم
وسلامتكم
القرار الاول والاخير للإداره ومن ثم الاعضاء
شـكــ وبارك الله فيك ـــرا لك … لك مني أجمل تحية .
موفق بإذن الله … لك مني أجمل تحية .
والصراحه رايك مافيه حيله انته لوجستي
هذا احسن حل تقدر تسويه الاداره ونكون الهم من الشاكرين
السلأم عليـكم ،،
شور طيب اخويه ،،
وياريت يتم تطبيقه من قبل الاداره ،، عشان نعرف نفرق ، ،
وبالتوفيق
اقتراح اكثر عن رائع
هالفكره شبيهه لفكره مطبقينها بعض المواقع الاجنبيه نفس الاي باي وموقع سوق وفعلا هالفكره بتنمي الثقه اكثر مبين التاجر والزبون وبتسهل عملية البيع اكثر
اتمنى من الاداره تدرس الاقتراح وتقوم بتنفيذه
وجزاك الله خير اخوي على هالاقتراح الطيب
فكرة حلوة ماشاءالله عليك أرجوا قبولها من الإدارة