بيض ببغاء كاسكو

112 thoughts on “بيض ببغاء كاسكو”

1. السلام عليكم

   للاسف في مثل هذا اليوم تم التخلي عن الكاسكو العجوز واعطاه لولد عمي وكم حز في خاطري ان نفتقد الكاسكو..

   ولكن قام اخي بشراء كاسكو صغير في السن ويقول هذا هو الكاسكو الحقيقي حيث توجد حلقة ذهبية في رجله وان شالله نعلمه كيف يتكلم

   سمسار القلوب

2. السلام عليكم

   أخوي انا احب قبل ما أسوي شي أجمع معلومات عنه بقد ما أقدر علشان إذا صادفتني مشاكل ما أتوهق وأيلس أبكي على الاطلال 🙂

   وفضينا الصندوق

3. مااشاء الله عليج والله يابنت بوعبد الله ..
   معلومات ممتازه اتحفتينا فيها قبل مانشتري الكاسكوو .. :hhftj:

   صندوق الرسائل ممتلئ عندج اختي .. :^27:

4. السلام عليكم ورحمة الله وبركاته

   أخوي احساس الكاسكو راعيها يعلمها ويقول لك من عاشر القوم اربعين يوما صار منهم والكاسكو بالنسبه لي أعتبرها فرد من العائله لأن لها مشاعر وتتجاوب مع الانسان

   بالنسبه للكلام راعيها هو يدربها على الكلام وفي تسجيلات لأصوات متعدده ممكن تسمعها اياه كتدريب لها علشان تتعلم

   وهذا الكاسكو اللي تكلم ملباري كيف تكلم هاللغه ؟؟ الملباريه دربوه ومن كثر ما يسمعهم تعلمها

   ويقول لك بعد ممكن تعلم المتوه تاكل بملعقه تعرف كيف ؟؟ تمسح الملعقه بعسل وتنثر عليه الحب المكسر وتقربه منه اول مره وثاني مره وثالث وكذا ومع الوقت هي بتاكل بالملعه

   يعني الشي يبيله تدريب وصبر .. يعني في البدايه تعطيها المجال انها تتعود عليك تكون حنون معاها
   وبعدما تطمن لك وهذا يبيله وقت طبعا تبدأ التدريب بالتدريج وأفضل وقت لتدريبها الصبح تكون بقمة نشاطها ويفضل لما تدربها تكونون بعاد عن أي ازعاج او تشويش مثل اصوات اليهال او التلفزيون او الراديو وغيره واذا حبيت اتدربها على تسجيل لازم يكون واضح بدون تشويش

   وتلاحظ انها لما تتعلم شي عادي تتكلم يعني مو شرط تكرر وراك احيانا تيلس هي تلاغي بالكلام والاصوات اللي تعلمته .. وعلى فكره الكاسكو اذا ما عبرته لفتره من الزمن يتضايق ويبدأ يطلع أصوات حاده

   يعني هذي معلومات بسيطه من اللي جمعتها خلال هاليومين

   والسموحه اذا غلطت بشي

5. مرحبا بنت بوعبد الله
   مساج الله بالخير ..

   سرت اليوم السوق ماحصلته
   كان خاطري على الاقل اشوفه ..
   سألت الي يشتغلون هناك .. يعرفون الطير ..بس يقولون ماشي الحين
   وواحد قالي ان الكاسكووو لما يتعلم الكلام يستوي لغااااي ..
   قلتله هالمطلوب .. نشكيله همومنااا :hhftj:

   .. بس نسيت اسئل راعي المحل هالسوال توه يا على بالي .. :hhftj:
   بنت بوعبد الله الحين المتووه تتكلم تتكلم هي روحهاا ..
   ولااا تردد ورى الشخص الي يتكلم ..
   ….
   يعني مثلاً مرااات يوم الواحد يقلد رمست الثاني او ياخذ رمسته منه
   يقولوه شو الحبيب متوووه .. :^27:
   فهل المتوه تتكلم واتسولف وتحفظ الكلام ولااا تردد الي انتي تقولينه بس ؟؟؟؟؟
   مادري سوال غبي شكله… بس خاطري اعرف والله …
   ادري انج خبره بالدياي والمتووه يالله جاوبي :hhftj:

Comments are closed.