:: بورش كايين turbo S ولا مرسيدس ML63 AMG ::

20 thoughts on “:: بورش كايين turbo S ولا مرسيدس ML63 AMG ::”

1. Ml63 Amg أحسن من البورش

   وراي للك
   والله يبارك لك فى أي منهن ويعطيك خيرها ويكفيك شرها

2. بخصوص السيارتين ..

   المرسدس مانصحك فيه .. شكله هب شرا البورش ..

   وانا راعي بورش ومجربنه ومسوي عليه تجارب ياكثرها .. رملة سويحان تشهد .. الوديان تشهد وخط لبنان يشهد هههههه

   البورش سياره مافيها حيله وعليك بالبورش جانك تبا النصيحه .. سياره تكد وعمليه وتنفع في كل شي .. تباها رمله ولا خطوط ولا كشخه ولا شبابيه ولا رسميه في كل شي عادي ..

   لكن المرسدس بصراحه شكله Ugly اطري الـ ML

   لكن مرسدس الـG55 حلو وعزمه وهيبته وكل شي فيه حلو .

   لكنه يصرف بترول من الخاطر ويدخل هوا .. بس مافيه حيله ..

   والي تشوفه توكل على الله عليه ولا تنسى تستخير واتشوف عمرك ..

   بس عن نفسي انا افضل البورش اولا وبعدين G55 لانه العالم قاموا ياخذونه عسب شي معروف :>

3. نــصيحة من اخوك .. عليك بال G55 ..

   ما بعده موتر

   واذا ما يعجبك .. عيل عليك بال كايين تيربو .. تيربو اس الي يعجبك تراهم نفس الشىء بس الفرق خمسين حصان .. واحد 500 حصان والثاني 550 .. اذا تبى تطير موضوع ثاني ..

   ام ال .. 63 ولا مليون .. نفس الشي ما ينفع !!! لا سعر ولا شكل ولا شىء ( وجهة نظر )

   من الأخير .. يا G55 ( ما تغير شكله من الستينات ) سياره كل سنه انته سيارتك وكاله .. اللهم يغيرون شغلات بسيطة جدا من الخارج وهالفتره من الداخل بس ما يفرق
   يا تيربو .. وبالفعل سياره مميزه

   موفق

4. 

5. اخوي انصحك تأخذ المرسيدس لانه شكله رهييب وبالذات اذا كان اسود
   لكن البورش مع انه turbo s لكن شكله من برع ما يفرق وايد عن التوربو العوادم و المقدمة الا اذا اخذت الماغنوم بيكوون طرر
   اكرر خذلك مرسيدس ml63 amg وجرب البرابوس تراه حلو بعد

Comments are closed.