أنا من أسبوع تقريبا و أنا سايره أتبرع للهلال الاحمر شفت و حده يالسه تعبي فورم يوم شفت عندهم فورم تعبينه بمعلوماتج و تدفعين ( لحفر الابار، أو كفالة يتيم ، أو بناء مساجد لجميع أوجه الخير )) و انا اتبرعت بالي اله قدرني عليه و يعطونج نفس الكبون ترجعينهم يبولج تقرير يعني من فتره لين فترة وايددد عيبتني السالفه
المهم
الريال عطاني كتاب فيه جميع اعمال الخير من مساجد و ابار ووووو
الي عيبني
مثلا في تايلاند
فصل دراسي بجوار المسجد لتحفسظ القرأن الكريم تكلفتة كم 15،000 درهم فقط
في افغانستان 3،650 درهم للاهل المنطقة
مثال ثاني للصومال
حفر آبار في مناطق مختلفة تكلفتة 10،000 ____________50 أسره
النيجر
مسجد و فصلان لتحفيظ القرأن مع تجهيزاته ة مصاحف 77،175 ———-200 مصلي
هاي و لا شي بالنسبه للديون الي ندفعها حق السيارة و الكشخه والسفرات
انا سمعة في محاااااضرة لازم تكون لنا طفرة أيمانه في الصدقات ليش ما نبدأ مشاريعنا الخيرية من شهر الخير
و يااااااااكثر المعاشات الي زادت مشاء الله
و الي عندها اي استفسار ممكن تسير عند هيل الي في كل مكان تابع للهلال الاحمر يعطونج كتيب فيه كل المشاريع الخيرية و المساحه و التكلفة و توصلج تقارير اول بأول و يتابعون معاااااج
روعه
وهاي موقع الهلال الاحمر
index_ar
ليتني أحصل وظيفه أدعولي ان الله يستجاب دعواتكم يمكن حد فيكم يستجاب دعاءه
يزاج الله خير اختي الله يكثر من امثالج وربي يقدرنا جميع على فعل الخير
الله ايسر امورج ويرزقج من فضله وتحصلين وظيفه زينه
يزاج الله خير عالموضوع
كل الود
تسلمين اختيه وان شاء الله فميزان حسناتج…
ذكرتينا باشياء كنا خافلين عنها…
وان شاء الله الله تحصلين الوظيفه الي تبينها
والله الصدقة و اعمال الخير بتكون مرافقة الانسان و بيحصل
التوفيق من عند الله سبحانه و تعالى الحمدلله الرواتب زادت و الخير زاد..
اكثر الناس قامت تهتم بنفسها و نست اعمال الخير والله مبلغ لو تدفعه
صح انه قليل مقارنة بالمصروف الشخصي بس الناتج بيكون اكثر سواء
في الدنيا او الآخرة و الصدقة تذهب البلا و تخيل تبني مسيد و الا
تساعد محتاج و تبني بير ماي تستفيد منه 50 أسرة يعتبر وقف
خيري و الدنيا والله ماتسوى شي و اهم شي الاعمال الصالحة
و اللي بتفيد العبد بعد الممات…
ياما حصلت لي امور كنت احس اني مب متوفق بها..
بس الحمدلله تصدقت و دعيت الله بالتوفيق.. مادام ترضي الله.. الله بيوفقك..
و الحمدلله بعد فترة الأمور طيبة و توفقت باللي انا فيه..
فاتمنى من اللي يقدر يتصدق و يزكي يسارع في اعمال
الخير خاصة في شهر رمضان الفضيل…
كل واحد يحاول يتذكر موقف واحد صار بسبب زكاته او صدقاته؟
انا متأكدة ان ربي أكرم كل واحد فيكم بجزاء حسن فى الدنيا بسبب زكاتة
واللي يضحى بقليل من فلوسه الله ما بيضيعها عليه ابدا لادنيا ولا اخرة باذن الله
والله يقدرنا على فعل الخير و يوفقج و يرزقج بالوظيفة اللي ترضيج و تناسب مؤهلاتج يارب