أنا موظفه بدائره حكوميه ووظيفتي مساعده إداريه
مديري واحد شيبه عمره 50 سنه من النوع اللي يتمايع بالكلام واايد ويدخل عمره بشي ما يخصه
وأنا طبعا كنت صارمه مياه وجديه معاه
في يوم من الأيام كعادتي أول وحده في المكتب كنت طابعه أوراق تخصني أنا شخصيا فدخل هو وشل الأوراق يبغي يقراهم فسحبتم من إيده
فعصب وقال ليش سويتي شي
قلت له أوراق خاصه فيني شان يرد علي لا أونه أتحرى أوراقي فرديت عليه وين أوراقك وأنت توك داخل المكتب
المهم شان يتم يقول أنا ما أبغيج عندي قدمي أستقالتج
ويوم سار مكتبه اتصلبي شان يقولي أكتبي ورقه أستقالتج طبعا رفضت
وفي نفس اليوم يا واحد مراجع عنده فزقرني عشان أصور له أوراق ويوم دخلت عنده المكتب فر الأوراق على الأرض وهو يصرخ طبي هذي الأوراق يالله يالله
طبعا أنا هني فولت ما قدرت أستحمل لأنه هو ما أحترمني جدام المراجع
فقم وقلت له بصوت شوي عالي أنا مب بشكاره عندك أتم تقولي يالله يالله
وطلعت من مكتبه
المهم عقب شوي ياني وكان في ملف ماله على طاولتي فقالي شلي الملف وحطيه على مكتبي
فرديت وقلت له تشوف الملف جدامك شله بروحك وحطه على مكتبك
ومن ذاك اليوم وهو مهمشني يعني قولو المده تقريبا شهرين أسوي الشغل اللي عندي بس في أشياء مرطبته فيه ويوم أسير وأسأله إذا في شي ولا شياته يقول إذا في شي بتصل
وما يرد يتصل ويطرش ايميل لكل الموظفين عشا يحضرون الإجتماعات ما عدى أنا وطبعا أنا احضر
حجزت موعد عند مسأول الموارد البشريه باكر عشان أشتكي عليه
بس ما أعرف أسير ولا لأ
محتاره ما اعرف شو اقول
يا خاي ما احب أسوي مشاكل
أرجو انكم تفيدوني
لاحول لش شي ما دري
يابا أنا شو سويت عشان أنضرب مب حرام
و مب مسأله فرض شخصيه
أنا عارفه أن الغلط في هذا الموقف بيني وبينه
بس صدقيني أن رده الفعل هذي نجمت عن سكوتي الزايد وأنه هو أستغل سكوتي وقال هذي اكيد ما بتقول ولا شي
ممكن موقفي بهذا الموقف ضعيف بس موقفي مب ضعيف بالمواقف السابقه..
وأنا سرت عند مسؤول القسم
ولأني شرات ما ذكرت سابقا أني ما أحب أسوي مشاكل
كلمت المسؤول بخصوص هذا الموضوع على أساس أنها ملاحظه مب شكوى
وطلبت منه انه ينبهه ويكلمه …
لأني ما حبيت أني أشتكي عليه واطلع الأولي والتالي…
وتسلميييين الغاليه
لو طيب مايفر الأوراق ع الأرض قدام المراجع
هذا جاهل ويباله دورة في كيفية التعامل مع الموظفين
بعدكم ما خلصتوا من المشكله
المدير طيب
عهود الي يبالها ضرب
تبا تفرض شخصيتها بطريقه خاطئه
عزيزتي اوضحلج انه الغلط مشترك بينج وبينه
وكان عندج اكثر من فرصه انج تعدلين علاقتج وياه بس انتي بعدج تعاندين وتكابرين وتحضرين الاجتماعات
وبعد بتشتكين ؟!
الافضل انج تعيدين النضر في اسلوبج وتاخذين وياه موعد وتحاورينه مع توضيح مواقفج اللي غلطتي فيها
والمواقف اللي حسيتي انه ضلمج فيها
افضل من انج تشتكين عليه ,,لانه موقفج ضعيف ,وهو مسئول
صدقيني ابا مصلحتج وما ابالج المضره ,,,عشان جيه نصحتج انج ما تشتكين