بتكلم بكل مصداقيه وبكل جرأه ولاتزعلون …لانه هذا الواقع المرير
صارت الحياه في نظر الكل
مال
وكشخه
وجنس
يعني صارت الدنيا عدنا دنيا رذيله والعياذ بالله
انا اتكلم عن فئه منا وفينا ما اتكلم عن الجاليات الاخرى
يعني بسنا من كثر مانعق الغلط على غيرنا
انا اقولكم شو اللي صاير …. بنت شحلاتها قمر ايه في الجمال مخليه عمرها مثل الفطيسه
اللي تفوح منها ريحة الدم … والجلاب السايبه الذيابه وراها ليش …
ليش حاطه ميكب لنفسج …. ا تغيير لاتجذبين وتقولين احب اكشخ لعمري
قولي احب اجذب الغير لي ….
يعني يومرصصه على العباه من ورااا شو يكون هدفها من رص العبايا غير انها تبرز
اللي ورااا واللي وراااها عايشين افلام خليعه بالكلام والنظرات غيره
يعني اخ عليها اللي تسوي جيه ..
. لابسه ستيان بوش اااب وتارستنه حشووه ليش … تبرزينه لمنووه للحيوانات السايبه تتمنظر فيه
والود ودها تنهشه باقوى ماعندها
لاتقولولي تكملة انوثه هاااي تكملة رذيله استغفر الله
يعني قبل اللي تواعد اسمحولي يعني من 15 سنه حدها توقف عند باب البيت ولا بسياره
مو الحين شقق وفنادق و حفلات زماله … وغيره
ليش هذا كله ترضين انوثتج لا محتايه حد يعبيلج كرت ولا محتايه بيزات حق شنطه غيره
يعني لاتدافعون عن هاي الفئه رجاءا اللي شوهت صورتنا بجد
لاتقوللي وافده وغيرها …. مواطنات بكل معنى الكلمه
بس من كثر ماتفرن الغلط واتلزقزنه على غيركم …..
حياتنا في نظرنا يوم نطلع …مراكز او اي مكان لفت نظر اغراء بالبراطم او التسريحه او بالمشيه
اتقوا الله في انفسكم بس مره يوم بتعقين الشيله وبتتعلثين بالحر قولي حر الدنيا ولا حر الاخره
يعني بذمتكم بنقول قبل الريال ماعنده فرصه للخيانه الزوجيه الحين ماشاءالله الفرص من ذهب
في الدوامات في السوق في المستشفيات وفي كل مكان
الرجل يبغي وحده يفرغ طاقته لااكثر وهن في نظر الرجل مثل الهوش اللي يسرح
يعني اتشبعهن نفيعة الدنيا الوصخه
الحياه مو جنس ولبس وكشخه
الحياه فيها حساب عقاب الحياه فيها انج ملك لرب العالمين ..
مو ملك للذيابه اللي اتدور على الفطايس … الزاهبه الفرش في المراكز
يعني بذمتكم لما اتمر وحده على سنكة عشره على كوفي مليان شباب كلللللللللللللهم
عينهم عليها وودهم يخلونها بالاحضان
يعني هي السبب وهذا قصدها انها تلفت الانظار
تعرفون اخواني شو يقولن لما يشوفون هالاشكال ….. يقولون (الله يعزكم يا اخواتي )
يعني شو بنظرهم هاي الفئه …انها بنت لعوب اتحب تلعب بمشاعر الرجال
حتى الشواب ماسلمو من هاي الفئه نازلين فيهم مقصه
قبل انخاف على الشواب من الزواج من الخارج الحين هاهاهاهاهاها
قاصين عليهم هاااي الفئه … فئة الفطايس
يعني من غير زعل
الحياه صارت في بلادي …من غير مانتكلم عن الاجانب وغيرهم
الحياه صارت عدنا من فئه مواطنه
وبكل صراحه تفكريهم للحياه صار
كشخه وبيزااااااااات ورذيله والعياذ بالله
بدن زعل
يعني انخاف على ازواجنا واخوانا من هاي الفئه الخبيثه
سؤال : وحده طالعه ميكب والشعر تسريحه والرووج والميكب والكعب العالي والعبايا مفتوحه والعطر اللي يشدخ
لمنوووه…..؟؟؟؟؟
اسمحولي واترك البقيه لكم ……
الموضوع منقول ..
واشكر صاحبه الموضوع على جراتها في الطرح
الحين ابا اعرف رايكم
قله الوازع الديني والي باعد عن ربه اتوقع كل شي منه
ولا وازيدكم من الشعر بيت ارتفاع نسبه الطلاق وبشكل فضيع على اتفه الاسباب
ما قول غير الله المستعان
كلام صحيح وحاصل 100 %
والمستغرب هو موقف أجهزة التوعية والتثقيف
وأعني الإعلام والتربية والداخلية والشؤن الإجتماعية
كأنهم ينظرون إلى القارب وهو يغرق ولا حراك
بل أن وسائل الإعلام وخاصة الفضائيات تركز على طرح البرامج التي تدمر المجتمع
الأن يعرض على قناة أبوظبي الأولى برنامج عن البويات
برنامج مفيد جدا ومطلوب الإكثار من مثل هذه البرامج التوعوية
شـكــ وبارك الله فيك ـــرا لك … لك مني أجمل تحية .
السلام عليكم ورحمة الله وبركاته
كلام صحيح 100% وكاتبة الموضوع تتكلم شكلها من حرقة في قلبها
انا اقول كل واحد يهتم بيبتة واهل بيتة بس
هذا الشي صاير
ومانقول غير الله يهديهم
واتمنى لو يسون نفس السعوديه
الامر بالمعروف والنهي عن المنكر هذا كله مابتشوفه ابدا
كلام جريء جدا …….