تئن روحي من ضيق فسحة البوح
أين ذهب ملتقى أحبة الكلمة.. والمعنى .. والصورة .. والإبداع ..والشعر .. والنثر ..والأغاني .. والألوان..
والجنون .. والتحليق !!!
أين ذهب الساهرون على كتف النجوم يحاكون الليل ،،والسواد ،، ويحيكون منه خيوطا من نور
تضيء ليل العاشقين .. وتهبهم الأمل بغد اجمل ..؛
أين سننثر الألق الآن ؟؟ وبماذا ندّفي أرواحنا !!
من يسمع أنين الجرح ..إن كانت الأبواب موصدة دونه !!
احبتي جميعا ..
هذا باب جديد ..
افتحه على مفترق طرق كثيرة ..
تصل جميعها إلى اماكن الدهشة ..
التي لطالما وطأناها بأقدام حروفنا ..
دعونا نعود من جديد ….
و
لنسمح لأرواحنا بالبوح هنا ..
لا تكدر باله فساعه ،،
وش يفيدك هجره وصده ،،
دام فيه النفس طماعه ..
والهوى له جزره ومده ،،
مركبك لا تفرد شراعه ،،
لا تصك الباب وتسده ،،
الهوى غلاب فطباعه ..
لي تغلى خلك بشده ،،
سايسه بالطيب والطاعه ،،
لازم الأيام بترده ،،
يعتذر ويقدم اشفاعه ..
اشهد ان القول باعده ،،
واكتبه والنفس خضاعه ،،
رد قلبي يالغلا رده !
وخلنا نتسامر رباعه ..
العمر له وقتا ومده ،،
لي انقضى لا تفكر ارجاعه ،،
عيش وقتك مع من توده ،،
لا تخلي النفس ملتاعه !!
بكل امانة ابداع
على شانك تأكد صابر ماهو على شاني !
فرقونا الغرب لاحزاب واجناس وحدود
وقسمونا لين صرنا دول متباعده
اشعلوا نار التفرق وزادوها وقود
تحت اسم العولمه ما وجدنا فايده
التعاير صار مبني على عدة بنود
والجواز اظهر علينا مشاكل واجده
مره اذكر وقتها كان في جيبي نقود
كنت كاشخ راكب فوق لكزس وارده
أتسلى وأتمشى مع وقت البرود
مقصدي أنسى طواري بقلبي راكده
وشفت انا المزيون يمشي وفي يده ورود
وقلت انا يا الله عيوني عليهم بارده
لدت عيون المها قلت من وين العنود
قالت اني من هل الدار ماني وافده
قلت مرحب عد ما المزن من نوه يقود
شوفكم صدفه لنا والظروف محايده
.
يا السنافي لو تكرمت يا صافي الخدود
وين ان ضيعت الورد نحب نشاهده
جوبت قالت خذ الرقم مني والورود
واتصل بي لو تفضلت مره واحده
واستمرينا وزحنا الحواجز والسدود
واندمجنا في وداد ومحبه جامده
قالت محمد الى من قبيلتكم تعود
قلت من ارض اليمن والديار الخالده
واختلف وزن الكلام وشفت انا بعض الصدود
وطالعتني بازدراءه ونظره حاقده
قلت انا يا بنت ليه التلعثم في الردود
لاني ارهابي ولاني من اهل القاعده
هل تشوفينا عرب او تشوفينا يهود
او تشوفينا من امة غريبه مارده
وش يعيب الشخص لو كان من خلف الحدود
والله اني من قبيله عريبه صامده
من سلالة ابن يعرب وقحطان بن هود
من سباء والعرش تشهد عليه الاعمده
منبع للعرب حنا ونصدق في الوعود
يشهد الله والعرب فوق ذلك شاهده
ناصرين الحق والدين بسيوف وجنود
.
والحضاره اسسوها الشعوب البايده
سد مارب انهدم والعرب اقفوا شدود
بعد ما كانوا بارض اليمن متواجده
بس قولي لي وش اسباب كبرك والجحود
فكري بالامر تفكير اذا انتي راشده
قالت اعذرني ودمعاتها فوق الخدود
لا تواخذني محمد ترى مو قاصده
والله ان ذكرك على البال حتى في السجود
واذكرك في الليل وافز واني راقده
اترك الموضوع وانساه يا الخل الودود
لا تعذب قلب مولع نياره واقده
نستميح العذر منك دخيلك لي تجود
بالتسامح لا تزيد الجروح الزايده
قلت انا يا بنت لي كان لا يمكن يعود
نار حبك فات واصبح رماده خامده
والهوى اللي يجرح النفس او يفرض قيود
ما توده كود ذيك النفوس الفاسده
روحي بدربك وطقي براسك بالعمود
لا يجي رقمك ولا ابغي رسايل وارده
للشاعر اليمني محمد عبدالله الناعري