السلام عليكم
بالنسبه للجمس سييرا باب واحد
صارلي فتره ادور موديل 2010 ولاحظت انه الاغلبيه مبالغ بسعره
علما انه من الوكاله على 110 الف درهم ونا رحت شخصيا وشفته
واسعاره بالنت من 90 الف وفوق
هل معقوله حد بيشتري مستعمل بـ 90 الف وسعره بالوكاله 110؟
واللي موديله 2008 يطلبون فيه 85 الف؟ سلامات ياجماعه
ماتبون تبيعون ولا شو الموضوع بالضبط؟
علما انه موديل 2010 برد ينزل اكثر على بداية سنة 2011
وبجي طال عمركم تم التأجيل حتى اشعار اخر ههههه
شهرين بالكثير واخذلي واحد وكاله ابرك من اللي يعرضون بسعار مادش العقل
وفوق هذا خصم بسعر محرووق
قلنا نوفر ناخذ مستعمل بس مافي فايده دام الجماعه عايشين جو البوجاتي والمرسيدس 
ههههه
وبعد مافي شي اسمه سوق ( بعدل سيارتي وبضبطها وببيعلك اياها بسعر السوق )
اذا انته مقتنع ان السيارة تنباع بسعر السوق .. هو بعد مقتنع ان سيارته تسوى اكثر من السوق
خلك واقعي ياخوي اذا الواحد بيعق على سيارته 15 الف تقريبا مابيرد يبيعها بسعر السوق .. اكيد بيزيد سعرها
والشبك والشغلات البسيطه مثل ما تقول مب شبك لكزس ولا كرولا
خذلك لفه على المحلات واسال عن شبك ورنقات الدينالي بكم .. وتخبر عن الشاشه وعن تسكيره الحوض والدوسات والكت باك .. الخ بتنصدم بالاسعار
لنفرض راعي هالجمس خذه بـ 115 من الوكاله ( سعر عروض رمضان ) .. وعق عليه 15 الف حق التعديلات .. الخ
بيطلع عليه بـ 130 … وبعد اقل من سنه عرضه للبيع بـ 90
40 الف طاحن مب كفايه ؟
لو شلينا سعر التعديلات بيكون منقص 25 الف
اتوقع لو سيارتك ما بتقول ببيعها بسعر السوق
ولا تقارنها باسعار الوكاله وقت العروض .. لانها مثل ما قلت عروض يعني لفتره معينه
ونصيحه لو تبا جمس رخيص لا ادور المعدل شوفلك واحد بحاله الوكاله
رحت وكالة الكندي في راك خبروني انه 2010 خلص والحين عندهم 2011 وسعره 121 الف
حسيت انه سعره غالي مع انه مافي اى تغيير
السيارة تنباع بسعر السوق
الا اذا في سوق يديد اسمه (انا ركبت شبك) ههههه
لو بدي كت مركب بنقول سعره فيه لكن شبك وشغلات بسيطه ماترفع من سعر الموتر
c a r p o o n
انا اقدر اخذه وكاله وبسعر محروق بس قلت اوفر اكثر وخذ مستعمل نظيف بس مثل مانشوف اسعار مادش العقل
شوف اخوي الجمس بالذات يفرق فالسعر من واحد لواحد
يعني بتلاقي واحد سلق مثل الوكاله
وواحد ثاني معدل عليه ومخسر عليه وايد .. ومثل ما تعرف اكسسوارات الجمس غاليه
مثل شبك الدينالي .. رنقات الدينالي .. الدوسات .. المرايا الجانبيه .. تسكيره الحوض .. الكت باك …….. الخ
حط هالاشياء فبالك وقت التقييم
خذه بالوكاله الحين جيمته ( 96 ) الف .. ها لو مانزل .. ؟
او خذ سلفرادو ؟ ترا نفس الشي .. ؟
ها لو حصلت شي ..
لانه مسواي عليه عروض حلوه .. فـ راك .. مادري الاماكن الباقي .. ( تامين .. مجاني .. وضمان مدى الحياه ) للمالك الاول .. ؟
وماعرف ليش مبالغ فيه هـ الكثر ..
والله يوفقك .