السلام عليكم شحالكم يالربع
ان شاء الله اذا الله راد بسير مسندم بعد اسبوع ف حبيت اعرف كذا معلومة
اول شي الي اعرفه انه هناك دربين واحد من دبا و الثاني من راس الخيمة
ابي اعرف درب راس الخيمة كله قار ولا فيه دروب بين الوديان
ونفس الشي بالنسبة لدبا
لاني الصراحة ابي درب offroad
شو الاماكن الي تنصحوني بزيارتها ابي الوديان والمناطقة الجبلية والي يعرف مناطق دربها بين الحصى و الوديان يخبرني عنها لان اخوكم ناوي يطلع عين ال اف جي هههه
اسعار البترول ف عمان نفسنا ولا ارخص؟
بالنسبة للسكن بحصل فنادق رخيصة او شقق مفروشة نضيفة و بكم تقريباً؟
انا افكر يوم بسير بقبض درب دبا ويوم برجع برجع من صوب راس الخيمة
المنطقة هذي وايد عجبتني بمجرد اني شفت كذا صورة لها فقط
في محافظة مسندم اربع مناطق من ضمنهم خصب
مشكورين اخواني على المعلومات وبالنسبة لدرب دبا انا اصلاً الشي الي شجعني اني اسير خصب هو درب دبا
احلى شي عندي الدروب المكسرة
وان شاء الله اذا سرت بحط تقرير عن الرحلة وعن المناطق والسكن
مب قادر اصبر بس يالله هانت ثلاث ايام وبشد الرحال
أخي العزيز:
أنا سرت من درب دبا
مرتين .. ممتع جدا
ولكن في الوقت الحالي
ما أنصحك تروح لأنه هذا
الدرب يتأثر بالأمطار خاصة
ان الأمطار الأخيره كانت
غزيرة جدا .
بالنسبة للفنادق عندك
جولدن توليب حلو وايد
أما الشقق المفروشة
عندك شقق إسراء
نظيفه وحلوه .
بالسلامه يالغالي
صح كلامك مضارب مغامر
شوف اخوي .. اذا بتسير من صوب دبا ما بتحصل نقطه تفتيش جوازات .. لكن من صوب راس الخيمه بتلاقي نقطه جوازات فلازم يكون عندك بطاقه الهويه وملكيه السياره ومب مشكله اذا الموتر باسم الوالده …
سير من صوب راس الخيمه وبتدخل بمناطق حلوه .. اول ما تطلع من حدود الامارات بتدخل بمناطق ساحليه على البحر وقريب اليبل .. لين ما توصل بخاء .. وبعدها بيكون باقي عن خصب حول 28 كيلومتر
في فندق بخصب تقدر تسكن فيه .. وعلى مناطق الوديان في ناطق بخصب بتلاقي فيها واسم عن خور نجد وخور شم يمكن تعيبك …
كان بودي افيدك اكثر لكن هذا اللي عندي والله يحفظك اخوي وانتبه لنفسك
واذا السيارة بسم الوالدة عادي اعبر الحدود؟