يا إخوان أريد أقول شي بس أتمنى عدم الزعل…
وهذه عبارة عن وجهة نظر خاصة بي لا تعبر عن آراء الآخرين…
ليش الواحد يلبس شي تقليد….
الواحد لازم يكون عنده ثقة بنفسه، إذا ما يروم يشتري الأصلي لأنه غالي فليش يشتري التقليد هل عسب يراوي الناس أنه عنده وهو في الأصل ما عنده
أعتبر هذا الشيء نوع من عدم الثقة بالنفس
لأنه مب عيب أن الواحد ما يكون عنده بس العيب أن الواحد يقص على الخلق ويراوي انه عنده وهو ما عنده….
والقناعة كنز لا يفنى
وأنا مستعد أتقبل ردودكم بصدر رحب
ليش كل ما تدخل مكان في المنتدى تحصل فيه مثل هالمواضيع و يا اخواني اللي عنده مثل هالمواضيع في مكان مخصص مسواي ويسمونه صفحة الشكاوي والاقتراحات وهناك ناقشوا الموضوع ولا هالمكان مكتوب عليه بيع وشراء فقط مب كاتبين وللشكاوي وللاقتراحات
و
:075: بالتوفيق:075:
╗◄ ©الكـــتــ©ــــبي© ►╔
اقول اذا بنتم انفكر في هل المنطق عيل حراااام 300 درهم اللي نصرفها على التقليد
300 درهم اتكفي 30 وجبه للمحتاجين
انا رايي انه اللي يبى التقليد ياخذه واللي يبى الاصلي نفاد
لان الله عطانا بيزات نصرفها في اللي نباه
اذا الشخص اوفى حق الله وحق العباد من زكاه وصدقه …الخ
يصرف بيزاته ف اي مكان لان الله ما حرم هل الشي
بختصار انا اقول المسأله حسب الشخص نفسه لأي سبب خذه التقليد او الماركه..
سبحانك اللهم وبحمدك أشهد أن لا إله إلا أنت أستغفرك وأتوب إليك..
السلام عليكم….
كل واحد يعرف اللي يرضي فيه ربه و يصرف فيه ماله
قال صلى الله عليه وسلم 🙁 لا تزول قدمي عبد يوم القيامة حتى يسال عن أربع خصال: عن عمره فيما أفناه ، وعن شبابه فيما ابلاه، وعن ماله من أين اكتسبه وفيما انفقه ، وعن علمه ماذا عمل فيه )
واكد على ذلك رسول الله صلى الله عليه وسلم بقوله اغتنم خمسا قبل خمس : شبابك قبل هرمك ، وصحتك قبل سقمك، وغناك قبل فقرك ، وفراغك قبل شغلك ، وحياتك قبل موتك )
و في الاخير:
حيث إذا جاء الموت قال ( ربى ارجعون لعلى اعمل صالحا فيما تركت)
مرحبا بو سارة
شــــــــــــــــــو الســـــــــــــــــــــــالفة…..!!!
لا يكون ماخذ لك ساعة و نظارة و كاب و نعال تقليد حق العيد و ناوي تكشخ بهن بس يالس تجيس نبض الناس عن لا حد يقول انه بو سارة يلبس تقليد :hhftj:
(((((( إن اعزكم عند اللــــــــــه اتقاكم )))))
الانسان ما ينقاس مستواه بالماركة او التقليد…
حد من الناس الله عطاه الخير و حد على قد حاله و بعدين هذي مجرد مكملات لا تزيد و لا تنقص من قدر الانسان…
عيبني هالرد يزاك الله خير أخوي …
وحبيت أضيف أنه الماركه ماتفرق إنسان عن إنسان آنا الحمدلله عندي خير ونعمه وأشتري الأصلي وأشتري التقليد …. عندي ساعات وشنط أصليه وعندي تقليد … والصراحه أشوف أنه التقليد أحسن في شي واحد انك تقدر تغيره بسرعه اذا بغيت بعكس الاصلي وماتكون متحسف على جيمته بعكس الأصلي يا اتم تلبسه والا بتفره وبيتم مركون والبيزات ماله لو كنت مستفيد منها في شي ثاني أبرك … عني ماحس بفرق اذا لبست الاصلي لأنني احس أنه محد يلاحظ هالشي بالذات بعد موقف صارلي كنت لابسه ساعه كارتير جيمتها 13 ألف لقيت وحده لابسه شراتها قالتلي من وين شاريتها قلتلها ليش قالت بس ابي أعرف لأني اللي خذيتها منه عطاني اياها ب 250 درهم يعني البنت اتحرت انهم الثنتين تقليد … من يومها ماصارت تفرق عندي … ياخي ليش نقص على عمارنا …
والناس مب مستويات مثل ماتفضلت أختي الكريمه لأنه رب العالمين مافضل حد على حد الا بالتقوى والعمل الصالح مب الماركه اللي يلبسها … وعندي ربيعات بنات شيوخ وعوايل كبيره يلبسن التقليد عادي ودوم نشتري ويا بعض مايحطن في بالهن هالسوالف ….
خلنا من الشنط والساعات الملابس اللي نشتريها من المحلات الكبيره بالشيء الفلاني ع قولتهم تلقونها في مصانع عيمان برخص التراب وسيروا هناك وشوفوا السيارات والأرقام كلهم ناس الحمدلله الخير عندهم وايد بس بعد يعرفون يقدرون الأمور …
” من تواضـــــع لله رفعــــــــــه “
بطرش ايميل حق برنامج اسألو اهل الذكر اللي يحطونه في دبي كل جمعه
عن موضوع التقليد حلال ام حرام …لان قلبي مقروووص من التقليد..حاسه انه حرام بس ما افتي
شوفو البرنامج الجمعه اليايه
لا تــعــلــيــق