بدر الامارات لمعدات الصيد والرحلات في القرية العالمية

9 thoughts on “بدر الامارات لمعدات الصيد والرحلات في القرية العالمية”

1. السلام عليكم ورحمة الله وبركاته

   اخونا بدر والنعم واشهد انه ماقصر وياي واشتريت منه الشنطة وخيمة الحمام وشيول.

   وان شاء الله بالقرية بشتري اشياء نقصت وياي قبل انا خذيتها.

   بالتوفيق لك اخوي بدر

2. السلام عليكم

   اخوي انا مريت من كم يوم على محلكم في القرية العالمية وشفت اغراضك وخذيت فكره وكنت ابا اشتري بس كنا طالعين مخلصين وانته تعرف اللي يسير ويا الحريم يشتري اللي يبغيه واللي مايبغيه

   بس الصراحه ندمت اول ماوصلت البيت اني ما اشتريت

   الحق ينقال اسعارك ولا اروع

   

   مريت على القرية الكويتيه ولقيت الشنطه نفس اللي عندك بسعر 500 درهم كنت بشتريها ما ادري شو صار وما اشتريتها

   وانا طالع سألت عنها في محلك لقيتها بسعر 250 درهم

   الصراحه فرق

   الله يوفقك انشاء الله ونتمنى لك انته وكل مواطن التوفيق

   انا ادعو كل مواطن ومواطنه من ارض الامارات دعم اخوانا المواطنين في مشاريعهم لانهم يستاهلون كل خير ومنظرهم وهم يشتغلون في محلاتهم يفرح القلب

3. أخوي ممكن تعطيني نبذه عن أسعاركم..
   يعني..كم سعر الخيمه..؟؟وغيرها..؟

4. هلا اخوي انا امس مريت على محلكم اللي خلف القرية الاماراتيه
   البضاعه مميزه جدا لاكن يبالك شوية اهتمام بالزبائن
   حصلت شابان مواطنين في المعرض ودخلت وطلعت 3 مرات وما حد تكلم معاي ولا عرفني بالمنتجات ولا قالي شي عشان يشجعني على الشراء.

   وتاكد اني لو ما احب لك الخير كان ما عطيتك هذه الملاحظة والسموحه اذا كان كلامي ضايقك
   وبالتوفيق ان شاء الله

   هلا اخوي

   اول شي بالنسبه للشباب اللي موجودين في المحل هم من الجنسية اليمنيه

   وعن الملاحظه انا كلمتهم اليوم وقلت لهم عن ملاحظتك وان شاء الله خلال الايام اليايه راح تشوف التغير

   والسموحة على التقصير

Comments are closed.