بخصوص سعر الاكس فايف 5.0 موديل 2011

9 thoughts on “بخصوص سعر الاكس فايف 5.0 موديل 2011”

1. السلام عليكم ورحمة الله وبركاته

   أخوي الاكس 5 فيها نوعين أساسيين يا اما Full options OR Full Options Luxury
   اللااقجري فيها زيادات بسيطه عن العاديه و مثل ما تفضلت الضمان مع الكونتراكت سيرفس و ممكن يمددولك الضمان
   أخوي خذى وحده ما شاء الله روعه ال 2011
   شوف ابوظبي موتورز بكم بيعطونك اياها من الاخر و خبرني اذا قدرت ممكن اساعدك في موضوع السعر بس اول شي شوفهم بكم بيعطونك اياها
   موفق بإذن الله … لك مني أجمل تحية .

2. تسلم يامشرفنا على التوضيح ومبروك السياره مقدما , بس اعتقد كراسي الاسبورت غير كراسي الفول لودنق هي تي كمفارت مريحه وتحس انها اكبر, الرنقات مقاس 20 ونفس وتفرق عن الموديل الى قبله وباقي المواصفات مثل ماذكرت كثيره شي اعرفه وشي اول مره اسمع عنه.

   بتوكل على الله وباخذها

3. طويل العمر …

   أول شي لازم تعرف انه في فرق بين وكالة أبوظبي موتورز … و وكالة agmc الي هي لدبي والشارجه و انته ساير …

   اسعار وكالة ابوظبي موتورز تختلف عن اسعار وكالة دبي agmc الي هي المركز الميكانيكي للخليج العربي .. وبالتالي بتحصل في فرق في بعض المواصفات والأسعار ..

   بخصوص الضمان .. ضمان ابوظبي مثل ما تفضلت 5 سنوات .. و كونتراكت سيرفس 5 سنوات

   دبي … ضمان سنتين .. و سيرفس 5 سنوات .. و تقدر تمدد الضمان سنتين زياده عن طريق ضمان الخليج .. والمندوب تحصله في الوكاله يالس و عاطينه مكتب … و تدفع 8000 على هالضمان ..

   بخصوص الأسعار ..في دبي … ال8 سلندر سبورت كت سعرها قبل الخصم الحكومي 325 و بالخصم 280 ألف وها طبعا 5 كراسي .. و مواصفات كامله انا طالب وحده و دافع عربون و بتوصل على نهاية شهر 10 ان شاء الله …. من ضمنها الكيمرات و الستيرنق يلف لفه بسيطه والهيد دسبلاي والي يخص التوازن مثل ما تفضلت .. ما اذكر المواصفات كامله بالضبط ..الورقه موجوده في البيت عندي في كل المواصفات .. والزين انك يوم تشتري السياره بالخصم الحكومي .. الخصم مش من الوكاله ..من المصنع فيطلبون السياره بالمواصفات الي انته تباها و تختارها … يعني انا اخترت لون الخشب و نوعه .. نوع الرنقات ..الكراسي … نوع الجلد ولونه .. ويطرشون المواصفات للمصنع و عقب يومين اتي الموافقه بتصنيع أو تجميع السياره ..

   النوع الثاني الي هو ام باور كت … ها اييك 7 كراسي .. و رنقاته تختلف عن رنقات السبروت كت .. و بدون دواسات .. ويفرق 10 الاف درهم زياده بينه و بين السبورت كت في السعر الطبيعي و سعر ما بعد الخصم الحكومي ..

   اما عن وكالة أبوظبي … سعرها 335 الف … والي يفرق الضمان مثل ما قلتلك ..واعتقد التهويه في الكراسي …. ها السعر كان في أواخر شهر 8 ..

4. ماعرف بس برفعلك الموضوع

   ———————————————————-
   جهاز مجرب ومضمون سنة مع فيديو لطريقة عمل الجهاز
   جيك لرفع السيارة كهربائي يشتغل ع ولاعة السيارة و البطارية
   مع جهاز لفتح البراغي السيارة بدون تعب ولا هلاك
   يرفع السيارة لوزن 2طن
   غاية الروعة والبساطة
   410 درهم + مصاريف الشحن 30 درهم عن طريق شركة امبوست

   للتواصل أرسل رسالة على الخاص بأسمك ومكان الإقامة
   اضغط على الرابط فالأسفل

5. كله كلام فاضي انا خذتها ب 335 الف مع سيتات قيمتهن 20000 البيج وبيمتها ب 18000 يعني كامله والكامل وجه الله مع البيمه 353500 ثمانيه سلندر بس رقم ثنين مع الخصم طبعا هي قيمتها 365000 بدون بيمه

   وسياره ماعليها كلام

   اسمحلي ياخوي مافهمت عليك, السياره الى اتكلم عنها لو اكتب المواصفات الى فيها يبالها صفحتين بس انا مثل ما ذكرت السياره فوول لودنق + 5 سنوات او 100 الف كيلومتر سرفس +التصليح +ضما مفتوح +ممكن اجراء الصيانه في اي بلد فيه وكيل البي ام

   وحتى الى تي 7 كراسي وشاشه خلفيه ممكن تكون هب فول اوبشن بس هي فووووووول وبعض من المواصفات الى نزلت فقط بموديل 2011 ومن المواصفات هي:

   1- الاستيرينق بلفه بسيطه يلف كامل
   2- عند الانعطاف الجانبيلات توازن السياره عشان الركاب مايحسون بحركات السياره
   3- كاميرات جانبيه للباركن + اذا السياره طلعت من مسارها يهتز الاستيرنق للتنبيه السائق
   4- 5 كاميرات

   وين اصحاب الخبره بالاسعار
   

Comments are closed.