السلام عليكم ورحمة الله وبركاته
شحــــــــــــــالكم حبيت اخبركم اصعب موقف مريت بة واتمنى تخبرونا أصعب موقف مريتوا فية
هاي السالفة من سنتين تاريخ 15 _8 في هاليوم الصبح وانا سايرة البنك وخاطفة في شارع فااااضي دعمت وحدة تعبر الشارع ( سيلانية تعبر الشارع ) متخيلين دعمت وحدة تعبر الشارع صدق موقف كان صعب علية سمعت رضخة في الموتر ههههههه والله جني داعمة بقرة مش سيلانية المهم انا استوعبت الموضوع بعد مادعمتها ومن شفت الجامة والا اشووووووووووووف حرمة طايحة على الشارع وكلها دمان يالله ……والله دقايق الشباب ودراجات الشرطة والاسعاف وسيايير الشرطة تيمعوا …… متخيلين بس ناقص الهيلكوبتر تيي ههههههه في امريكا نحن مش في الامارات ^.^
المهم يا واحد يزاه الله الف خير ساق سيارتي وحطاها في الباركن لانة السيارة كانت واقفة في نص الشارع وصدق انه الريال أمييييييين لانة البيزات كانت على الكرسي ولاهمه
والاهم ياني الضابط والريال ماشاء الله علية مطوع ولحيتة معالية صدرة قالي الليسن وانا كنت في حالة ماتتخيلونها مستغربة ومش مصدقة انا دعمت حرمة ولا بعد الحر مة في غيبوبة””””” اووووووووف الله لا يعود هاك اليوم ومن فتحت باب السيارة ايب الليسن والا انا حاطة اغنية ميحد جدييييمة ولا بعد الصوت شوية عالي المطوع غيض علية ههههه وقالي بسرعه على المركز وبعد التحقيق واكيد الواسطة طلعت براءة لانها لازم تتحول قضية
بس تبون الصدق ماهانت علية السيلانية ومارتحت الا يوم سرت وشفتها وحبيتها بعد ^.^
ولين يومكم كل مامر على نفس الشارع قلبي ينقبض علية واتذكر الي صار
وســـــــــــــــــــــــلامتكم
اختكم المستثمرة
للاسف مافي ذرة احساس بالذنب !!
__________________
هههههههههههههههههههههههههه
بنشارك معاكم
مرة سنة 2004 كنت في نيوزلند في مطار مدينة اسمها كرايست تشيارج المهم كان الوقت شتا وفية ثلج والجماعة مسكرين المطار وتاخرن الطياير والعالم كلهم مزدحمين في صالة واحدة المطار صغير نسبيا المهم انا مليت من اليلسة وقمت احوط واطلع هذا وهذا قلت خلني اقرب من باب الخرطوم اشوف شو السالفة مكتوب على الباب ممنوع الاقتراب انا اتحرا السالفة لزقة عادية قربت من الباب ولمستة بيدي
جان يصيح ونان قوتة مثل جرس المدرسة وليتات حمر وعفسة كل خلق الله تمو يطالعوني فاضين ماعندهم شي
انا من القفطة قمت اوزع ا ابتسامات اوني كووووووووووووووول
اصعب موقف لما ولدي بلع دوا يدته مال الضغط !!!!
الحبيب صرط له كمن حبه انا ينيييييييييييت قمت اتنافض وابا اطير فيه المستشفى وكل اللي يالسين ولا واحد فكر يقولي قومي بوصلج طبعا عمومته كانو موجودين ويتعاملون مع اللي صار كانه شي عادي وكانه ماكل حلاوه مب حبوب !!!!!!!
المهم سيارتي عند ريلي سويت له تلفون ولين ماوصل حسيت نفسي بيغمى علي حسيت الدقايق ساعات وبسرعه اول ماوصل طيران على الطواري وبصراحه ماقصرو الحمدلله دخلوه بسرعه والدكتوره مواطنه يزاها الله خير سوت له غسيل معده وما انسى شكله وهو لافينه بخلقه بيضا كانه قماط يعني نفس يوم يقمطون الياهل
ومدخلين في خشمه البيب ويشفطون السوائل من معدته كنت اتنافض بس اكتشفت اني اقوى من ابوه وايد مسكت ولدي بكل شجاعه وكنت اصبر نفسي واردد في قلبي اهم شي سلامته وحياته بستحمل اي شي عشانه
وشوي الا اشوف ريلي ياشر لي تعالي امسكي راس الولد وويهه صار اصفر وقام يصب عرق والحبيب على كثر ماكان يقول لو يصير لعيالي شي يمكن اتخبل ماكنت اصدقه بس لما شفته قعد على الارض وقمنا نصب على ويهه ماي صدقت هههههههههه
الحمدلله وصل عم ولدي بنفس الوقت وساعد الدكتوره
كان يوم ماتتخيلونه والدكتوره قالت الحمدلله انكم على طول يبتوه لانه لما طلعو محتويات المعده قعدت تراويني الحبوب بعدها المعده ماهضمت الحبوب ولا امتصتها
النكته يدت ولدي تعبت علينا وارتفع ضغطها من اللي صار وثاني يوم رقدوها في المستشفى وكانت بتروح فيها من اللوم
الحمدلله على كل حال بس ديرو بالكم يا اخوان على عيالكم تراهم نعمه من ربي ولا تخلون اي ادويه مهما كان نوعها في مكان يقدرون يوصلون له
المهم اذا في مجال نشوف صورتج بعد الحادث زين نطمش شوي خخخخخخ