السلام عليكم ورحمة الله وبركاته
شحــــــــــــــالكم حبيت اخبركم اصعب موقف مريت بة واتمنى تخبرونا أصعب موقف مريتوا فية
هاي السالفة من سنتين تاريخ 15 _8 في هاليوم الصبح وانا سايرة البنك وخاطفة في شارع فااااضي دعمت وحدة تعبر الشارع ( سيلانية تعبر الشارع ) متخيلين دعمت وحدة تعبر الشارع صدق موقف كان صعب علية سمعت رضخة في الموتر ههههههه والله جني داعمة بقرة مش سيلانية المهم انا استوعبت الموضوع بعد مادعمتها ومن شفت الجامة والا اشووووووووووووف حرمة طايحة على الشارع وكلها دمان يالله ……والله دقايق الشباب ودراجات الشرطة والاسعاف وسيايير الشرطة تيمعوا …… متخيلين بس ناقص الهيلكوبتر تيي ههههههه في امريكا نحن مش في الامارات ^.^
المهم يا واحد يزاه الله الف خير ساق سيارتي وحطاها في الباركن لانة السيارة كانت واقفة في نص الشارع وصدق انه الريال أمييييييين لانة البيزات كانت على الكرسي ولاهمه
والاهم ياني الضابط والريال ماشاء الله علية مطوع ولحيتة معالية صدرة قالي الليسن وانا كنت في حالة ماتتخيلونها مستغربة ومش مصدقة انا دعمت حرمة ولا بعد الحر مة في غيبوبة””””” اووووووووف الله لا يعود هاك اليوم ومن فتحت باب السيارة ايب الليسن والا انا حاطة اغنية ميحد جدييييمة ولا بعد الصوت شوية عالي المطوع غيض علية ههههه وقالي بسرعه على المركز وبعد التحقيق واكيد الواسطة طلعت براءة لانها لازم تتحول قضية
بس تبون الصدق ماهانت علية السيلانية ومارتحت الا يوم سرت وشفتها وحبيتها بعد ^.^
ولين يومكم كل مامر على نفس الشارع قلبي ينقبض علية واتذكر الي صار
وســـــــــــــــــــــــلامتكم
اختكم المستثمرة
انا صارلي موقف قبل 5 سنين ,و انا كنت على خط العين دبي الظهر شفت واحد واقف عالشارع وقفت له و قالي يبى حد يوصله المعهد الاسلامي اللي في الكرامه , المهم قبل لا نوصل هناك كان شارع ساير راد و المنطقه هناك زحمه و انا ابا الف يسار ووقفلي باص و تم ياشرلي اني الف يسار و انا قاعد الف فاجاني بو خنه راكب دراجه مجاوز من يمين الباص مسرع و يصمني من جدام و فجاه شفت سوبر مان هههه و بما اني على لفه يعني موقف الشارع اللي هوه ساير راد فصارت زحمه و قلت بحرك السياره من مكانها و سوبرمان منسدح على الشارع و يصيح بصوت عالي و شفت ريوله شفت بياض و كنت اتحرى اني اشوف عظمة ريوله بصراحه ارتبشت ربشه واتصلت بالاسعاف يمكن 10 مرات ووقتها والله كنت اتحراه بيموت و نهاية القصه الريال طلع في تقرير المستشفى انه في دمه كحول و فوق هذا في المحكمه طلعوني غلطان لاني حركت السياره من مكانها و في تخطيط الحادث مااقتعوا في كلامي و حسبوا المسافه 10 امتار بين السياره و سوبر مان ! و معناته اني كنت مسرع و ما صدقوني اني وقفت و سوبرمان اللي كان مسرع ودعمني و طبعن للاسف سالفة الكحول في دمه ماعرفتها الا بعد المحكمه يوم سرت للتامين راووني التقرير و قالولي ما بنصلح شي لان الريال كان سكران ! وانااستغربت كيف القاظي ما انتبه لها الشي !
اسمحولي طولت عليكم بس الزبده و الدرس اللي تعلمته ( لا تحرك سيارتك لو شو ما يصير من مكانها لو كان شي حد مصاب) و من يومها ما افكر اوصل اي حد من الشارع يتني عقده من هذاك اليوم ههه
[quote=الذيــــــــــب;3684054]
ههههههههههههههه عجيب انته
ماتعرف انه الفلوس تغري النفووس
وردك صحيح المهم الروح الفلوس تروح وترد
شـكــ وبارك الله فيك ـــرا لك … لك مني أجمل تحية .
الحمد الله على سلامتها المسكينة …
هذا رد رد بالله عليك…….قلت أشوا ماتوفت…..عشان لاتدفع هل بيزات……يعني بالمقام الأول ماتقول هذي روح وأنت قتلتها…أو مابتحس أنه ضميرك رح يعذبك …..على طول فكرت بالبيزات….لوعت جبدي على هل فجر
أشوااا انها ما توفت .. جان دفعوج مبلغ الدية عدا و نقدا ..
و الله وايد مواقف صعبه مرت عليي بحياتي .. ماقدر اقول شي و اخلي شي ..