السلام عليكم ورحمة الله وبركاته

شحــــــــــــــالكم حبيت اخبركم اصعب موقف مريت بة واتمنى تخبرونا أصعب موقف مريتوا فية

هاي السالفة من سنتين تاريخ 15 _8 في هاليوم الصبح وانا سايرة البنك وخاطفة في شارع فااااضي دعمت وحدة تعبر الشارع ( سيلانية تعبر الشارع ) متخيلين دعمت وحدة تعبر الشارع صدق موقف كان صعب علية سمعت رضخة في الموتر ههههههه والله جني داعمة بقرة مش سيلانية المهم انا استوعبت الموضوع بعد مادعمتها ومن شفت الجامة والا اشووووووووووووف حرمة طايحة على الشارع وكلها دمان يالله ……والله دقايق الشباب ودراجات الشرطة والاسعاف وسيايير الشرطة تيمعوا …… متخيلين بس ناقص الهيلكوبتر تيي ههههههه في امريكا نحن مش في الامارات ^.^

المهم يا واحد يزاه الله الف خير ساق سيارتي وحطاها في الباركن لانة السيارة كانت واقفة في نص الشارع وصدق انه الريال أمييييييين لانة البيزات كانت على الكرسي ولاهمه

والاهم ياني الضابط والريال ماشاء الله علية مطوع ولحيتة معالية صدرة قالي الليسن وانا كنت في حالة ماتتخيلونها مستغربة ومش مصدقة انا دعمت حرمة ولا بعد الحر مة في غيبوبة””””” اووووووووف الله لا يعود هاك اليوم ومن فتحت باب السيارة ايب الليسن والا انا حاطة اغنية ميحد جدييييمة ولا بعد الصوت شوية عالي المطوع غيض علية ههههه وقالي بسرعه على المركز وبعد التحقيق واكيد الواسطة طلعت براءة لانها لازم تتحول قضية

بس تبون الصدق ماهانت علية السيلانية ومارتحت الا يوم سرت وشفتها وحبيتها بعد ^.^

ولين يومكم كل مامر على نفس الشارع قلبي ينقبض علية واتذكر الي صار

وســـــــــــــــــــــــلامتكم

اختكم المستثمرة

29 thoughts on “بخبركم اصعب موقف مريت فية وخبروني مواقفكم الصعبه”

  1. سمعت كلامك وشربت…وبزياده لوعت جبدي…..تكفى خلك ساكت …أنت كل شي منك يلوع الجبد.

    دام ما فاد ماي الورد .. و اللوعه بعدها .. أنصحك تسير أقرب عيادة و خل يسوولك أشعة سونار .. و خبرنا بالنتايج عقب ما ترجع عشان نتطمن عليك ..

  2. راعي الموده هههههههههههههه موقفك يضحك
    هههههههههههههههههههههههههههههههه

    وايد مواقف صعبه مرت عليه

    بخبر هالموقف الحين كل ماتذكرها اضحك ,, امممم تقريبا قبل 4 سنين
    المهم كنا طالعين انا و اختي و اخويه الصغير و بنت خالي و اخوها الصغير
    و بنت خالي توها كانت ماخذه الليسن ,, و نحن انسولف و نضحك
    وصلنا عند البيت و بنت خالي بتدخل الموتر فالبيت و بدال لاتاخذ بريك حطت ريولها عالبترول
    و طرارارارارخ تظرب اليداار بالقووو .. طبعا اختي كانت يالسه جدام و انا و اليهالو كنا ورا
    ههههههههه اول خمس دقايق حسيت اني فقدت الذاكره و داار راسي بس كنت اسمع صوت اخوي
    اخوي يوم شاف اختي مغمي عليها و منزله راسها على طول سار و رفع راسها >>> خالي معلمنه هع هع
    انا الحمدالله نشيت و ظهرت برع و يوم طالعت اختي اشوف حلجها كله دم عاااد انا هني مت من الصياح
    هي اتصبح و انا اصيــح وياها ,, و مووووول ماكانت تتذكر شي اتقولي انتي منووو انتي منوووو و نحن وين
    طبــعا انا احبها وايد و نحن توام فكنت اصييييح ,, لسانها انـــطر
    ,, و بنت خالي خدوش ع ويها ,, و ولد خالي ينزف من خشمه ,
    الحمدالله اخويه ماياه شي ابد و انا هههههههه كنت احس بحرقه فويهي بس ماكنت مهتمه
    عقب وصلوا الاسعاف و الحمدالله اختي فالمستشفى اتذكرت كل شي
    عااااد انا المسكينه اللي كنت اتخيل مافيني شي ,, ثاني يوووم ويــهي انتفخ و عيوني انتفخت و كــدمااات فويهي
    اللي شافوني ماصدقوا اني كنت يالسه ورا ههههههههههه ,, كنت اخـرع حتى صوروني البنات هههههههه

    و الحمدالله الله ستر علينا

  3. من الموااقف الصعبه اللي مريت فيها وهو دخولي حمام الحريم العام علي كورنيش أبوظبي .. شي طبيعي كنت مستعيل فدشيت وما لاحظت اللوحه والحمد لله كان فاضي..او تهيالي ما ادري خخخخ..المهم وانا مريح وطالع واذا بي اخواني من الجاليات المصريه والشاميه حاطين طوق بشري حولين الحمااام ممنوع دخول الحمااام .. واخوكم ظاهر .. شو السالفه .. هزا حمام نساوين يا أخي اووووووووووووه احمريت واخضريت وباه ويجهي بأه زي السمسمه..المهم اعتذرت وتوكلت علي الله..الحمد لله ما كان حد ولا نشبوبي نشبه .

  4. اشرب ماي ورد .. زين حق حالتك ..

    سمعت كلامك وشربت…وبزياده لوعت جبدي…..تكفى خلك ساكت …أنت كل شي منك يلوع الجبد.

Comments are closed.