الساعه 12:00 ظهرا.. بتوقيت الامارات
وموعد انصراف طلاب الابتدائية والروضه بالنسبة للمدارس المحلية والهندية
لفت نظري مشهدان!!
المشهد الاول:
باص مدرسة محلية…يقف مقابل احد المنازل في الطرف الاخر من الشارع… ليرتجل طفل صغير لم يتجاوز السادسة من عمره وحده….ويتحرك الباص…لاجد الطفل واقفا مترددا لعبور الشارع ايضا وحده…اشرت له بأن يعبر…واذا به يجري كالخائف من ان اتحرك و اصدمه بسيارتي!!!!! ويطرق باب منزله وهو يلهث من تعب الجري….
المشهد الثاني:
باص مدرسه هندية…يقف مقابل احد المنازل في الطرف الاخر من الشارع…ليرتجل رجل و يمد يده لمساعدة طفلين بالنزول احدهما في السادسه والاخر في السابعه او الثامنة….امسك بيديهما و عبر معهما الشارع حتى باب المنزل…ثم عاد ليصعد الباص ويكمل الباص مشواره..
ما رأيكم بما رأيت!!!
كلاهما به منظر باص مدرسة وكلا المشهدين بهما اطفال….لكن شتان بين الاول والاخر..
اترك لكم التعليق!!
الأخت طرحت هذا الموضوع تبين الفرق وتوضح شي يمكن محد يشوفه
انا اشوف عيال اخواني ..المدرسة لنها خاصة
يوفرون فلبينية الصبح تنزل تشل شنطة اليهال وتركبهم الباص
والظهر نفس الشي..
بس على ايامي .. مدرسة الحكومة
يفرونك اخر الشارع ويالله امشي لين البيت تحت شمس القايلة
—-
والموقف الي ذكرتيه بنسبة لمدارس المحلية
اشوفه عادي ؟! شو تبين المطلوب منهم؟؟
انا براي المشكلة إذا هالياهل ،، ماعرف يعبر الشارع
وعمره 6 اسنين
وشكرا على الموضوع
مطبقينه في أبوظبي مواطنين ومواطنات في مدارس البنين والبنات يركببون الصغار وينزلونهم ومعاشاتهم على 5000 اذا حد يبا وظيفة يسير عندهم
شو قصدك؟!!
وشو دخل موضوعي بموضوع الوظيفه ان كنت ارضى بها ولا لا ؟!!!
انتي ترضين تمسكين هل الوظيفة؟