السلام عليكم
اشحالكم ^___________^
صحيح كنت شاده حيلي فى الفتره الاخيره ومصطلبه…بس كنت اوايق على المنتدى من وقت لثاني <<< حد لاحظ!!!! خخخخخ
بس اخيرا والفضل لله تخرجت وبمعدل فوق 3.60 …صحيح ودي اكمل ماجستير…بس الصبر زين
ع العموم…قلت اشتري سياره و”أستقبل بها حياتي الجديده “<<<ماعليه هاذا spaceToon’s affection …بعد شوي بيروح
وحان الوقت اودع رفيقة الدرب سيارتي الحلووووه <<<<<< والله ماتهون عليه بس الحياه صعبه خخخخخخخخخ
واخذ سياره كيوت على قدي … ^_^
السياره اللى باخذها ان شالله فى حدود ايام-اذا اعتمدت طبعا- راح تكون…
بس المشكله ربيعتي عندها مرسيدس وتقول هالكتنها بكثر المصاريف !!!!؟؟!!!
واللى يقول السيرفس تعبانه!!
واللى يقول..خذي لج السياره الفلانيه والاالعلانيه…!!!!
والله احترت بالرغم اني احب المرسيدس بس …شكلي متردده شوي…
ممممممممـــ….اللى عنده خبره بلييييييييييييييييز …يشاركني …واللى ما عنده ياحيه ومرحبا به يشاركنا لو بكلمه طيبه…
مبروووووووووووك على التخرج
والله يا اختي انصحج بسيارة لكزس is الصغيرة
الصراحة وااااااااايد اوكي وهي اصلا بنوتية
ما تخترب ولا شي وسبورت وتفولينها بترول ب 75درهم بس وما تشرب واااااااااااايد اتم اسبوع كامل
أولا مبروك التخرج وعقبالنا يارب إن شاءالله
ثانيا ننتظر عزيمة النجــــــــــاح
وإن شاء الله اللي عنده فكرة عن السيارات يفيدج
بالمبارك اختي وبخصوص الماجستير لا تتاخرين فيه والا بيضربج الكسل شراتي وبتبدين متاخره (دام المعنويه عاليه توكلي ع الله)…
اما بخصوص المرسيدس طبعا حسب ميزانيج ومقدرج على صيانتها ولو بتاخذينها وكاله بالفتره الاولى راح ترتاحين فيها ولكن بعد فتره راح ادفعج دم قلبج طبعا انا اتكلم عن واقع تجربه باعتباري ما اسوق الا مرسيدس…
في وحده من الاخوات من فتره طويله كانت منزله نفس الموضوع ومحتاجه استشاره (وحاطه ببالها سياره المانيه) وعطيتها رايي بخصوص الانفنتي الفوريل واعتقد اقتنعت واشترتها
سياره صيانتها معتدله وعمليه وبنفس الوقت فخمه وبنوتيه…
اولا واخيرا الله يزيدج خيرها ويكفيج شرها مقدما
الف الف الف مبرووك …..والله يوفقج ………..بالنسبه لي اشوف المرسيدس هي احسن خيار ….وانتي تقولين انها بخاطرج ………..لا تترددين خذيها واتوكلي على الله ……والله يعطيج خيرها ويكفيج شرها
نصيحه مني لج السياره اللي في
خاطرج خذيها ولاتحاتين مصاريف ولاشياولا السياره اكيد بتكون فتره على الضمان وبعدين بينج وبين ربيعتج فرق في الاهتمام بالسياره اكيد
والمعروف عن سيارة المرسيدس انها فخمه وحلوه ومريحه وترى كل الوكالات والعثرتين ماامدح لج حد منهم