()()()()()() بادلنــــــي ()()()()()() متجر متنوع للتبادل

عيبتني الفكره !!!!!

قلت خل نفتح موظوع كامل يتثبت بعد اذن المشرفين .. للتبادل بين الاعظاء ..

يعني مثلا انا عندي سلسله ماركه ديور ماباها لبستها لين ما لاعت جبدي .. !! اعرظها اهنيه و اقول اريد ابادلها بسلسله مثلا .. و اللي يشوفها و تعيبه … يحط الشي الي يبا يبادل فيه و لو وافقت اتواصل مع الشخص و ابادله !!!!!

فكره حلوة

مثال

انا بحط

سلسله ديووور سعر الشراء 1000 درهم .. انلبست 900 مره و اريد ابادلها باي سلسله او اي شي حلو يسوا شراتها ..
وها ايميلي للتواصل … فلانه @ هوت ميل .. او ها رقمي 999 .. !!!

وعقب حد يدش الموظوع .. و يشوف سلسلتي

وتعيبه ..

يسوي اقتباااااااااااااااس .. و يكتب

تبادليني بهالحزام البربري .. ملبوس 500 مره .. و سعر شراءه 800 درهم .. و ها رقمي 999 .. !!

اتمنى اتكون وظحت الصورة

وطبعا ارد انا ادش الموظوع كذا مره اجوف منو مسوي اقتباس و يبا يبادلني .. !!!

وفي هالحاله استفاد الكل

وفي حالات تقدر مثلا اتبادل و تزيد فلوس .. !!

وعن طريقه التوصيل عادي .. شركات التوصيل شرات ما ياخذون فلوس ياخذون اغراظ ..

وانشالله اتكون الفكره نشيطه &&

ويلا انشوف شوه تبون اتبادلون ^^

اختكم

ون بيرسن ..