السلام عليكم
بغيت اسأل اذا حد فيكم يداوم في مراكز الهوية او يعرف اخبارهم
شو اقل مركز عليه ازدحام
لان الوضع في ابوظبي لا يطاق
نحن كمواطنين كنا نعاني على ايام الزحمة في نهاية فترة التسجيل
بس الحين الوضع صار مأساوي
قبل كنا نقدر نحجز موعد عالانترنت ونروح عالموعد وخلاص
بس احينه حتى المواعيد كلها فل لين ما اخترب السيستيم وضرب مادري شو ياه !!
زحمة مش طبيعية
عندنا واحد في الدوام تم هناك من 4 الصبح لين 9 المسا واخيرا خلص
سواء في ارض المعارض او في مبنى دائرة البلديات
شو عن الوضع في العين ؟
او حتى راس الخيمة
اللي عنده علم يساعدني
وشكرا
اخيرا سويت البطاقه اليوم في مركز البرشاء
وماشي زحمه
ومراكز الهويه باكر دوام من الساعه 9 ال 4 بس للمواطنين
وبخصوص التمديد ما شي خبر يعني اخر الشهر تخلص المهله
الا اذا طلع قرار في اخر لحظه مثل ما حصل لقانون تسجيل السيارات
صدقوني ما شي زحمه بس الواحد يظغط على نفسه ويسير قبل الوقت بساعه واهم شي اخواني
اطبعوا الطلبات من النت احسن
لانك اذا طبعت عندهم بيعطونك رقم للطباعه وعقب ما تخلص بيعطونك رقم ثاني للتسجيل يعني بيضيع الوقت عليك ويمكن ما تحصل رقم للتسجيل
الحينه مددو المهلة ولا لا؟؟
افيدنا الله يبارك فيكم
والله قبل يومين رحت مركز الهوية في بوظبي
و دخلت عليهم عند الكاونتر الساعة 7.45 صباحا
و اول ماصار ازدحام عند الكاونتر الا الموظفة قالت
خلص مافي ارقام روحوا و تعالوا بكره
عنبوا الساعة 7.45 الصبح و خلصن الارقام
و بعدين رحت اسوي بطاقة البوابة الالكترونية للمطار
و طلب الموظف جواز السفر لاستكمال الاجراءات
للبطاقة و سالتة:
هل بطاقة الهوية مقبولة ؟
شو تتوقعون رد على؟
قالي: لين الحين غير معترف فيها عندنا
طبعا هذا موظف شرطة الجوزات.
ها شو رايكم؟
مب بجانب النادي بداخل النادي
وفعلا هالمكان مافيه زحمه