اسلام عليكم ورحمة الله وبركاته
هل من المعقول من 2007 حتى هذا الوقت ولاكشف من هيئة القروض ابوظبي
ام ان الازمه العالميه ضربة اهل ابوظبي فقط وان اهل الامارات الشماليه لم تصبهم
شي غريب الي يسير في ابوظبي والله عندي في الدوام الي في الامارات الشماليه لديهم من طفل وطفلين والقرض ينزلهم من تقديمهم خلال سنه
انا اقول هذا الكلام ليس حسد عليهم بس اقول ان هناك عندهم نظام وليس ابوظبي الي تعيش على البركه والعشوائية
ليش الاعلام وخاصه البث المباشر اذا حد رسلهم على هذا الموضوع تمر الرساله ولا تعليق ؟
هل من المعقول ان حكومة ابوظبي تغفل على هذا الشي ؟
هل من العدل ان نحن اهل ابوظبي نتكدس في الاجار وعندنا من 6 الى 9 اطفال
حتى متى الصمت
لاكن نقول من الاهل ابوظبي ؟
مشكور أخوي على المداخلة الطيبة والمفيدة
فعلا هذه الطريقة تقلل من ارتفاع الأسعار والجشع
لكن في نفس الوقت أعتقد صعب على جميع اللي ينتظروا القرض يقدموا في ديوان سمو ولي العهد لانه مب الكل يقدر يدخل ويقدم, انت وحظك إذا نادوا اسمك أو لا , تقريبا الناس اللي يدشون 15 شخص والموجودين فوق 100 شخص , أنا شخصياً صارلي شهر أراجع مرتين في الأسبوع الأحد والثلاثاء من الساعة 1 لين 4 او 5 ولين الحين ما نادوا اسمي, وباجر بسير أراجعهم وعسى إن شاءالله أكون من المحظوظين, أنا من رأيي الموضوع يحتاج قليل من التنظيم بدل الإنتظار 4 ساعات عند المراجعة.
وان شاءالله يتغير الوضع للأفضل وتصرف القروض للمواطن حسب الاولوية!!!
الله يجعل اللي فيه الخير ويحفظ ولاة الأمر وبلادنا
تحياتــــــــــــي للجميـــــــــــــع
الحمدلله والصلاة والسلام على رسول الله وعلى آله وصحبه أجمعين
الله المستعان
استغفر الله العظيم
انا مستغربة ناس ارقامهم فوق 40الف طلع لهم القرض ونحنا ارقامنا عشرين الف وماشي قرض
حسبي الله و نعم الوكيل اذا كان الموضوع بالدس وقروض تنزل لناس وناس لا حسبي الله ونعم الوكيل
افضل شي جمع راتبك وابني بيتك وانسى القرض امكن ينزل لحفيدك
وهذا افضل الحلول
للاسف يالكعبي حتى ويا هالنظام المقاولين يعرفون بالقروض متى تنزل حتى قبل مايوصل لراعي القرض مسج
واخرها ارتفاع الحديد لاني كنت عند استشاري وقالي الاسعار ارتفعت الحين لان طلعن قروض وفي الفتره اليايه
بتطلع دفعه ثانيه والاسعار بترتفع اكثر واكثر [ كنك يازيد ماغزيت] الاستغلال ورفع الاسعار الحديد لامبرر له مع ان القانون اليديد [الاستدامه] مثل مايقولون في الجرايد ووغيران بيقلل استخدام الحديد والخرسان 50% اللي كل مقاول يتحجج بهالشيء ويقولون الخرسان والخرسان لكن صاير العكس ارتفاع .. ووراه ارتفاع وياقلب لاتحزن !
والمليونين يحلف المقاول انها ماتبني شيء عدل والله لو اراويك الفلل اللي دخلتها مع المقاول بمليونين بتنصدم
يبالك تزيد 600 فوقهن وغير الديكور والاثاث يعني لين ماتخلصى بنى اقلها بيكون عليك 3 ملايين واللي ماعنده بيت شعبي ولا مصدر دخل ثاني والله بصريح العباره الله يعينه عياله وعيال عياله بيأدون عليه مثل ماقال [بوظبي]
المشكله ان اصحاب البيوت الجديده اكثرهم محصلين القرض وين الي يقول البيوت الاصحاب الدخل المحدود
والاراضي الي القرض لهم تحصل كل بلوك فلتين الى خمس بالكثير
وفي الشامخه وبني ياس شرق 11 والله كل بالك ممكن فلتين او ثلاث بالكثر في كل بلوك
وخليفه ب الحين سارلهم ممكن 11سنه مستلمين الاراضي وبالكثير 80 فيله في كل المنطقه
اما البيوت الجديده والله ممكن في كل بلوك خمس الى سبع فلل هذا في كل بالوك
وممكن 25 الى 30 فله في المنطقه الوحد والي مش مصدق يروح الغابات في بني ياس والله ممكن اكثر بعد غير البيوت الملونه والشوامخ والشامخه وفي اغلب المناطق الجديده
والله شي المحير القرض لمن لاصحاب الدخل المحدود وكلهم حصلو البيوت و القرض
ممكن اصحاب الاراضي فلوسهم زايده وافضل لهم يروحون البنوك الانهم غير مشمولين من فئة اصحاب الدخل المحدود
وبخصوص مراجعتهم انا اتابع معاهم كل ثلاث اشهر الانه عادي يكنسلون الطلب بحجة اعادة النطام او او ؟
والكلام الي عندهم بس ان شاء الله قريب