اسلام عليكم ورحمة الله وبركاته
هل من المعقول من 2007 حتى هذا الوقت ولاكشف من هيئة القروض ابوظبي
ام ان الازمه العالميه ضربة اهل ابوظبي فقط وان اهل الامارات الشماليه لم تصبهم
شي غريب الي يسير في ابوظبي والله عندي في الدوام الي في الامارات الشماليه لديهم من طفل وطفلين والقرض ينزلهم من تقديمهم خلال سنه
انا اقول هذا الكلام ليس حسد عليهم بس اقول ان هناك عندهم نظام وليس ابوظبي الي تعيش على البركه والعشوائية
ليش الاعلام وخاصه البث المباشر اذا حد رسلهم على هذا الموضوع تمر الرساله ولا تعليق ؟
هل من المعقول ان حكومة ابوظبي تغفل على هذا الشي ؟
هل من العدل ان نحن اهل ابوظبي نتكدس في الاجار وعندنا من 6 الى 9 اطفال
حتى متى الصمت
لاكن نقول من الاهل ابوظبي ؟
اخي العزيز
في البدايه .. جمعه مباركه
بخصوص ردك .. جذبني ارد عليك
النقطة الاولى الريال صاحب الموضوع ما كتب يتذمر على الحكومة .. بل يتذمر على الاسكان والهيئة الي كلها واسطات وكل شي من تحت !! ومن حق هالمواطن الاستفسار في اي شيء ملك للحكومة لانه هو ولد الحكومة.
النقطة الثانية المقارنة بين الامارات .. بالفعل هالشئ مرفوض ويوم تقوله سير اسكن وين وما ادري شو .. يالطيب انت من سكان مدينه ومن اهلها وهو من سكان مدينه غير لكن كلنا في دار زايد الله يرحمه .. ومحد مجبور انه يقارن نفسه مع احد!!
النقطة الثالثة بخصوص قيمة القرض .. الطيب انت محلل ومستشار للدولة ؟ ولا شو ؟ يا اخي العزيز هال 2 مليون ترى ما تنزل الجيب !! ويروحون يتمشون بها .. البناء غالي .. والارض في بوظبي تعبانه يبالها اساسات وتكلفة اكثر .. وكل مواطن طالب القرض ما شاء الله عنده من الابناء .. وبعد عنه اخوه او اخته وغيره ..
النقطة الرابعة .. بخصوص حجم البيت .. شو رايك نعيش في خيمة مب ابرك ؟ مب حلال على الشعب يعيش في بيوت برحاء و ايضا يكثر من العيال .. ويسكن الي يقدر عليه ؟!!! ولا تبانا مثل الانجليز .. نفر عيالنا الشارع اول ما يكملون 16 ؟
بخصووص الموضوع .. والله ما عندي تعليق غير .. الله يكون في العون والله يفرج همنا
انا متزوج ومقدم على قرض .. ،لا شفت شي .. رحت وخذت بيت في احد مشاريع الدار الله لا يبارك فيهم .. غير مديونية البيت .. ادفع صيانة تقدر ب 2000 شهريا + حتى المكيف بفلوس ….!! لكن شو الحل غير لا تعليق ..
يحق للمواطن الاستفسار وطلب لماذا ما نزل ولا كشف رسمي ( غير الواسطات ) ؟
والدولة + الحكومة مب مقصره الله يحفظهم … لكن في مليارات تدفع في مشاريع يزاهم الله خير .. ونحن بعد ناقصنا قروض واراضي… حتى الاراضي مب متداوله .. فاسعارها فووووووق !!!
اكرر الدولة مب مقصره بس الخير وايد وفي اشياء غير واضحة وماشي مبررات لها
شىء اخر ان القروض ترى مب بلاش !!! تنخصم منك بس بدون فوائد
اذا ما شي قروض مفروض الحكومه تجبر البنوك لخفض نسبة الفائده للمواطنين الي يبون يبنون بيت وما عندهم بيوت !!!
في حلول كثيره لكن الله المستعان
من وين راح تترقع بوظبي والوافدين ماسكين أكبر المناصب
والمواطن راعي البلاد مطلوب عليه خبره مع إنه توه متخرج من الجامعه
صارت البلاد في بعض الدوائر الحكوميه والشركات سايبه
وإنت يا مواطن ويا راعي البلاد خيس في بيتكم وخل الشهاده تنفعك
وإذا ما تعلم راعي البلاد قالوا ماشي عندك شهاده
عيش يا وافد وتزين وإنت يا مواطن موت قهر وتدين
البث المباشر ما بيسوي شي ولا بيهتم لانه للاسف غير مستقل (وافهم يافهيم)!!!
هههههههههههههه ..صبرنا ..وعقب الصبر ضربنا سلفيه من البنك ..والحين بنبني .. واللي حصل مبروك عليه ..
واللي ما لقى لا يتريا ..انصحه يولف له مبلغ محترم ..ويبني
الله يوفق الجميع ان شاء الله والكل بيحصل اهم شي الصبر وتحديث بياناتك في هيئة القروض