اتشوهت ايد سلبتوه 
يقولون العين حق … لكن .. من اسبوع التراث اللي كان عندي
ما خليت شي لوووووول
من خبيص
وعصيد
واكتفيت بلخمير اللي ماسلمت من عقبه…
اول ما وريت الضو انصلخت علخفيف … طبعا طااااااااااف << من كثر الحماس ..
وتمت الضو هاديه وطبعا كنت مجهزه حق خميري اللي بلكستر والتمر 
خطير مره ..
خطير مره ..وبعد ماخلصت حسيت انه في كمن حبه من الصخام والله انهن لاني سمعت صوت تنقيع علخفيف
ولكن انصدمت انه تناقعت وتفتت صغار صغار … وطاحت اليمره على ايدي 
ومع هذا مشيت الموضوع قلت في خاطريه مب اول مره
ومع هذا مشيت الموضوع قلت في خاطريه مب اول مرهثاني يوم … سويت صالونة سمج << اللي مالي غنا عنها 
ولكن يوم يت بصبها في الحراره ومن اليوع الزايد … انجبت على نفس اليد المحروقه 
حسيت بايدي نضت من الحراره وماطعت اكل من الويع
ولكن يوم يت بصبها في الحراره ومن اليوع الزايد … انجبت على نفس اليد المحروقه حسيت بايدي نضت من الحراره وماطعت اكل من الويعوالعصر يوني البنات … خالو نبا نودلز … قلتلهم اووووكي … وانا اغرفلهم النودلز … وتيني لشطه ثانيه على نفس الايد وعلى الحرق …
وفيالنهاااااااااايه يوم طلبو مني اسوي عشا دياي مشواي … قلت اوك شي خفيف وهالمره ان شاءالله مابحترق …
ولكن للاسف يوم يت بحط الخلطه الاخيره … ما سمعت غير تسسسسس …
والا صبوعي الاربع احترقن من الفرن … واونه ها الفرن آمـــــــــــــــن
غديــــــــــــــــــــــــت مشوه
اخر شي من شدة الويع سرت اقرب مستشفى
ما عطوني غير ميبو
و مسكن للآلام
ولكن للاسف مافي فايده ….
سلامات ماتشوفين شر
في مرهم في الصيدلية يخوز الحروق نهائيا مكوناته عسل
بالنسبه لي ماعندي طباخ بس عندي خدامه معلمتنها الطبخ وفنانه بس مرات تخورها
والوحده ماترتاح الا لما تدش المطبخ بروحها
هلا خويووووووه
مادري يختي فيني هالطبع الخايس ومره سويت تحدي بيني وبين ربيعتي اني مابطبخ شي غير عيش ولحم وسلطه عاديه وبحط فواكه قالت لي ماتقدرين انا اعرفج وتحديتها
تصدقين اول ماشفت الناس قربو يوصلون بدون شعور سرت المطبخ اوني اشيك على كل شي جان اسوي سلطه زياده وام علي وكيكه خخخخخخخخخ يختي مادري امي يمكن متوحمه بالمطبخ يوم حامل فيني
بس اللحين خلاص ماكلف على نفسي وايد اسوي بس بالمعقول
انا بخبرج شيئ بس اخاف تضحكين علي وتتحريني اتمصخر هههه بس فعلا يعني هالشيئ صدق
قبل من زماااااااااااااان يوم كنت صغيررررررر اسمع سوالف الحريم واسمع وحدة تقول حق امي شيئ حرمة ايدها احترقت واول ما احترقت على طول يابو لها زيــــــــــت النارجيل او الي يقولون عنه ( دهن تاتا) .. ويابو ملح وصبو الزيت ع الايد ومع ملح وعقب الحرمة حست بحرقان بسيط بس عقبه تقول خف اثار الحريق بوااااااااااااااااااايد واتعافت بيومين او ثلاث يعني ان الحريق يوم يي ع الجلد بعد 10 دقايق الجلد يتنفخ ويكون داخله ماي ويقول لج لو سويتي هالحركة صبيتي زيت النارجيل ع مكان الحريق قبل هالعشر دقايق وقبل ماينتفخ الجلد .. مستحيل بينتفخ الجلد ومابتحسين بحرقان الا ف لحظة تحطين الملح وعقبه خلاص لا الجلد ينتفخ ولا بتحسين بعوار عقب ماتحطين الزيت
طبعا انا يوم سمعت الكلام ماصدقت لاني انا فيني طبع ان الاشياء الغريبة والعجيبة صعب اصدقها الا لو شفتها بنفسي لان الخرفات وايد خاصة ف علاج الامراض ف صعب اي حد يصدق شي
قلت ف نفسي شوهالخرافة بعد يوم كنت صغير يعني يحطون زيت نارجيل وتروح الحرقان
بعدين يوم من الايام بالغلط كانت الكواية شغالة وجان يدق ايدي عليه وما اسمع الا صوت تششششش ومادري كيف اتذكرت السالفة الي سمعتها عن الزيت جان ايب ع طول زيت نارجيل وحطيت ملح وع طول حطيته مكان الحرقة وعقب حسبت بحرقان تقريبا لمدة 5 دقايق وعقبه اشوف الجلد ماتنفخ لان معروف لو الجلد احترق بينتفخ لكن هالمرة ماتنفخ الجلد ولا حسيت بعوار مستمر يعني ولاجني احترقت خلاص راح العوار من هاك الصوب والجلد بس فيه سواد خفيف وعقب كم يوم بشورايج ان حتى ماترك اثر للحروقة !! وطبعا كذا مرة احترقت وجربت نفس الحركة حطيت زيت نارجيل مع ملح .. نفس النتيجة الي هي ان ماتترك اثر ع الجلد والجلد ماينتفخ من الحرق ,, ويزيل العوار بفترة 10 او 15 دقيقة … لكن بشرط ان لازم تحطين زيت النارجيل والملح ف لحظة الحرق يعني اول ما الشخص يصاب بالحرق على طووووووووووووووووووووول سيدة يحط الزيت مع الملح ع الحرق
على فكرة لازم الشخص يخلي الزيت مع الملح مكان الحرق لين مايروح العوار … لان ف البداية يكون العوار اكثر يوم يحط زيت مع ملح لكن العوار بيخف تدريجيا في خلال 10 دقايق
لين ما خلاص الشخص مابيحس بشيئ .. واعتقد هو الزيت الي يمنع انتفاخ الجلد .. بس الافضل ان يخليه نص ساعة ……………….