السلام عليكم
نظرا للأقبال والمشاركة الكبير لموضوع ايجابيات وسلبيات
اللكزس 570 والاستيشن اليديد دمجت موضوعين في واحد لسهولة الوصول الي الموضوع واهميتة لكثير من الاعضاء
اشكر العضو النشيط المتميز صاحب الموضوعين
العضو
74407
السلام عليكم ورحمة الله وبركاته
الكل يعرف الكزس الفورويل LX 570 وفي هذا الموضوع نبا نطرح شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها
يعني باختصار نبا تقييم شااامل عنها
الي يحب يشارك يتفضل يقول رايه عشان الكل يستفيد من هذا الموضوع
موضوع حلو وحبيت اشارك فيه
عندي في اكس ار من شهر واحد والحمد لله سياره فخمه بمعنى الكلمه
اقوى من الستيشن القديم
اقوى من الفتك
قوي في الرمل
انا قالص يوكن دنالي مغرز على البحر وجني اقلص كرتون ما شاء الله عليه
الراحه مريح وهادي
مع اني بدلت الشفت على الضمان
سياره قيمتها فيها .. سياره عمليه .. وما ندمت اني خذتها .. مع انه اللكزس داخل خاطري لوووول
وعن الانظمه الي فيها
تم الاستغناء عن الهيدرولك والدفلوك بنظام جديد اسمه الزاحف
هذا النظام يساعد السياره انها اطلع عمرها اذا غرزت وبعد تساعدك في الطرق الوعره ما عليك إلا تشغله وهو يقوم بالواجب وانته عليك تمسك الستيرنق
وال جي اكس ار فيه بس دفلوك
السياره بشكل عام محاسنها اكثر من مساوءها
وشكرا
والسموحه
للرفع ——–
شيخي الفضاوه هاي بسبت انه نظام ABS يشتغل…
السياره كملت وياي شهر من خذتها ما اشتكيت منها…لكن الي هب عايبني فيها انها وايد ثجيله فالرمله…
لكن احلى شي فيها انها ثابته في الخط وعزل الصوت فيها احسن عن القبليه ووو ثابته فالمنحنيات…
وعزمها رووووعه…خص يوم تحطها جير عادي
للرفع ——
تسلم اخويه عالمشاركة الطيبة ونتريا الكل يشارك