السلام عليكم ورحمة الله وبركاته
وشحالكم ياجماعة الخير …
ورمضان كريم …
بطبيعة الحال ساعات نحتاج لخدمات هامه وضرورية وننجبر انا نقضيها من اماره اخرى
سؤالي هو : وتحديدا أهل راس الخيمة وأهل أم القيوين
السؤال هو : ماهي الخدمات اللي تتمنى انها تكون متوفره عندك في الاماره ولا انك تذهب من اجلها إلى اماره اخرى
بانتظار المناقشات الجاده
السلام عليكم ورحمة الله وبركاته
مشكورة اختي على الموضوع
مافي خدمات أساسية نحتاجها من امارات ثانية الا وحدة بذكرها لاحقا ..
بشكل عام أنا اشوف في راس الخيمة ما ينقصنا شي أبدا والحمد لله من خدمات أو محلات أو غيره
اللي تزخر بها اماراتنا .. (طلعت برع الموضوع)
صحيح عندنا بطء في الحركة العمرانية ( وهذا شي ايجابي لنا كأهل راس الخيمة) لأن نحب بساطة راس الخيمة بشكل خيالي وما نحب النمو العمراني المتسارع لأنه الحمد لله في امارات ثانية تغنينا عن العمران مثل دبي و بوظبي (نتمنى لهم المزيد بإذن الله ).. الشي الوحيد اللي نتمناه هو المحافظة على الأماكن التراثية
الخدمة الأساسية اللي نتمنى تتوفر عندنا ومهمة جدا هو التنوع في العيادات التخصصية
أحيانا نضطر ندور عيادات خاصة لـ شيئ معين ما نلقاه إلا في دبي أو الشارجة أو بوظبي ..
صحيح زادت عندنا المستشفيات الخاصة لكن أغلبها صار ذات طابع تجاري للأسف ..
مع الشكر
موفق بإذن الله … لك مني أجمل تحية .
السمووحه يا اختي او اخوي
منو قال ان لازم نطلع من امارتنا عشان
التبضع
الموجود عندنا الحيين
اكثر من 5 مراكز تسوق و3 يداد
التنزه
ف الشتا اشووف الناس تودر الدنيا كلها ومطيحه ف عوافي والمزرع
الحديقه المائيه اليديده الي ف مينا العرب 4 اكبر حديقه ف العالم من حيث عدد الالعاب وليس المساحه
ادخلو على مشروع مينا العرب وبتقرون هالمعلومه
ووايد اشياء
الدراسه
بوظبي الي هيه العاصمه ما فيها الا جامعه او جامعتيين حكوميات والباقي خاص
وبحكم عدد السكان شي طبيعي
ودبي نفس الشي
ونحن عندنا كليات التقنيه العليا شباب وبنات
ومن غير الجامعات الخاصه
الاموور الاساسيه
اتمنى توضييح شو المقصوود بالاموور الاساسيه
ــــــــــــــــــــــــــ
ــــــــــــــ
اختي قوافي
اول شي السلام عليكم
انا من دخلت المنتدى وانا معجب بقلمج المبدع
انسانه قمه ف الاحترام والادب والاخلاق بشهاده الجميع
وانا متاكد ان القصد الوحيد من طرح الموضووع هو مساعده او المساهمه في ايجاد الحل لمشكله معينه يعاني منها فئه من الناس
لكن بكل تواضع اقوول
ليس اهل راس الخيمه
لاننا والحمد لله عايشيين ف مستوى لا يقل عن اهل ابوظبي او دبي او الشارقه او اي اماره اخر
يمكن عندنا بعض النواقص لكن حتى دبي الي هيه لؤلؤه الخليج ودانه الدنيا فيها مصايب وليست نواقص
مع احترامي لدبي حكومه وشعبا
مشكله الزحمه
مشكله الباركنات
مشكله الجرائم
..
..
..الخ
اتمنى ان الموضووع يتعدل الي حل المشاكل في امارات الدوله او تنحذف منه اماره راس الخيمه
ف النهايه اتمنى من جمييع الاخوان انهم يتقبلوون رأيي
وانا اسف جدا اذا قلت اي كلمه مش في محلها
واخيرا اسمحيلي اختي قوافي
اخووكم بوميوود
الصراحه عيبني الموضوع بس ما قدرت أشارك لانكم ادري
بالنواقص عندكم ولكن نحن بعد وياكم نشوف من بعيد
الله يعينكم على اشياء وأمور بسيطه لازم تطلعون من امارتكم
وتتجهون الى الامارات الثانيه للتبضع والتنزه والدراسه وامور أساسيه
اعتقد مثل هذه الخدمات فيها مداخيل يعني استثمار وخدمه في نفس الوقت
شو المانع ؟؟