السلام عليكم ياشباب …. من كم يوم طايف في الفريج قريب الساعه 12 الظهر واشوف خدامه طالعه من البيت وشاله طفله عمرها سنتين تقريبا وشاله ايظا فوطه تنظيف عشان تنظف سيارة با باه؟؟؟ فتحت السياره وحطت البنت في السياره وسكرت الباب عليها وزجاج السياره مسكر والسياره واقفه في الشمس ومولعه نار ؟؟؟ وقفت انا وقلت للخدامه طلعي البنت ووديها البيت والخدامه مش فاهمه علي؟؟؟ قمت انا ونزلت من سيارتي وبطلت باب سياره الارباب وطلعت البنت ومحمره من الحر ومتسبحه من العرق وتصيح المسكينه وشلتها على صدري ودقيت باب البيت وربع ساعه ونا واقف تحت ظلة الجدار لين ما طلع لي سبع البرمبه فاتح عين ومسكر الثانيه ؟؟ واول ماشاف بنته قالي جيبها ؟؟ قلت اتفضل هاذي بنتك وخبرته السالفه وبدل ما ينازع الخدامه قام ينازعني ويقولي انته شو دخلك تشل بنتي وتوقف عند بيتي وتظرب الجرس ووعيتني من رقادي؟؟؟؟؟؟ واحسن لك تروح وهاذي اخر مره لك وذا مره ثانيه سويت هالحركه بشتكي عليك في الشرطهّ!!!!!!! شو رايكم بها السالفه وهل انا غلطان في اللي سويته؟؟؟؟؟؟؟ انتظر ردودكم الله يبارك فيكم

37 thoughts on “انقذت طفله من الموت وبغت تستويلي مصيبه؟؟؟ دشو وعطوني رايكم”

  1. اشكرك على فعلتك …
    عن الاب : لو خبرت حد من عياله اذا تعرفهم
    او اهلك يخبرون اهله اذا تقدرون لان الاب من كلامك راسه يابس

  2. الغلط مب عليك طبعا واللي سويته عمل في قمة الانسانية ..
    وردت فعل ابوها المفروض ماتأثر على مبادئك الكريمة واخلاقك العالية اللي ماتسمحلك تشوف شخص يتضرر وتمر مرور الكرام ..

    احييك والله على نشامتك ..
    والأبو الله يهديه

  3. الله يجزيك كل خير .. وفي ميزان حسناتك ..

    ياخوي لا تتريا كلمة شكر من هالأشكال .. أهم شي أنك سويت اللي عليك .. وان شالله في ميزان حسناتك ..

    تحياتي لك عاللي سويته .. وتشكر مرة ثانية .. ويزاك الله كل خير ..

  4. يزاك الله كل خير ..

    اخوية هالزمن محد يقدر اي شي الواحد يسويه ..

    و المثل يقول سو خير و عقه بحرررررررررررر ..

    ما عليك من ابوها .. المهم انك طلعت البنت حليلها ..انت الغريب رحمتها و ابوها عادي عنده !!! شي غريب!!

    في ميزان حسناتك ان شالله

Comments are closed.