:rofl: السلام عليكم جميعا …..
الموضوع وما فيه ..باني انا ابا استشريكم وآخذ آرائكم ومساعدتكم ان امكن ذلك ……
بخصوص موضوع اكمال الدراسه …وان شاء الله نستفيد منكم ومن خبراتكم ……..
انا حاليا عندي شهاده دبلوم دراسات الكمبيوتر (( سنتين فقط )) …..
درستها في كليه الحاسوب بدبي ….والصراحه ما استفدت منها شي غير الانجليزي ……
وانا ناوي اكمل دراستي الجامعيه ….بس اوقات الدوام ما تساعدني ……
يعني انا ابا احد الخيارين هاييلا :
1- ابا كليه تكون في دبي ……يكون فيها تخصص اداره اعمال …او تسويق وعلاقات عامه …..
طبعا ..ما ابغي كليه دبي الجامعيه ….لان الدراسه فيها كلها حيص بيص ….
وماابغي كليه الغرير وجامعه عجمان والشرقه ….لانها وايد بعيده في آخر الدنيا ……….وانا دوامي يخلص الساع 5 ..والمكتب في ديره …
2- ابا كليه او معهد فيه كورسات إداره اعمال ..او تسويق ..او علاقات عامه …..وتكون الدراسه مفيده والشهاده معترفه …….وتكون في دبي …(( فرع ديره )) …..
وشي ثاني …… اذا حد فيكم يقدر ينصحني ….بشو التخصصات اللي الواحد يقدر يستفيد منها في المستقبل اذا درسها احينه …………لاني الصراحه وايد محتار …ابا اكمل الدراسه ..بس ما ابغي ادرس وعقب كمن سنه اندم على دراستي وما استفدت منها شي ..شرات الدبلوم الفاضي ……
وشو رايكم بشهاده ال MCSE
ان شاء الله ما اكون طولت عليكم …..واتمنى ان اي حد عنده معلومه ولو كانت في نظره مب هامه ..بانه لا يبخل فيها ……..لتعم الفائده …..لي ولغيري ……
والسلام ختام …….
نتريا نصائحكم يا حلوين ..:rofl:
مشكورين اخوي عاشق الروح واختي بيزنس وومين ..ع المرور والنصيحه …
ولكن مثل ما تعرفون انتي احينه صعب الواحد يلقى وظيفه في دبي ………فما بالكم في وظيفه حكوميه …. وايد صعب …….واذا مثل قررت اني اقدم اوراقي في دائره حكوميه ….. كم من الوقت يبالك تتريا وتراكض ………وما بتحصل الا اذا عندك كيلو واسطات ……….. وطبعا واسطه عن واسطه تفرق ……..وانا ادري شو اللي يصير في غالبيه الدوائر الحكوميه ومجرب قبل ……..
لذا من المستحيل او شبه المستحيل اني اقدر اغير وظيفتي على هواي …..
يقولون لكم 30 الف عاطل عن العمل في الدوله ……..ما فينا نودر الشغل ها …وعقب نستوي نم قائمه الثلاثين الف عاطل عن العمل ..
وبعدين اختي بزنس وومين ….. لو الواحد بيده كل شي …كان درس وتوظف على كيفه ومزاجه …..
لكن ساعا الظروف والعوامل الخارجيه تؤثر على الشخص في اكمال دراسته …وبعدين بعدني 26 سنه ولا حرمه ولا يهال ……ولاحقين ع الدراسه ……..ما ورانا شي ….:rofl:
انا معاك يالغالي ان الوظايف بالواسطات
لكن صدقني انت اعزم و توكل على الله و خل عندك امل ان ربك ما ينساك
لا تغرك نسبة العاطلين عن العمل
و لو فقط قلت خلني اتوكل ( مب اتواكل ) و تسعى في كل مكان
ربك سبحانه ما ينسى المتوكلين عليه
اعرف وايدين ما تعينوا بواسطة
و مثل ما قالت اختي جلنار
في ناس تتعنى من امارة الى امارة بسبة الدراسة
معاي زميلات في الجامعة يضربن خط من بوظبي لين الشارجة بسبة اكمال الماستر
هذيل مب احسن عنك
الله يوفقك في كل امر تقدم عليه
و اذا حبيت اي استفسار
اخوج بالشوفة
تقبل تحياتي العطرة
اخوي، اذا لقيت جامعة تناسبك في دبي ، سجل فيها ولا يهمك تقول هذي درب ولا آخر الدنيا ، ترى يكفي انها بنفس المدينه وشو ما كانت المسافه، ما بتكون اكثر من الاخوان والخوات الي يطلعون من امارتهم بعد الدوام ويحضرون كلاسات -يوميا- في اماره ثانيه. ترى الي يطلب العلم بيسعى له ويتعب. وكل ها يعتمد اذا كانت الجامعه زينه وتسوى التعب الي بتتعبه عشان تدرس فيها.
ترى اخوي، انا في بوظبي واعرف ناس بنات وشباب، ويتعنون الدرب لين دبي اسبوعيا عسب يتلحقون على دراستهم ، الي في دبي ولا الشارجه ولا عيمان. كل يدور مستقبله ويتعبله.
وانت كونك موجود في دبي ، وهي موجوده في النص من بين الامارات الثانيه، يعني امورك ايسر بوايد عن غيرك.
انت تخير الجامعه بس ، وخلي الباقي على ربك بييسرها لك انشاء الله.
اختك جلنار
مشكورين اخوي عاشق الروح واختي بيزنس وومين ..ع المرور والنصيحه …
ولكن مثل ما تعرفون انتي احينه صعب الواحد يلقى وظيفه في دبي ………فما بالكم في وظيفه حكوميه …. وايد صعب …….واذا مثل قررت اني اقدم اوراقي في دائره حكوميه ….. كم من الوقت يبالك تتريا وتراكض ………وما بتحصل الا اذا عندك كيلو واسطات ……….. وطبعا واسطه عن واسطه تفرق ……..وانا ادري شو اللي يصير في غالبيه الدوائر الحكوميه ومجرب قبل ……..
لذا من المستحيل او شبه المستحيل اني اقدر اغير وظيفتي على هواي …..
يقولون لكم 30 الف عاطل عن العمل في الدوله ……..ما فينا نودر الشغل ها …وعقب نستوي نم قائمه الثلاثين الف عاطل عن العمل ..
وبعدين اختي بزنس وومين ….. لو الواحد بيده كل شي …كان درس وتوظف على كيفه ومزاجه …..
لكن ساعا الظروف والعوامل الخارجيه تؤثر على الشخص في اكمال دراسته …وبعدين بعدني 26 سنه ولا حرمه ولا يهال ……ولاحقين ع الدراسه ……..ما ورانا شي ….:rofl:
انا اول ما قريت موضوعك عبالي تبغي تكمل الماجستير فقلت يمكن انا بعد استفيد من ردود الاعضاء بس طلع الموضوع شي ثاني
يا اخوي انا انصحك بجامعة عجمان حتى هالجامعة احسن من جامعة الشارجة من حيث الدراسة و التكاليف ايضا و الحين مكانهم احسن عن قبل بوايد …..و لكن اعتقد انك لازم تبدا الدراسة من اول و يديد ما اعتقد يعادلون لك ….انت طرش لهم كشف الدرجات مالك و طبعا لازم تدفع عليه رسوم و بعدين بيقولون لك هل بيعادلون لك او لازم تبدا من اول و يديد…..
انا اايد راي الاخ عاشق الروح اذا المكان اللي تشتغل فيه ما بيخلونك تظهر من وقت عشان الدراسة فانصحك تدور على مكان ثاني من الحين و لو دائرة حكومية بيكون افضل عشان تظهر من وقت و يكون عندك وقت اكبر للدراسة…
بالتوفيق
عزيزي قناص دبي :
بداية استميحك عذرا بذكر ما حصل لي و الخيار اولا و اخيرا متروك لك
طبعا كنت موظف ( مساعد عمليات التدريب في الاتصالات ) و كانت شهادتي بكالوريوس ادارة اعمال
و طموحي اكمل دراسات عليا نظرا لتفوقي في الجامعة
طبعا وظيفتي مرموقة و المعاش محترم
لكن !!!
بسبب الطموح ضحيت بهذه الوظيفة و ذلك لأن طبيعة عملي احيانا كثيرة تستلزم التنقل بين الامارات و دوامي يبدأ من السابعة صباحا و لغاية السابعة ليلا
فلا يوجد متسع من الوقت لاكمال الدراسة
مالحل ؟؟؟
على الفور قدمت في اماكن اخرى و لله الحمد تعينت في شرطة دبي ك ………
مع ان الراتب اقل من السابق بحوالي 8 الآف درهم
لم اهتم كثيرا لهذا الأمر
و ذلك لأن الشرطة تشجع على اكمال الدراسات العليا
الزبدة من المثال :
اذا كان طموحك اكمال الدراسة و جعلته هدفا امامك
لا يمنع ان تضحي في وظيفتك اذا كانت طبيعة عملك لا تعطيك وقتا كافيا لاكمال دراستك
طبعا يعتمد اي جامعة تريد الدراسة فيها و اي منطقة تسكن
اذا كنت من دبي فانصحك بجامعة الغرير حتى لو بعيدة عنك ( اخوك من دبي و كنت كل يوم اسير جامعة عيمان في النعيمية سابقا )
بالنسبة للتخصص ليس لدي علم بال Mcse و ادعه لباقي الاخوان كي يردوا عليك
لكن اختر التخصصات التي من خلالها تسطيع التوفيق بين العمل و الدراسة
مع اخذ رأي المقربين منك و صلاة الاستخارة
و الخيار كما ذكرت متروك لك في النهاية
اتمنى ان اكون افدتك ولو بالقليل
تقبل تحياتي العطرة