واتفرفرت واشتريت اغراض عادية يعني موب ذاك الزود يعني كيسة كرز صغيرة و10 حبات كمثرى و10 حبات مانجو وفوط من العادية قوم 19 درهم للمطبخ وحلويات من كل شي 3 سنكرز ومارس وباونتى و5 لبن كول بالحلبة ودبتين من عصير الروابي حجم متوسط والله يعزكم مكنسة العادية مب الكهربا وايس كريم جلكسي 6حبات وشطة عادية و4 اكواب للايس كريم
تخيلو بس هذا السامان طلع ب 513 درهم والله على بالي ب200 وقلت بعد وااايد
يعني لو شارية يونية طحين وخضرة ويونية عيش وشوربات وصلصل وصحون وسوالف رمضان ما ادري بكم يطلع
الصراحة قلت مابسير كااارفور اللولو احسن منه بوااايد طاسة نايلون عادية جدا تنباع ب 8 درهم برع في كارفور تنباع ب 37 درهم تخيلو
صدق نصابين وحرامية
يبالنا نسوي عليهم حملة قوم كارفور وما نشتري من عندهم شي
انا دايما اشتري من ابيلا واترس العربانه يطلع ب200 درهم وهالمرة ما شريت شي وطلع ب513
حبيت احذركم الصراحة اللي بعدة ما اشترا لا يتهور حتى يخطف حوالين كارفور يخوز عن مهبة
الواحد المفروض وقت يشتري شي مب بس يعقه فالعرباانه
يشوف الحايه الي خذاهاا ويشوف سعرها ويخليهاا فباله
وقت يسير محل 2 يسوي نفس الطريقه وجذيه راح يرتاح لمحل معين يحسه انه هو ارخص شي
الأسعار في كارفور المعروضة على الرفوف تختلف عن السعر المطبق في الكاشيير .. دققوا في الفواتير
ترى ساعات يكون الغلط من الكاشير
انا هذيك المره اتشريت وعطتها الفيزا تسحب منها
اتخيلي سحب 4 مرات
وعقب ردولي اياهم
انا عرفت لانه اييني مسج عقب مايشخطون البطاقه واقولها سحبتي 4 مرات اتقول لا
وبعدين كلمت المسؤول ويا ورجعولي فلوسي
أغلى سوبرماركت في الامارات كارفور
مرحبا
وليش ما قريتي الفاتورة وقارنتيها بالسعر النهائي يمكن يكونون زايدين من الكاشير مرات يسوونها
بس لو طلع مب زايدين بالفعل اسعارهم غاليه وايد
طلعه وحده على عيمان واسواق الامارات هناك الصراحة ارخص سوبرماكت شفته في الامارات