السلام عليكم,
يمكن معظم الي ساكنين في بوظبي يعرفون سالفتها.
هذي وحده تشوفونها ادور في المولات ولا الشوارع بس اغلب الاحيان تحصلونها متواجده في المراكز.
تقول انها من المدينه ويايه تعالج ولدها. مره من السحر ومره من السرطان ومره من الخبال. المهم كل يوم قصه عن ولدها. وانها يايه حق الشيخ هاشم ولا هشام ما اعرف منو. ودوم تدعي عليه. ما اعرف ليش.
انا كنت طالع من تويز ار اس الي فالمينا. والظاهر انها شافت رقمي من راس الخيمة فقالت هذا هو.
ويت قالتلي قصتها. كنت اقول هذي هي نفسها الي قصت علي يوم كنت فالمارينا.
قلتلها اختي سيري الجهات المختصه بيساعدونج, ما شي فايده. قلتها عندي هالخمسين درهم خذيهم والله وكيلج.
والله الناس في بلادنا مستعده تساعد ويدورون يساعدون حد, بس امثال هالشحاتين تخلي الواحد يسأل عمره الف سؤال قبل لا يعطي. هم بالطريقه هاي يخربون عالمحتاجين صدق.
عن ابن عمر -رضي الله عنهما- قال: قال رسول الله -صلى الله عليه وسلم-: (( لا يزال الرجل يسأل الناس، حتى يأتي يوم القيامة وليس في وجهه مزعة لحم )) متفق عليه
وعن أبي هريرة -رضي الله عنه- قال: قال رسول الله -صلى الله عليه وسلم-: (( من سأل الناس أموالهم تكثرا، فإنما يسأل جمرا، فليستقل أو ليستكثر )) رواه مسلم.
هنا المشكله, مجهزين الجواب حق الجمعيات وغيرها. لما قلتلها سيري الجهات المختصه, قالت سرت وما سوو شي واتريي كم يوم. يعني الجواب جاهز.
احسن شي عن تتصدق عالي تعرفه فقير او عن طريق الجمعيات الخيريه.
وانا دايما أشوف حرمة عودة خاله تلبس برقع تيلس عند محل عاشوق اللي في رأس الخيمة واتييب وياها يهال صغار وتمد ايدها للناس تطلب بس ما ادري شو ظروفها !!
يدعي انه يبحث عن عمل وانه يشتغل الشي الفلاني
وتجلس معه وعند انتهاء الجلسه يقول لك يا خوي ان لسه مجدد فيزة الزيارة …
يا رايت تساعدني واذا تب جواز ي ضمان بعطيك…
موقف حدث لي وقص على
الحرمة نفسها يتني صوووب المارينا قت لها يا ختي محد يشل وياه كااااش احينه ،، اذا بتترين اخلص مشاويري واسحب بيزات فالج طيب ،، وبعد كم يوووم حصلتها عند مستشفى خليفة واخر مره في كارفووور شاااارع المطااار ،،
بصراحه هالاشكااال ما تنعطى ويه والله واذا حابين تتصدقووون عندكم الهلال الاحمر او الوقف الخيري