السلام عليكم ورحمه الله وبركاته
انا عندي نظريه في الاقتصاد… النظريه تقول ان اذا ارتفعت اسعار البترول في الدوله بشكل متواصل ووصلت ارقام خياليه فأن اسعار السلع ما راح ترتفع بشكل كبير بنفس وتيره ارتفاع سعر البترول…
السبب في اعتقادي ان الناس راح تتدفع مبالغ اكثر للبترول من كيكه الراتب الاجماليه … وهذا يعني ان الفلوس في جيب المستهلكين راح تقل واستهلاكهم بشكل عام راح يقل في شراء السلع … ومعروف في الاقتصاد اذا قل الطلب على شي سعره ينزل لان محد عنده فلوس يشتري !
هذا يعني ان مبيعات السيارات في الدوله راح تقل ومبيعات المحلات التجاريه راح تنخفض ومبيعات كل شي في الدوله بشكل عام راح تقل لان الناس ماعندهم فلوس نفس السابق …
شيش البترول تعتبر مثل المكنسه الكهربائيه الي تشفط بدون رحمه من كل الناس …
ايضا البنوك ما راح تمول المستهلكين في شراء البيوت و السيارات وراح يقتصر التمويل على شرائح معينه من المجتمع …
ايضا من الاشياء الي تتدعم كلامي بشكل عام ان اسعار البترول في الولايات المتحده اعلى منا بكثير لاكن اسعار السلع عندهم معقوله ومش مبالغ فيها !
انا صراحه ما اعتقد التجار راح يقدرون يرفعون الاسعار اكثر اذا كان محد يشتري من عندهم …
في النهايه الاسعار كلها بتنزل من عقارات و سيارات و مواد استهلاكيه مع ارتفاع البترول
وحتى الاسهم بتنزل 
وحتى اسعار الاتصالات
وحتى البيض في الجمعيه
وسيارات 6 و 8 سلندر بتقل
تحياتي للجميع
حتى لو مايزيد سعر البترول تراهم كل فتره نقزو وزيدو الاسعار والناس مايهمها تشتري..
وليش ماتبونهم يشترون لي عنده خير خلا ياخذ لكن الفقير له الله..
الناس بعدها متخدره لان الكل يقلد الثاني ولو ديون الدنيا ع ظهره ..خلا حد ياخذ موتر صغيرون ..بيقطعونه تقطيع وبيشكون فيه هل هو مواطن ولا لاء!!!! شوفو لاي مستوى وصلنا!
لكن بيي يوم والناس بتحاسب على كل فلس تصرفه حالها حال الغير-اللي نشوفهم عايشين ويانا ويحاسبون لـــليوم و لـــباجرر
اذا السمبوسه واللي هيه السمبوسه وصلوها درهم ونص. مع معاناه كل حبه من سوء التغذيه والجفاف.
الله يعينا عالباجي.
وبخصوص كلامك يا خويه…امـــــــــــــــــــــين الله يسمع منك.
هذه وجهة نظر منطقيه ولكن انته نسيت اننا استثناء ودائما اللذي يحدث عندنا غير منطقي ولايوجد حمايه للمستهلك حقيقه مثل
امريكا السوق عندنا فوضى وزارة الاقتصاد تدعي انها وحدت الاسعار وانها تقوم بواجبها من مراقبه وتحديد الاسعار ولكن الواقع
مخالف تماما المستهلكون يلمسون تزايد ارتفاع الاسعار بجميع الاسواق ……اتمنى ان يكون كلامك صحيحا ولكن كالعاده دائما
افاجئ باشياء عندنا لاتتطابق مع القوانين الاقتصاديه والمنطق.. اكبر مثال اننا دوله مصدره للنفط ومن المنطقي ان يكون سعر
البترول عندنا رخيص ولكن لاسباب لانعلمها المنطق والقوانين الاقتصاديه لم تفيدنا في هذه القضية……
و عليكم السلام ورحمة الله وبركاته
وجهت نظر طيبه منك يالغالي وعسى الله يسمع منك