السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..
والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..
2- يتم الاتفاق على العربون و الجزء المدفوع مقدما ..
3- اشحن له موتره .. و اول ما يستلمه يدفع باقي المبلغ ..
4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..
والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..
الطلب راح يكون على حسب ما تبون .. اي نوع من المواتر ..
مزراتي
مرسيدس
بي ام .. اي شي في خاطركم انشالله يكون متوفر ..
السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..
الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …
One-person
للرفــــــــــــــــــــــــــــــــــــــــــــــ ــــــــــــع
السلام عليكم
56 الف درهم واصله البلاد هاي ..
والسموحة اخويه
وترى اخوي في واااااااايد مواتر ..
اذا انته جاد و عجبك متوسط السعر الي عطيتك اياه .. اقدر اراويك الاختيارات الي عندك و نتفق انشالله
والسموحة منك
ملاحظة مهمة .
شباب بليز الي مو جاد فالموظوع و ما يبي يشتري بس يبي يشوف سعر الموتر كم في امريكا
بليييييييز يخبرني .. لانه وايد شباب يسالون و عقب لما اقعد ربع ساعه ادور لهم و احسبلهم حتى ما يردون علي !!!
يعني انا ماريد اظيع وقتي مع اي حد مو جاد بس يتطمش ..
بليز شباب اتمنى الجديه فالموظوع ..
الي ما يبا يشتري يدعو دعوه حلوة و يتوكل ..
والسموحة
ابا كورفيت كلاسيك موديل 1981 او 1980 او 1982 بشرط النظافه شوفيليه بكم واصلة موانئ الدوله واذا شي صور للسيارة يكون احسن …
افا عليك ياخويه … نشتغل ترانا ..
في الانتظار ياخويه