السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. بغيت استفسر عن
    Mercedes-Benz S-Class S65 or S63

    اللون الخارجي أبيض والداخلي بيج
    موديل 2008 ونظيفه بدون دعمات وماتكون غرقانه
    وتكون ماشيه شوي

    والله يوفقكم

    السلام عليك اخويه .. بالنسبه للاس 63 2008 ابيظ من داخل بيج .. ماشيه 3500 مايل تقريبا

    سعرها

    489,000 تقريبا

    شامل السعر كل شي ..

    ولو انك ما حددت اللون ممكن يتغير السعر شوي .. ها سعر تقريبي على مواصفاتك ..

    وهاي بعظ الصور للموتر

    للاسف ما في صور من داخل ..

    والاس 65

    لقيت وحده ابيظ من داخل بيج

    ماشيه 6400 مايل تقريبا

    749 الف تقريبا شامل كل شي ..

    ومثل ما قلتلك لانك محدد اللون السعر ما فيه مجال وايد انه ينزل لانهم محدودات الي بهاللون

    لو غيرت الالوان ممكن يتغير السعر ..

    وهاي صوره من برع

    والسموحة اخوي


  2. ممكن اعرف سعر cL65 2008
    واللون ابيض او ذهبي
    وماتكون ماشيه وايد
    ونظيفه بدون حوادث ولا اي شي

    هلا اخوي ..

    للاسف السي ال 65 ما لقيت ولا وحده بيظا 2008 ..

    هاي فظيه .. 2008 ماشيه 3000 مايل تقريبا .. .. و نظيفة

    من داخل بيج ..

    سعرها 819الاف تقريبا شامل كل شي

    وهاي بعظ الصور

    انزين و هاي السودا ..

    749 الف تقريبا شاااااااامله كل شي .. واصله البلاد ..

    ماشيه 1500 مايل بس نظيييييييفة ..

    وهاي بعظ الصور لها

    من داخل سودا ..

    وعن ال 2009 ..
    889     الف درهم
    بيظا من داخل اسود
    2009 ما ماشيه غير 20 مايل ….

    شامله كل شي …

    وهاي صورة الوكالة

  5. اريد سيارة Nissan gtr 2008 واي لون شرط يكون من داخل اسود كم بيكون سعره ..

    * ملاحظه: لو سمحت اخوي اذا كنت بتاخذ السيارة عن طريق ebay او موقع autotrader لا اتعب عمرك لاني شيك على الاسعار يكتبون سعر معين ويوم نتصلهم يطلب الديلر 10الف دورلار زيادة على سعر السيارة والسبب انه السيارة غير متوفرة فالوكاله ..

Comments are closed.