السلام عليكم ورحمه الله وبركاته…
مساكم الله بالخير والسرور…
الغالين اريد اخذ سياره للمدينه وبعض الاحيان ضرب الخطوط ليس بشكل دائم…
حصلت سياره مستعمله موديل 2007 وسعرها مناسب وحلو…
السياره امريكيه من شركه كرايسلر ((اخت كرايسلر الكبيره السبورت))…
6 سلندر والمكينه 2.7 وهاي صوره السياره…
الي عنده خبره فيها او يعرف عنها ياريت يفيدنا والي يرحم والديكم…
بارك الله فيكم…
نصيحة لاتاخذ كرايسلر
خذ لك كورلا قديمة
ولا
وتاخذ هالسيارة وكالة
قطع غيار ضو
القير دايم الخراب
لايغرك السعر الرخيص
تراة بيطلع منك خلاف
على قول الشواب
اللي يسترخص اللحم تخونة المرقة
ومثل ثاني
لو فية خير ماعافة الطير
لو السيارة زينة وماتحصل سعرها جية طايح
الله يرزقك بالسيارة الزينة الحشيمة اللي تسلمك من كل شر
اخوي نصيحة نصيحة امريكي مستعمله لا تاخذ ..
موتر اوكيه لا باس فيه لكن قطع غياره غالية
هالسيارة انا استخدمتها في قطر (الدوحة) لمده 4 ايام (مال ايجار )
رايي الشخصي انها سيارة حلوة للمدينة من ناحية السواقة افضل من الكامري اليديده … لكن عالخط رحت فيها من الدوحة للوكرة الصراحة تمشي الحال (خفيفه و تلعب وايد فالهوا و صوت المكينة حشرة اذا مسرع فوق 150..) لكن للمدينة و السرعات اقل من 100كم انا اشوفها حلوة ..
خلال 4 ايام قطعت حوالي 450 كيلو على خزان واحد .. (250 كيلو داخل المدينة وتقريبا 200 كيلو خطوط خارجية)
مع احترامي للآراء الباقية