السلام عليكم ورحمه وبركاته
حياكم الله
ياجماعه الي جرب الايلس ياليت يخبرنا عن تجاربه شو الاخطاء الي طاح فيها يخبرنا علشان نجنبه هل هو سهل ولا صعب انا احسه صعب خاصه اللاستماع (ليسنغ)ان شاء الله تسهل لي الامور عقب بس خبرونا عن شو تحدثتو بالسبيكينغ
الريدنغ كيف نستغل وقتنا فيه لانه الكل يشتكي الوقت مايكفي
انتظر تفاعلكم وردودكم
انا سويت الاثنين و نجحت فيهم الاثنين
لاكن التوفل بالنسبه لي كان اسهل لنه اميركي .. اما الايلس استرالي ..
الدرجات فالايلس احسن لنهم ياخذون المعدل اما التوفل ماياخذون المعدل بس يجمعون الدرجات الي يبتييها ..
اختي royal ad كفت و وفت الصراحه
بالتوفيق انشالله ..
انا جربت الاثنين اجوف الاسهل الايلس واحس التوفل بس حط دواوير يعني اي كلام مجرد راي ^_^
على حسب المكان الي بتقدمين فيه وكم المطلوب منك
بس على مستوى الجامعه الأسهل الأيلتس معروف ها الشي من ناحية الدراسه والتركيز
سؤال………. شو الأسهل التوفل والا الايلس ومنو جرب الاثنين؟
السلام عليكم …
اختيه الآيلس اهم شي فيه.. تكونين مركزه.. بغض النظر الوقت طويل او قصير..
لو تركزين على الي مطلوب بتحلين سالفة الوقت..
ثاني شي.. ماعرف ليش الكل يحس انه الآيلس امتحان قمه في الصعوبه .؟؟؟؟
اللسننج.. بيكون سهل ومفهووم ….. ولكن ,, المفرووض تركزين مع الي يرمس يعني مش انتي سرحانه في الرسمه الي جدامج أو الكلمه الي تقرينها وهو يالس يرمس يرمس.. بتكونين ضيعتي وايد عليج..
قبل كل بارت ف اللسننج بيعطونكم دقيقه او ثنتين تقرون الاسئله .. وانتي خطّفي عليهن ع السريع.. والي تحسين انه جوابه بيكون رقم حطي حذاه علامة # والي تحسين سنه أو عمر اكتبي ملاحظه عنده…و اذا تحسين انه مكان او بلاد اكتبي place حتى لو بالعربي بالرصاص ع السريع عشان بس يوضح لج يوم هو يرمس تلقطين الرمسه منه ..
ولو ضاع عليج سؤال لا اتمين معلقه عليه خطّفي .. الي عقبه.. عشان ما يضيع عليج الباجي.. و يوم بتخلصين البارت.. حاولي من فهمج انج تكتبين السؤال الي ماعرفتيه لا تخلين شي فاضي…
بخصوص الريدنج.. اعتقد ثلاث قطع وعليهن اسئله.. القطعه الاولى طويله والثانيه طويله نوعا ما.. والثالثه سهله دايما يخلون فيها تخطيط او شي بسيط ..
ف الريدينج انصحج نصيحه.. اقري الاسئله ع السريييييع .. وعقب ردي واقري القطعه كاااااامل.. اذا في كلمه ماعرفتيها..حاولي تيبين لها معنى منطقي يعني لا تعلّقين عليها وترتبكين لأنج ماعرفتيها هالكلمه ..
في سؤال دايما يحطونه ويكتبون الكلمات بالبووولد او الخط العريض ف القطعه الي هو This refers to what ولا is .. هالسؤال.. شوفي القطعه ودوري فيها هالكلمه بيكونون هم قايلين الكم اي سطر او ف اي بارت..
شوفي من بعد آخر نقطه انكتبت.. قبل الكلمه الي يبونها بيكون الجواب.. حللي عاد انتي ودوريها..
اسئلة multi choice الاختيااري..
الي تشكين انها مالها خص اشطبيها .. واذا تميتي تفكرين ومحتاره بين 2. ردي اقري البرجراف او المقطع الي تحسين انه له خص.
شوفي دايما يكون أول جمله من بعد كل نقطه أو أول جمله من كل سطر يديد.. تكون هي اساس الفقره كامل.. يعني اقري الهد لاينز اذا ماعرفتي وين الجواب حاولي تشوفين شو الي اقرب للموضوع اذا ما فهمتي هو عن شووه..وهو غالبا ما اييبون مواضيع بايخه !! فضاء اكتشافات .. اختراعات .. اطباء.. جيه !! ..
في الراااااااااااااايتنج……… اسهللللللللللللللللل شي اعتبره لأنه هالشي الوحيد الي تقدرين تكتبين فيه وافكارج ما تكون خاطئه يعني عادي تنقعين من عندج وتألفين.. بس لازم تمشين على Roles التصحيح الي بيصححونه
هم بيحاسبونج أول شي.. على
بيكون عندكم براجرافين اعتقد.. كل واحد فيهم 200 او 250 كلمه !
لازم تقسّم البرجراف حق 3 اجزاء..
الـ Introduction, Body and Conclusion ..
المقدمه.. المحتوى الي هو الموضوع نفسه.. والخاتمه..
المقدمه كيف نبداها.. لازم يكون جمله مفيده مش شي ماله خص.. يعني مثلن لو بنكتب عن الجمل..مش على طول تقول الجمل والجمل والجمل ..
لازم اول شي نقول انه في وايد مخلوقات تعيش في الصحراء.. و تعتمد على نفسها في المعيشه حتى لو ماكان عندها شي.. ومن هذه الحيوانات..<< الجمل
عقب نكتب..واحد من هالثنين
This essay will discuss
This Essay will talk about
ونكتب بالمختصر يعني جمله في سطر واحد..
ملاحظه..
يوم نكتب الانترودكشن..لازم نراعي شي .. لنه هالشي بيحاسبونا عليه ..
أول سطر تكتبين فيه.. خلي مسافة كلمه وابداي اكتبي .. والسطر الي بعده .. ابدي من اول السطر.. نفس جيه
__________
_______________
عقب ما تخلصين البدايه .. تحطين نقطه.. وتبدين فقره يديده عقب سطر فاضي…. الي هي بنفس الطريقه تخليين فراغ شوي وتبدين تكتبين عن الموضوع..
الموضوع لو كان عن الـ advantage and dis advantage لازم اول شي تكتبين الايجابيات كلهن.. وعقب تكتبين السلبيات ..
اخر شي الي هو الكنكلووجن.. تقدرين تكتبين فيه وجهة نظرج أو حلول للموضوع.. بس بطريقه مختصره .. ولا تنسين ما تبدين الكنكلووجن من اول السطر ..
بالنسبه لو كان شي Similarities or Differences أول شي تكتبنه السيميلارتيز الي هن نقط التشابه .. وعقب تكتبين الاختلافات واخر شي تكتبين وجهة نظرج نفس جي
As You Can see The Differences are More than The similarites , Thats Telling us that …….
وتكملين .. أو العكس مب شرط يكونن الاختلافات اكثر من التشابه ..
بخصوووص ال ال ال ال ال.. ادوات الربط..
استخدمي اي أداة ربط بس لااااااااااااااااااا تكررينها لنه لو كررتيها اكثر من مره ولا مرتين هني بيتأكد الي يقرى الموضوع انج مش حافظه غيرها..
نفس ..
On The Other Hand
However
although
even
Over All >> هذي تنكتب اول جمله في الخاتمه ..
First of all <<هذي تنكتب اول ال Body
Finally … قبل لا نختم الBody ينفع نحطها
وهذا بخصوص المواضيع..
ماعرف كيف شرحت بس اتمنى انه حد يستفيد من الي قلته..
انا ما فصلت بالتفصيل بس هذا اهم شي انسويه فكل امتحان ..
واذا كان شي سبيكنج .. لا تتكلمين بصفة العامّه ..يعني لو قالولج شو رايج في دار المسنين.. لا تقولين الناس تودي والناس والناس والناس قولي انا فنظريه انه هالشي وهالشي.. و هذا يؤدي إلى… وخبريهم العوامل وانه الشي يرتبط فدينا.. ولا تسكتين لنه لو سكتي لحظه بيقول ما تعرف كيف اتعبّر………
ولو شي زياده تبين تعرفينه اسإلينيه وبجاوبج..
.. !! والله يوفقج ان شاء الله ..
مثل ما قتلج لا تلتهين ف الامتحان وركّزي التركيز اهم شي..
راسيه جيّم لوووووووووول ..
السموحه