اللي يتابع قناه ابوظبي يشوف انه مالها خص بالامارات لعده اسباب منها
- اكثر برامجها اخباريه
- قله الاعمال المحليه
- المسلسات المحليه بس تنعرض في رمضان وبعدين خبر كان
- لا توجد برامج عن فعاليات في الامارات ولا اي اخبار محليه
وغير ذلك في العيد الوطني لا شفنا اي تعديل على لوجو القناه او اي اعلانات عن العيد الوطني ولا عن الامارات عكس اللي نشوفه من قنوات الكويت ولا عمان ولا دبي
هذا راي وقد يحتمل الخطا والصواب
شارك برايك
وياليت حد من الاخوان من الامارات للاعلام يوصل ملاحظاتنا
من متى وانا ماشوف هالقناه
الصراحه ولاشي فيها يسوى انك تشوفه
واللي يقهر اونهم ايبون مذيعين اول مرة اشوفهم ويبون يسوون برامج نقاشيه شرات قناه الجزيرة والعربيه … ولاضبطت وياهم
والشي اللي يخلي الواحد يكره يشوف هالقناه الجرافيكس الممل .. جنه واحد مسونه في الباور بوينت
ولا تعال شوف برنامج السياير يايبين وحده ماعندها سالفه اونها تقدم برنامج سياير
كل يوم مركبينها سيارة عمرها ماحلمت تركبها .. ولا لها خص… وماعندهم غير هالمذيعه كل البرامج هي تقدمها …. مب حاله… ولا حد في القناه يقربلها
وغير هايج اللي اللي ذلونا فيها اونه برنامج سياحه ومادري شو الفايده منه … وكل يوم مودينها مكان ليش يعني.
البرنامج اللي كنت احب اشوفه وكان من قناه الامارات ومادري بعده ينعرض ولا خلاص
هو برنامج قصه مكان واللي يقدمه مذيع متميز برأيي (بن خدوم)
والله يعين
قناه بوظبي لديها من الموارد البشريه والتقنيه المؤهله والمميزه
بس المشكله والي لاحظته انه ما شي هدف معين وما فيه افكار
المدير شوه ذنبه اذا الناس الي عنده وافدين ويحاولون يخلقون تراثهم في القناه ؟؟؟
القناه محتاجه افكاركم ومقترحاتكم كمواطنين حاولوا تراسلون مدير القناه
سما دبي على سبيل المثال عندما غامر السيد عبد اللطيف القرقاوي ووضع جميع المواطنين امرتهم تحت القناه وتكاتف احمد المنصوري مع زملائه المواطنين والوافدين لاعاده هيكله القناه لتكون لها رساله انه موجهه للاماراتين في جميع برامجها وهاهي اليوم وصلت للعالميه وليست فقط محليه وشعارها (( اماراتي وافتخر ))
تعاتبون القناه … عاتبو المدير …. منو المسؤول …
لا تكمل .. لا تكمل .. دخيلك تابع سما دبي !
قناة ابوظبي و لا قناة بيروت اعتقد اسمها الصحيح قناة بيروت الفضائيه