السلام عليكم ورحمة الله وبركاته
شحالكم يا اخواني عساكم طيبين
انا اباكم تحكمــون قبل لا اتصرف تصرف غلط وابا احلها ودياً قبل لا اقلبها مشاكل لاني ولد ناس ومتربي والغلــط ما طب له باب
الموضـــوع : اتفاق بودي كيت
تم في يوم : 02-03-2011, 09:01 PM
الاتفـــاق مع العضــو : النجم الذهبي [ بشار ]
في موضوع
على تركيب فول بودي كيت + تنجيد داخلي
وتم في يوم : 
05-03-2011, 07:52 AM
ارسال السيــاره الى الشارقه بريكفري واستلام السياره
صوره
تم استلام السياره وتحويل مبلغ وقدره 3000 درهم كعربون ..
وفي يوم :
تم اصلاح المشــاكل وتوقفت السيــاره
اتصل لي العضو النجم الذهبي عساس ان الشريك تضارب وياه
وتأجل الموضوع لأسبوعين ، على حسب كلامه ، لكن تأجل الموضوع لأكثر من اسبوع
والوعود والكلام
اخوي العضو النجم الذهبي
جاوبني على الاسئله :
1- ماهي علاقتك بالكراج ؟
2- لماذا الاسعــار كانت اكثر من سعر الكراج ؟
3- لماذا كانت السياره مستخدمه من قبلك ؟ 1200 ميل !!!
4- علل سبب التأخير الفادح والاهمال بالسياره ؟
اتمنى ان تشوفون موضوعي ويرد عليه بالاسئله كامله .. واتمنى واتمنى انكم توجهوني وين اسير وين اروح وشو اسوي ، لان موتري انفر فر الكلااااااااااب ..
حبيت اخذ رأيكم فالموضوع واتمنى توجهوني
شفته البلديه حاطين ستكرات
المـــــــــــــوضوع كله على صوب وسالفة 1200 ميل على صوب ثاني
يارجل وين سرت بموتر الريال بمسافة 1200 ميل ساير تعتمر مثلا …..
اتمنى من العضو النجم الذهبي تبرير موقفه في الموضوع لان السكوت عنه يدل على …………….!!!
وجاااري الانتظار
جاري الانتظار
للعضو النجم الذهبي لتبرير الموقف والدفاع عن نفسه
حبيت احط مداخله فالموضوع
وياليت لو تتقبل كلامي من غير زعل
طرشت سيارتك من مكانك لين الشارجه عند الاخ النجم الذهبي
على اي اساس وفي اي صفه في سابق معرفه يعني هالريال تتعامل وياه من سنين
والا تعرفه زين والا من الاهل والا بس حط موضوع تزويد شليت موترك وحطيته على ريكوفري ويالله
طبعا كلامي مافيه اساءه للاخ النجم الذهبي وهو مطالب انه يبرر هالخطا للكل حتى ما تتشوه صورته
اقصد بكلامي الوضع العام يعني ريال يكتب انه عندي كراج واسعاره مناسبه جدا مش دافع بانه نعطيه كل الثقه ونطرش
سياييرنا مع العلم انا متاكد في البعض يطرشون مواترهم من غير معرفة مكان الكراج وين وهني الخطا
لو سرت الكراج بروحك وتفاهمت مع المسؤوول هناك وعرفت منه تفاصيل الامور وسلمت السياره بنفسك صدقني ما بتتعرض
لهالموقف ولو تعرضت هذيج الساعه لهالموقف من حقك انك توصلها وين ما تبغي وتاخذ حقك غصب
لانكون معتمدين عالغير بكل الامور الصغيره والكبيره ولا تكون لقمة سهله بحلج كل حد وعقب نتلوم ونقول صار هالتقصير
قول الحمد الله ومحد يتعلم ببلاش
واتمنى انك ما زعلت من كلامي وتفهمته بالصوره الصحيحه
ولي عوده وبانتظار الاخ النجم الذهبي
ممكن يكون للتأخير وعدم إصلاح السياره اسباب بس 1200 ميل شو أسبابها ؟
دووم بعض الوافدين للأسف يستغلون طيبة المواطن