السلام عليكم و رحمه الله
انا باكتب تجربة مع الميزان الوطني في مصفح (و مع الاثنين اللي في الزاوية العود و القديم اللي في نفس الشارع )
المحل طبعا غني عن التعريف لتغيير التواير او تصليح الرنجااات
انا بكتب و انتو حكموا عساس ماحد يقول ظلمتهم ولا شي لاسمح الله
رحنا نغير تواير كامله عند الميزان و كان اثنين من الرنجات فيهم عوي من الاطراف
و للاسف نحن كنا مضطرين لان بنشر مفاجئ للتايرين بطريقة غريبه فما كنا نقدر ندور على افضل العروض و هو استغل هالشي
المهم قالنا بيصلح الرنج الواحد بـ 700 درهم >>> شوووووو
و طبعن الاثنين بـ 1400
بعد محاولات قال خلاص عشانكم 600 والله ان يلسنا ساعه عشان بس ينزل هالميتين درهم و حلف الله ان عسى هو و امه يفترقون ان لو سرنا المحل الثاني الميزان الوطني الكبير اللي على الزاوية ما بيصلحهم اقل عن 1000 درهم ؟ ؟ ؟ ؟ ؟ لا و يالس يقول حبيبي نحن معروووفين في الدولة و صارلنا مادري كم سنه و سمعتنا عال العال و هالخرابيط
و كنا بناخذ تواير مقاس 19 بييرللي بـ 5400 حسبهم بعد المكاسره طبعا
قلناله اتريى بنفكر
المهم صدفه يا واحد من الربع و قال تعالوا بناخذ الرنجات و بنداور و لفينا على كم واحد كلها خراطه و لحام و كلهم قالوا لا ما بيستوي لان الرنج مادري شو نوعه يعني خفيف و جي و عند الميزان بآلة هيدروليك
المهم مرينا على الميزان الوطني اللي على اخر الشارع (العود) في الزاوية
و عطيناه الرنجات و ما مرت 10 دقايق و اتفقنا انه بيصلحهم بـ 650 للإثنين تخيلوا !!! ؟ و حسب لنا التواير 5600 ؟
مع العلم ان المحل الاول اللي هو فرع له كان بيعطينى التواير 5400 و الرنجات بـ 1200 و بيصلح الرنجات في نفس الفرع اللي سرناله و قال ب650 بيصلح الاثنين ؟؟؟؟؟؟
لا و المسؤول الثاني قلناله توه الحين قالوا لنا ب5400 قال لا مستحيل اكيد هذا ايراني و مغشوش و مادري شو اخر شي اكتشفوا انه المحل فرع لهم انطمو و لا قالوا كلمة وحده
يعني الزبـدة
الميزان الوطني اللي داخل (القديم )
تواير 19 بيريللي 5400
تصليح رنجات الواحد 600 و المجموع 1200 للإثنين (مع العلم انه كان بيطرش الرنجات للفرع اليديد اللي سرناله عقب )
الميزان الوطني اللي في الزاوية (اليديد)
تواير 19 بيريللي 5600 و ما طاع خير شر ينقص و لو درهم
تصليح الرنجات الواحد 325 و المجموع 650 للإثنين
اخر شي خذينا التواير من القديم و الرنجات تعدلن من اليديد خخخخخخخ
طبعا سرنا الوكالة و ذلوووونا ذل و اخر شي مافي تواير
و كتبت هالتجربه حتى اوضح الاستغلال الواضح و طريقة النصب في عز الشمس
و فالاخير والله ما تدري وين تسير و تأتمن
بالفعل القضية الأساسية قضية وعي المستهلك .. وإدراكه ..
عالعموم هذه وجهات نظر مختلفة .. و مثل هذه الأمور ما تنأخذ بمقاييس مبنية على أسس عاطفية ..
ولا شاطرين ولا ياتهم الشطارة كله نصب فنصب
مثلا الاخ اللي كان يقصد ان الفحص والسلامة طلبو منه تقرير شاصي من الميزان الوطني
لو سار ودور عالجهاز اللي يسوي الفحص فمصفح بيحصل وايد
( ورشة التوئمين ورشة نظام ) ب 150 درهم
المشكلة مشكلة وعي المستهلك وكسله انه يبحث عن الافضل
والا هالاشكال انا اتمنى انهم يسفرونهم خارج الدولة ما يدخل منهم حد ابدا
في البداية حاب أقول شي بالمنتدى .. أن السب والتشهير و الإتهام لأي منشأة تعمل في الدولة قد يعرض للمسؤولية القانونية .
شوف الموضوع متشعب شوي .. بس من خلال وجهة نظري أقدر أقول أن المحلين .. بإدارتين مختلفتين .. وبالنهاية المالك واحد ..بس كل محل يمكن عنده حساب معين .. وميزانية مالية معينة ونسبة مبيعات ونسبة تصليحات .. وغيرها لذلك فيه نوع من المنافسة الداخلية بينهم ..
بالنسبة للميزان الوطني .. الفرع الصغير ما تعاملت معه أبداً
أما الفرع الرئيسي .. اللي على الزاوية تعاملت كذا مرة معه ..
شخصياً وعلى مستوى النفسي .. أكره التعامل معهم كأشخاص من إدارة و فنيين لأنهم متعجرفين .. بس ما ألومهم لأن عندهم حركة قوية .. وضغط عمل .. بس أشوى من الإيرانيين ..
ولا تنسى مستوردين الإطارات الكبار مثل ميشلان وبريدجستون ودنلوب وغيرهم راضيين عليهم ويقدمون لهم الدعم
أما على مستوى العمل .. بصراحة .. الجماعة شاطرين .. وهذا كلام أنا مسؤول عنه لأن جربتهم بكذا مسالة وهم قدروا يحلوها ..
الميزان الوطني حرامي عود
و المشكله مرور بوظبي (الفحص الفني) يقولك يبلنا ورقه فحص من الميزان الوطني يعني هو مستغل هالشي و صلحت الموتر حول ال٨٠٠ او ٩٠٠ و اخر شي رسبت الفحص يوم رديتله يرمسني من خشمه و يعطيني ظهره و يروح
قله ادب ياريال
معروف وما يحتاي تكتب عنه
أنا مرة سرت له كنت بسوي ميزانية رود والسيارة سبورت
طبعاً ركب الجهاز وقال : أوف أوف أوف ومن هالحركات
قالي بتكلفك الميزانية 700 درهم
قلت له شل جهازك وطلع السيارة
وديتها الوكالة وحصلت عندهم نفس الجهاز
وسوا ميزانية الرود بعد الخصم بــــ …
200 درهم