اليوم وانا اجلب في اوراقي وشهايدي شفت رسائل التعين للداوائر الي اتعين فيها من بينهم اول دائره اشتغل فيها.
من شفت الاوفر ليتر ذكرت شو هببت في المقابله ^_^ الصراحه ويهي ايعورني يوم اذكر هاليوم بس بقولكم شو استوى بس اشوي اشوي علي وقناص الله ايخليك لا تحرق لي ويهي اكثر
المهم ايقولكم الاخت توها امخلصا امتحان الفاينل وراحت المكتبه عسب اترتب اوراقها وما خلت مكان إلا وهي امقدمه فيه.
عقب اسبوع اتصلو فيه اكثر من دائره ، شرطه دبي، الجمارك، دوبال، الإتصالات ومجلس الإعمال
طبعا اول دائره رحت لها وسويت انترفيو مذكوره فوق(خمنو)، كنت اول وحده وزايغه ما عندي خبره بطني ايعوروي والدقيقه ابساعه، المهم زقروني ودشيت القاعه ويا مكبر الطاوله شفت حرمه وريال كان يرمس في الموبال وجان اتقولي الحرمه اتفضلي ثواني والمدير العام بي، طبعا يحليلي انا ما اعرف هاييل امنو وشو شغلتهم ورمست الحرمه عادي فرندلي (يحليلي على نياتي ) شو اخبارج، شو اتسوين، وين قدمتي، في حد زقرج، هل هاي اول مقابله لج، المهم لي ما يا المدير العام وعقبها بدت المقابله،
الريال الي كان يرمس في التلفون كان مدير التوظيف، والحرمه هي مسؤولتي، والثالث المدير العام،
انتو بس اسمعو الاسئله وردودي الي اتفشل ما اعرف كيف اتوظفت ههههههههه
مدير الموارد البشريه قال ارمس عن عمرج اشوي، ما عرفت شو اقول جان اقول الي حفظونا في الكليه رمست عن تخصصي وهواياتي.
وجان يسال المدير العام شو انجليزيتج قلت له
I’m not that fluent but I’m good
المهم الريال ما سالني ابد عقب هالكلمتين
يت الحرمه وسالتني قالت لي انتي قلتي ان هوايتج القرايه شو اتحبين تقرين. رديت عليها ابسرعه وانا مستانسه قصص الحب (يحليلنا متعودين على قصص عبير وأحلام) ههههههههههه جان تضحك علي ويهي احترق, اهم شي ان الرياييل ما انتبهو وطلعت صحت لي ما قلت بس واشوي وبذبج عمري على ردي بس الحمدالله اليوم الثالث اتصلو فيني وقالو داومي من باجر
طبعا استانست ^_^
المره اليايه بقولك الموقف الي استوى يوم رحت اقدم في جمارك دبي, جمارك دبي وما ادراك ما جمارك دبي هههههههههههه
هالموفق استوى وياي وانتوا شو مواقفكم الي اتضحك يعني بدون خبره شو سويتو هل كنتو مثلي ولا اخس ^_*
هههههههههههههههههههههههههههه ذكرتيني ابمقابله التنميه ههههه مول ما كسرت ويهم مسكين الزعابي غمضني شكله ابسبتي ظهر من التنميه
بالنسبة لي … انا مرة وحدة بحياتي سويت مقابلة .. وكانت المقابلة في بنك .. وطبعا عطيت الهندي من الكلام الزين .. واللي يحبه قلبكم .. وتميت امدح الشغل في البنوك لووول
المهم .. اليوم الثاني اتصلوا لي وقالوا لي مقابلة ثانية .. ونفس الشي سويت .. سرت ومع هندي ثاني .. وقال لي خلاص بنتصل لك.
بعدها بكم يوم اتصلوا لي وقالوا لي تعال داوم … وكانوا عاطيني راتب زين .. بس قلت لهم بفكر .. وما ارتحت للموضوع على اساس ان العمل في البنوك مب زين .. مع اني محتاي وظيفة
والدواير الحكومية ما ادري شو سالفتي معاهم .. ما ادري ليش محد يتصل لي .. اذكر الصيف اللي فات اتصلوا لي مكانين .. لكن توقيت اتصالهم كان غير مناسب ابدا .. اول جهة كانت شركة خاصة .. واتصلوا لي وانا في المطار بسافر .. قلت لهم اجلوا الموضوع لبعد اسبوعين .. قالوا اتصل لما ترجع .. ولما رجعت رمستهم وقالوا بنتصل .. وسووا لي طاف … الجهة الثانية كانت وزارة حكومية .. بعد كان اتصالهم الصيف اللي فات .. وكنت في امريكا .. شوفوا كيف ما يعرفون يرتبون مقابلات .. متصلين لي .. وطبعا الوقت كان بعد نص الليل في امريكا .. قالوا لي تعال باجر مقابلة .. الناس يتصلون قبل بفترة على اساس الواحد يمكن عنده ظرف ولا شي ثاني .. مب تتصل وتقول تعال اليوم الثاني .. المهم .. قلت لهم اني برع البلاد .. وخلوا المقابلة وقت ثاني .. قالوا عيل بنحطك في اللستة الثانية .. ومن بعدها ما ياني اي اتصال
وللحين اخوكم يتريا حد يتصل له .. من فترة قدمت مع واحد من ربعي على جهة من الجهات .. اتصلوا له بعدها بكم يوم وقالوا له طلبك مرفوض على اساس انه يداوم … قلت له زين انت بعد عطوك ويه وقالوا طلبك مرفوض .. انا بس ابغي حد يتصل .. حتى لو يقول لي طلبك مرفوض لوول
خخخخخخخخخخخخخخخخخخخخخخخخخخخخخخ
ضحكتووووني
مره رحت في مركز كبير و معروف
انا متخرجة تمويل Finance مو محاسبة Accounting
في كتير ناس بتفكر انهم الاثنين نفس الشي بس هم لا مختلفين و كل واحد فرع دراسة
المووووهم دخلت عند الهندي – هو مدير ال finance مثل اغلب الاماكن
و قعد يسالني اسئله في المحاسبة
و انا ارد عليه اني انا سيما هااانم متخرجه finance و انا fresh graduate يعني بالعربي ما عندي خبرة
رجع يسالني في المحاسبة و انا ارد عليه انا متخرجه تمووووويل اسئلني اي سؤال و انا راح اجاوبك و يرجع يسالني بالمحاسبة
في الاخر قلت له
بتعرف الفرق بين المحاسبة و التمويل و لا ما بتعرف
طبعا هو انصدم
قال لي كيف ما بعرف و انا عندي مااااستر في التمويل و بكالوريس في المحاسبة
قلتله انت شكلك بدك هنوووود عندك خخخخ
قال لي على العموم اذا نجحت في المقابلة راح نتصل فيكي
انا كنت متاكده انه ما راح يتصل
اول ما طلعت اتصل الوالد و حكيت له كله القصة من طقطق لسلام عليكم
الوالد ما قصر اتصل فيه و شرشحه لووووووووووووووول
اخيج انا ماداني المقابلات و لا هالمذله
مره سرت مقابله في تنميه…ما بشتغل عندهم بس سايره المقابله اتدلع
و قالت لي اللي تقابل اون عادي اتمين لين 6 او 7 المغرب في سبيل الوظيفه…انا فجيت حلجي هاااااااااااه
دوامهم يخلص 2و نص شحقه اتم لين سبع ان شاء الله؟؟ اخم المكاتب ؟؟
و بعدين شفت شرذمة لوث يشتغلون هناك قلت اخص لو يموتون ما اشتغلت عنهم و بعد ذلك وصلتني رساله ان ما يبوني خخخخ كان المفروض انا اطرشلهم رساله اني ماباهم
و مره في الديوان …اون مقابله و حماس و يوم سرت حاطيلنا مجموعة وافدين و وياهم مواطنه بليا عباه اونها مديرة التوظيف…و الظاهر نظرات الاحتقار اللي وزعتها بكرم حاتمي هاك اليوم ساعدتهم في عدم اخياري للوظيفه خخخخخخخخخ
و عادي منوووو يبا يشتغل اصلا
مرتاحه في البيت و زباين الزيت مظهريلي قرون فديتهم ما يقصرون
لوووول
شكله ربيعك امرابع كل الي في المنتدى ههههههههه