اليوم وانا اجلب في اوراقي وشهايدي شفت رسائل التعين للداوائر الي اتعين فيها من بينهم اول دائره اشتغل فيها.
من شفت الاوفر ليتر ذكرت شو هببت في المقابله ^_^ الصراحه ويهي ايعورني يوم اذكر هاليوم بس بقولكم شو استوى بس اشوي اشوي علي وقناص الله ايخليك لا تحرق لي ويهي اكثر
المهم ايقولكم الاخت توها امخلصا امتحان الفاينل وراحت المكتبه عسب اترتب اوراقها وما خلت مكان إلا وهي امقدمه فيه.
عقب اسبوع اتصلو فيه اكثر من دائره ، شرطه دبي، الجمارك، دوبال، الإتصالات ومجلس الإعمال
طبعا اول دائره رحت لها وسويت انترفيو مذكوره فوق(خمنو)، كنت اول وحده وزايغه ما عندي خبره بطني ايعوروي والدقيقه ابساعه، المهم زقروني ودشيت القاعه ويا مكبر الطاوله شفت حرمه وريال كان يرمس في الموبال وجان اتقولي الحرمه اتفضلي ثواني والمدير العام بي، طبعا يحليلي انا ما اعرف هاييل امنو وشو شغلتهم ورمست الحرمه عادي فرندلي (يحليلي على نياتي ) شو اخبارج، شو اتسوين، وين قدمتي، في حد زقرج، هل هاي اول مقابله لج، المهم لي ما يا المدير العام وعقبها بدت المقابله،
الريال الي كان يرمس في التلفون كان مدير التوظيف، والحرمه هي مسؤولتي، والثالث المدير العام،
انتو بس اسمعو الاسئله وردودي الي اتفشل ما اعرف كيف اتوظفت ههههههههه
مدير الموارد البشريه قال ارمس عن عمرج اشوي، ما عرفت شو اقول جان اقول الي حفظونا في الكليه رمست عن تخصصي وهواياتي.
وجان يسال المدير العام شو انجليزيتج قلت له
I’m not that fluent but I’m good
المهم الريال ما سالني ابد عقب هالكلمتين
يت الحرمه وسالتني قالت لي انتي قلتي ان هوايتج القرايه شو اتحبين تقرين. رديت عليها ابسرعه وانا مستانسه قصص الحب (يحليلنا متعودين على قصص عبير وأحلام) ههههههههههه جان تضحك علي ويهي احترق, اهم شي ان الرياييل ما انتبهو وطلعت صحت لي ما قلت بس واشوي وبذبج عمري على ردي بس الحمدالله اليوم الثالث اتصلو فيني وقالو داومي من باجر
طبعا استانست ^_^
المره اليايه بقولك الموقف الي استوى يوم رحت اقدم في جمارك دبي, جمارك دبي وما ادراك ما جمارك دبي هههههههههههه
هالموفق استوى وياي وانتوا شو مواقفكم الي اتضحك يعني بدون خبره شو سويتو هل كنتو مثلي ولا اخس ^_*
وين الموفق الي ايضحك؟؟؟؟؟ قطعت قلبي ابهل سي في ^_*
في اعتقادي هاي المقابلات شكليه واغلب ان يقومون بها غير متخصصين ومالها اي معنى .
السلام عليكم
بعد التحية والسلام …
بالنسبه لموضوع التوظيف
انا بقوللكم قصة شغلي كامله طبعا سالفه طويلة وايد بس بختصرها في كلمات او عبارات قصيره واسطر بسيطه لكي يتسنى للي يقرا التمتع فيها والتمعن فيها .. وما ياكل سطور منها ههههههههههه
اخواني
منتدى الامارات للاوراق المالية هو مكان عملي
ومقره بيتي
والبنك اللي استلم راتبي منه الانصاري للصرافة
ومدرائي هم انتو اعضاء المنتدى والاعضاء كلهم ..
درجتي : تاجر يحب الخير لكل الناس
ترقيتي : الجنه باذن الله
امنيتي : تدعون لي بالخير والستر والله يحل كل مشاكلي .
حلمي : اني الم الشمل .
هدفي : اخلي العالم كلها تحبني وصدقوني يا ناس ترى انا في عمري ما كرهت حد .
اخواني اللي ما ولدتهم امي تعرفت عليهم من خلال هذا المنتدى
اسمي
مع خالص حبي وتقديري
يوسف النعيمي
بصراحه سوالفكم حلوه بس الحين انا بكتب مقابلتي ادري الكل ينتظر كيف راك اس ال توظف ..
انتظروااا المزيد دقايق معدوده فقط
بدأ العد التنازلي
.
شكلك ما كنت متريق عدل ^_^ بس الحمدالله الواحد يتعلم بس المشكله يفتشل في نفس الوقت