السلام عليكم ورحمة الله وبركاته
اخواني في ظل كل هالظروف الراهنة
ونشكر ايضاً إذاعة الشارقة على حملتها لإنخفاض الاسعار
ليش نحن بدورنا لو شفنا شئ ما نبلغ عن الاسعار المخالفة
عن نفسي مريت على كذا كافتيريات وصدفة في امارة عجمان وحصلت مبالغين شوية
تدرون سعر الخبز نزل
سعر السلندر للغاز نزل
ووايد اشياء على قولة اذاعة الشارقة الاسعار نازلة عيل ليش هالارتفاع في غير وقته
صراحة اتصلت على دائرة الاقتصادية في عجمان و ما قصروا الجماعة خذوا بيانات الكافتيريات
و الشكوى وبيقومون بالواجب وهذا رقمهم حتى تعرفون في عجماان
600522225
او
7471333-06
مب مسالة درهم او درهمين او نص او اقل لكن لازم نوقف في ويه كل طماع
تعاونكم هو اللذي ينقذكم من الاسعار المرتفعة حالياً
وجزيتم خيراً
ما ادري هل الحملة تفي بالغرض ام لا
لكن مثل ما شفتوا قبل ايام مخابز العين يتحدون الوزارة
وردوا يبيعون على الاسعار اللي هم يبون
شو اسم الكافتيريا اختي لو تعرفين
خلي كل الناس يعرفون ان هالكلام مب عبث
دام الوزارة عطتنا مجال فلازم نوقف وياهم عشان نلغي ظاهرة ارتفاع الاسعار
و عن نفسي ناوي لهالكافتيريات نية و مخصص لهم يوم معين
“” الساكت عن الحق شيطان اخرس “”
__________________
ويزاك الله كل خير ،،،
المفروض الكل يتعاون لكن اغلب الناس الله يهديهم يقولون عادي
وتدري اخوي من يومين مخالفين كافيتريا بالشارجة 10000 درهم لانه رافع السعر ،،،،
هو غمضني اول شيء
بس عاد هو وبكيفه
كل مخالف لازم ينال عقابه ،،،
بلغوا عليهم ….
وكل واحد ذنبه على ينبه
والسموووووحه
تحياتي
اختكم
سهمي عالي
و فالعين بعد نفس الشي الاسعار تزيد و لا تنقص ..!!
و البقاله الي في منطقتنا كل يوم عن الثاني تزيد عندهم الاسعار ولا تنقص و مره اخوي كلم راع البقاله و قاله بشتكي عليك قاله روح اشتكي >> عيني عينك
الله المستعان
صراحة محلات الشارجة بعدهم على الاسعار القديمة
وكل ما اقول لهم الاسعار نازلة يقولون بس في عجمان
وعندنا حتى الآن ما في شئ
يعني الحملة من الشارجة في النهاية الشارجة ما استفادت شئ من الحملة