السلام عليكم ورحمة الله وبركاته
اخواني في ظل كل هالظروف الراهنة
ونشكر ايضاً إذاعة الشارقة على حملتها لإنخفاض الاسعار
ليش نحن بدورنا لو شفنا شئ ما نبلغ عن الاسعار المخالفة
عن نفسي مريت على كذا كافتيريات وصدفة في امارة عجمان وحصلت مبالغين شوية
تدرون سعر الخبز نزل
سعر السلندر للغاز نزل
ووايد اشياء على قولة اذاعة الشارقة الاسعار نازلة عيل ليش هالارتفاع في غير وقته
صراحة اتصلت على دائرة الاقتصادية في عجمان و ما قصروا الجماعة خذوا بيانات الكافتيريات
و الشكوى وبيقومون بالواجب وهذا رقمهم حتى تعرفون في عجماان
600522225
او
7471333-06
مب مسالة درهم او درهمين او نص او اقل لكن لازم نوقف في ويه كل طماع
تعاونكم هو اللذي ينقذكم من الاسعار المرتفعة حالياً
وجزيتم خيراً
دائما أذاعة الشارجه سباقه لمثل هالحملات والله يعطييهم العافيه
ما ينسكت عنهم
اللي يشوف الغلط يبلغ عنه
صح كلامك ,,,
نحن بنوقف ف ويه كل طماع ,,,
أفا عليك انته بس
تسلم لي اخوي
بس لازم نبلغ على كل صغيرة وكبيرة
ما نخلي لا بقالة ولا محل الا ونحن نشتكي عليهم
لعل كل هالشكاوي تييب لنا نتيجة ايجابية مستقبلا
لا تستحون ولا تتهاونون حتى لو فلس زايد
بلغوا عليهم صدقوني ترتاحون مستقبلا
اذا انتوا ما ارتحتوا اجيال اللي عقبنا يرتاحون
كلامك 100% صح