دايما كانت لي ملاحظة على المسلسلات البحرينية بس كنا نطوف قبل
ولكن لما تابعت مسلسل عيون من زجاج اللي يعرض على قناة ال Mbc الساعة 12 بتوقيتنا الصراحة مب متخيلة ان اللي اشوفه مسلسل خليجي كاني اشوف فيلم هندي الصراحة و خاصة الحلقة من يومين اغتصاب بطريقة بس الله يسامح الممثلة اللي رضت على نفسها بهالدور!!! و مطلعين شرب الخمر في المسلسل كانه شي عادي و بيوت دعارة و قصص حب بطريقة مبالغ فيها وكانك تشوف فيلم هندي …الحب موجود في الواقع و لكن بالصورة اللي هم موضحينها اعتقد قليل جدا اذا ما كان نادر…واحد يحب وحدة متزوجة و يبغي يفرقها عن زوجها لانها تشبه زوجته اللي كان يحبها
وواحد ثاني ما عنده شغلة الا طول الوقت يراقب وحدة يحبها و يلاحقها من مكان الى اخر
يعني كان الواحد في هالدنيا ما عنده شغلة غير الحب !!!
حتى لو المجتمع الخليجي فيه الكثير من العادات السيئة ولكن ليس بهذه الصور وكان المجتمع البحريني مافيه شي زين و دايما في كل مسلسل بحريني يكررون نفس الشي (بيوت دعارة وشرب خمر و قصص حب و علاقات غير شرعية و اطفال غير شرعيين……….الخ)
وين ايام قبل يوم كنا صغار ؟؟؟ المسلسلات الخليجية كانت جدا محترمة ومافيها شي يخدش الحياء او ان الواحد يستحي يتطالعه …..
الحين المراهقين اللي يشوفون هالقطات و مثل هالمسلسلات ومن كثر ما بيشوفونها الامر بيستوي عادي عندهم
الله يسامح بعد كاتب السيناريو و المخرج و الممثلين!!!
ما اطالعها والصراحه ها الميك اب مال ها الايام لوعة جبد
وما تعكس الواقع الخليجي الحقيقي .. بالعكس هي تاخذ مشاهد صغيره من حياتنا وتكبرها وتنفخها
وتسوي منها قصص وحكايات نكتشف في نهاية هالمسلسلات أننا ما استفدنا منها غير معرفة
آخر صرعات وموضات الميك اب واللبس الفاضح والسمعه السيئة عن مجتمعاتنا
ولكن قد يكون القائمون على هذا المسلسل ارادوا يختلفون عن غيرهم ويتميزون في عرض ماهو
جديد ومختلف على المشاهد من خلال عرض مشاهد تخدش الحياء وتدمر تفكيره وأهداف عيشه
في هذه الحياء لحصرها في حب وزواج وخيانات وجرائم قتل وبلاوي سوده اخرى
والخطر كل الخطر أن يشاهد مثل هذه المسلسلات مشاهدون يصعب عليهم تمييز المفيد لهم من
الغير المفيد من الافكار التي تعرض عليهم مشاهد مثل هذه المسلسلات .. أياً كانو هؤلاء المشاهديين
كبار أو صغار .. ولاتقولون أن هالمسلسلات خطر على الصغار والمراهقين فقط .. !!
والسموحه عالاطاله
أشكررررررررررررج
حتى انا مول ما اطالع التلفزيون بس هالفترة فاضية و قلت خلنا نشوف شو ينعرض في التلفزيون
التلفزيون حق الناس اللي عندها وقت الصراحة
عزيزتي انا مب المشرفة!!! انا وحدة كله طايحة في قسم الاسهم وما ادخل العام وايد
الصراحة اوافقج 100% على اللي قلتيه