السلام عليكم أبدأ موضوعي بالكلام عن المحافظ وخصوصا” محفظة عابد البوم اللي رحنا فيها وطيييييييييييي أونا نبا ارباح شهريه تساعدنا شوي وحطينا الفلوس نعم ثلاث اشهراللي اذكرهن ارتحنا شوي فيهن وبعدين يت الصدمه الكبيره اللي خلتنا ننععشش انا وخواتي تدرون أهلي من زمان داخلين فيها وعمرهم ما اشتكوا منها كانت اول تنزل الارباح 7 بالميه يوم اشتركنا فيها نزلت لين 5بالميه صدق مشعر انا وريلي حليلك يابو حمد ياليتك ماسمعت كلامي وحطيت فلوسك لاااااااااا وبزيدكم من اشعر بيت وانا اللي قلتله يبيع المزرعه عشان يحط فلوسه فيها وزين يوم ماحط الفلوس كلهن جااااان الحين نحنا في خبر كاان صدق يوم قالوا الحريم ناقصات عقل والا حد يسمع كلامهن بعدنا نحنا بربنا أعرف ناس الله يعينهم لا معاش ولاشي يرد عليهم الاعايشين عالله وعلى الارباح اللي تيهم من هاي المحفظه اصدقون تراني يالسه اكتب الموضوع والدموع 00000000000 اصراحه الحياه وااااااااااااايد صعبه يالله تفرجها على كل مسلم ومسلمه وترد الفلوس لكل اللي حاطين فلوسهم في هااي المحافظ
29 thoughts on “المحاافظ شو سوت فينا”
Comments are closed.
لا تحاتي يام حمد
ان شاء الله فلوسج وفلوس الباقين ان شاء الله بترجع
وعليكم بالاستغفار والدعاء وان شاء الله تتيسر
والله يعييين الجميع
صدق ان المحافظ بلوى
حبيبتي لا تضايجين بعمرج اهم شي صحتج والبيزات تراها اسير واترد انا ترى بعد حاطة كل بيزاتي في الاسهم وخسرانه فيها وعادي ولا مفتكرة وياما نصحوني اخواني لا تدخلين في الاسهم فيها شبهات وانا كنت اطشنهم بس الحمدلله الله عوضني في شي ثاني
وانتي خلي ايمانج بالله قوي وربج ما ينسى عباده فان مع العسر يسر
مشكوووورين اخواني وخواتي عالردود والله انكم ريحتوني لانه قلولنا انسوا عابد البوم وانسوا بيزاااتكم لانه وحده من خواتي حاط زوجها كل مايملك والحين يدور شغل ولابلاقي والله حاط سياراته في المعرض عشان ينباعن ولاكيف بيعيش والثانيه من خواتي اسلفت من البنك على معاشها وحطت في عابد البوم والحين مايبقالها الا3آلاف وخويه حاط بعد والحين أجل العرس من جذيه انا تعبانه مش عشاني انا بس والله عشان اهلي يالله تفرجها00 ولا نسيت اقولكم اختي اللي مسلفه من البنك ولااستلمت من المحفظه اي فلس اللي تحكبه شوي عيونها بعد هي من حطت الفلوس استوى اللي استوى مشعووووره مثل اختها
امييييييييييييييييييين يارب ههههههههه