ندخل فالموضوع
عندي ملاحظات على بعض التجار في النت
وموجودين في المنتدى ..
بخصوص المبالغة في اسعار السلع والبضائع
ملاحظها في شغلتين
الاولى
البعض يعرض سلعه موجوده في السوق حتى في البقالات موجوده
مثلا فالسوق سعرها 130 ويبيعها فالنت بسعر 200درهم
تراني بضرب خط وبحولك الفلوس من الانصاري وعقب بسير
ادفع تقريبا 30 درهم للتوصيل
ياخي خذلك فايده بسيطه مب تدبل السعر والمشكله سلعه موجوده
ومتوفرة بكثره 
والثانية
السلع اللي مب متوفرة في الدولة
وخصوصا العطور
هنية الاستغلال والجشع اشوفه
ايي سعر العطر مثلا 500 درهم ويبيعه هنية ب 1200 او 1000 درهم
ليش ياخي خذ فائده عشرين بالامية ثلاثين بالامية
مب امية بالامية او اكثر 
ترا الناس تروم تشتري من النت وفيه تجار يشترون للاعضاء من النت
بعمولة بسيطة لا تذكر ..
صحيح اللي يبغي يشتري يشتري بكيفة
واللي ما يبغي بعد بكيفة محد يضربة او يجبره يشتري ..
بس انتو فالنت ما عليكم ايجار محل ولا فاتورة كهربة ولا ايجار مخزن
و و و الخ
ليش الاستغلال والطمع
المفروض هنية نحصل اسعار اقل عن اسعار السوق
لان مثل ما قلنا ماعليك ايجار وكهربة و و الخ
ادري اني بحصل معارضة كبيرة
لكن شي فخاطري وحبيت افضفض
ويمكن يوافقني البعض
عينه ع الغلاء
و كيف سعر السوق مرات ارخص من سعر التاجر
و المشكله التاجر يدعي انه سعره منافس
تم فتح وتثبيت موضوع جديد للأخ xsvipsx للفائده
xsvipsx يعطيك العافيه بس لو تسوي موضوع خاص ويثبتونه المراقبين احسن لأنه المشكله اهني نناقش
وهالي حطيته يباله موضوع علشان نناقشك اكثر ونناقش لي طلبو
وسموحه اخوي ادري تعبت بنقلك المواضيع عن موقع آي باي أو امازون لكن يستاهل انك تسوي موضوع خاص وتحطه ^^
fear allah
ماشاالله الافكار اللي طرحت من قبل الاعضاء ممتازة واسمحولي اذكرها كنقاط:
1- تثبيت موضوع تعريفي عن كيفية الاشتراك والشراء من موقع ebay او amazon الخ .
وماشالله العضو(xsvipsx) يابها وبشكل ممتاز ومجهود رائع ,اتمنى من المشرف البنتلي تثبيت رد اخونا xsvipsx مع وضع العنوان المناسب له ,واكيد انه راح يفيد الكثير من الاعضاء .
2- واحد من الاخوان ذكر فكر حلوه, وضع الية تصويت بشكل شهري او كل اسبوعين او شهرين للتاجر المثالي من حيث التعامل والاسعار وتسليم الطلب ,, طبعا يتم دخول المنافسة الاعضاء اللي تكون الردود على مواضيع شرائهم ايجابية وهذا يتم تحديده من قبل المشرف فقط.
3-اي موضوع للبيع ,اذا كانت السلعة معروضة بسعر عالي وعضو اخر عارضه بسعر اقل وبنفس الجودة و المصنعية وبلد المنشأ و المشرف هو الوحيد اللي يحدد و يتأكد من هالاشياء , ,, له الحق المشرف بوضع رد على الموضوع كالاني (هذا المنتج معروض بسعر اقل )مع وضع رابط موضوع بيع السعر الاقل ,, طبعا جميع الروابط بيع بالسعر الاقل تكون من روابط منتديات الامارات للاوراق الماليه فقط .
بانتظار المزيد من الاراء من الاعضاء ..